BOTORO NYÚÚ MÍ CƆƆ
(73-89)
Beé rí tɛ́ nɩbɔma wɩ́ɛ́ ʋ́'ɔ́sɛ́>>
73
1 Azafɛ yɩl.
Taŋá wuu, Wɩɩsɛ wéró a pá Ɩzɩrayɛl,
a pá sapʋmmɛ tɩ́náwa.
2 Ʋ sɩɛ́ fa káánɛ mʋɔ́ ká rɩ́ŋ nyɔ́rkɛ naa,
mɩ́bí ní too ká rɩ́ŋ fa sɩ́ɛ́rɛ,
3 beé wɩ́ɛ́, bánɔnnɩ́ fá kéníŋ nyʋ́ktɩ́ɩ́na wɩ́ɛ́,
ŋ há ná nɩbɔma rɩ́ ɓaá mʋ́ sɩ́ɛ́ wɩ́ɛ́.
4 Ɓa wɩ lóé rɩ oŋ múmúrwó, aá kaá jɔ́wɔ́ sʋʋ,
ɓa vʋ́ɔ́ a hé nʋnnɛ.
5 Ɓa wɩ nɛ́ŋ ná wɩɩla ɛ̃́,
ɓa wɩ tɩŋɛ aá dí wɩɩla ná haá pú nɩɛ náŋá.
6 Nyʋkɔ nɛ́ kɔ́wɔ́ baŋzɩ́ŋ,
ká sahaksɩ́ ɔ́wɔ́ gɛsuo.
7 Ɓa rɩ́wɔ́ vʋ́ɩ́ wuu, ɓa sɩ́ɛ́ é há nyɩ́ɩ́sɔ,
ɓa sabɩɩna wɩ́ɛ́ ká pʋmmɩ́.
8 Ɓaá mɔ́ŋ nɩɛ, kaá bʋ́l nɩɛ vɩrɛ wɩ́ɛ́,
ɓa sɩɛ́ wɩ lʋɔrɛ, aá bʋl má.
9 Ɓa nʋʋsɛ wɩ́bʋlɛ́ zɩ́nɔ́ a peri bána,
kɔ́wɔ́ nɔŋdulle bɩbaarɛ tíé. (Tíé dɩhɩ̃́ too, ɓa nʋɔ wɩ́bʋlɛ́ há wɩ ráŋ péré.)
10 Ɛ́ nɛ́ tɛ́ Wɩɩsɛ nɩɛ bɩ́rwɔ́ sɩ́ɛ́ a cáásɩ́wɔ́
ɓa ɔ́ŋsɛ nyikana aá pɔ́wɔ́.
11 Ɓa sɛ́: «Wɩɩsɛ tɩ́ŋ ɛ́rɛ́ɛ́ rɛ́ kaa zɩ́ŋ>>
Wɩɩsɛ ná há mɩ́ŋ bána nyúú kéŋ zɩ́mɛ́ rɛ́>>»
12 Sɩɛ́ ná ɛ́ nɩbɔma há nɛ́ ɛ́:
ɓa wɩ wɩ́ɩ́ a, ká ɓa nɛ́kanɔ susúúri.
13 Taŋá wuu, ŋ sapʋmmɩ́ ná (há wɩ lóé rɩ busunnú wɩ́ɛ́ mɩ́nɩ́ŋ sɩɛrʋ ná), ká yɔ́ɔ́ nɛ́
cɩcʋɔ é wuu, ŋ́ ná bɛ́ŋsɛ́.
15 Rɩ́ŋ nɛ́ fá sɛ́: «Ŋ sɩ́ gieli wɩ́ɛ́ anɛ ɛ́ ɓa háá gieli wɩ́ɛ́»,
ŋ fa sɩ́ nyɩsɛ duo ná nɩɛ há kɛ́ɩ́ bɛlɛ.
16 Ŋ kɩɛlɔ́ rɩ́ŋ zɩ́ŋ wɩ́ɩ́ ná
mʋ́l nɩ́ɩ́ há duóko páŋ,
17 a tɩ́ŋ ɛ́ wɩ́ɛ́ mʋ́ zʋ́ Wɩɩsɛ dɩmɩnɩ́,
rɩ zɩ́ŋ wɩ́ɩ́ ná háá dɛ́llɩ́wɔ́ cie kal:
18 Ʋ ká nyaamɩ́, ɩ sɩ́ yíkwó a hé ráŋ ná háá sɩ́ɛ́rɛ mɛ́,
a makɛ rɩ zɔkrʋ́ díwó.
19 Beé zɔkrʋ rɩ nyɛ́, ɓaláɓalá!
nówó, ɓa yɩr baá waá yɩrɛ, héwíŋ zʋ́wɔ́.
20 Nyuutɩna Wɩɩsɛ, ɩ sɩ́ a rɩ́wɔ́ cuuno nyɩ́ɩ́kɛ tɔ́ɔ́ ná sɩɛrʋ,
anɛ ɛ́ nɛrɔ há pɛ́ duósi a ná wɩ́ɛ́, a ko aá isi rɩ́wɔ́ nyɩ́ɩ́kɔ.
21 Tɛ́ŋ ná mɛ́, ŋ sɩɛrʋ fá há zɔkɛ́,
ŋ sɩɛrʋ lɩ́ŋ tɩɩ,
22 ŋ́ pii cʋʋlɛ, a wɩ wɩ́ɩ́ oro wuu mʋ́l ɛ̃́,
ŋ fá nɩhɩ̃́ pʋna ná nɛ́, ká taŋá tɩ́ŋɩ́ mɛ́.
23 Beé wɩ́ɛ́, ŋ mɩ́nɩ́ har tɛ́ŋ wuu mí:
ɩ kéníŋ rɩ́ rɩ́ɩ́ néduu nɛ́sɛ,
24 rɩ́ɩ́ tɩ́ɛ́sɩ́ŋ a tɩ́ŋɩ́ŋ sabɩɩna jáŋ mɛ́,
a a rɩ́ŋ tɩ́ŋ zʋ́ píŋ sɩɛrʋ.
25 Áŋ rɛ́ káŋ nɛrɔ bána nyúú>>
Ŋ é mɩ́nɩ́ har nɛ́,
tíé nyúú oŋ wuu wɩ hɩ́ɛ̃́ŋ kéné a páŋ.
26 Ŋ bɔ́lɔ́ arɩ́rɩ́ŋ sɩɛrʋ wuu,
amá Wɩɩsɛ nɛ́ káŋ kér arɩ́rɩ́ŋ sɩ́saŋnɔ́
a kaá mʋ́ wuu.
27 Beé wɩ́ɛ́, zɔkrʋ́ sɩ́ pú nɛrɔ ná há kénú tɩɩ kɛ́kɩ́ mɛ́;
ɩ sɩ́ zɔkɛ nɛ́ŋ vɛ́ɩ́ tá kaá tɩ́ŋ venni.
28 Ŋ é wér díí, ʋʋ́ lɩ́ŋ Wɩɩsɛ laka mɩ́nɛ́ nɛ́;
ŋ yuoli Nyuutɩna Wɩɩsɛ mɛ́ nɛ́,
a bʋ́ʋ́ wɩ́állɛ mɛ́.