Fáŋ búŋse, Wɩɩsɛ
(v 2-6: bel Yɩɩla 40. 14-18)
70
1 Liise yɩl, Davidi há yɩ́ɛ́; ʋ mɩ́ŋ gɔk'áná gɔkɩ́ sɩɛrʋ.
2 Nyuutɩna Wɩɩsɛ, ŋ sʋlɩ́ rɩ, ko láŋ a tá;
Nyuutɩna Wɩɩsɛ, fá kɩ́kɛ́lɛ a ko láŋ a tá.
3 Rɩ hɩ̃́ɩ̃́sɛ arɩ́ sazɔkɔ́ pú nɩɛ ná haá jáŋ sʋʋ!
Rɩ nɩɛ ná há có rɩ́ŋ dí wɩɩla, gúl ká dí hɩ̃́ɩ̃́sɛ.
4 Rɩ nɩɛ ná haá mɔ́mɩ́ŋ bɩrnʋkɛ
hɩ̃́ɩ̃́sɛ há dukwó wɩ́ɛ́!
5 Amá, ɩ yɩr mɛ́, rɩ satɔrɔ́ nɩ́ɩ́sɛ nɩɛ ná wuu haá jɛ́ɩ́,
ká rɩ nɩɛ ná wuu há cóí, ɩ é laataarɔ́,
rɩ́wɔ́ sɩ́ bɔ́lʋ́ rɩ́wɔ́ cáárɛ, a bʋlɛ́: «Nyuutɩna Wɩɩsɛ zeno!»
6 Ŋ é ká nɛ́ŋmúrtɩŋ rɛ́, wɩɩlɩnar,
Nyuutɩna Wɩɩsɛ, fáŋ búŋse kɩkɛ́lɛ́.
Ɩ nɛ́ káŋ sɩsaŋnɔ́ arɩ́rɩ́ŋ laataarɔ́.
Ŋ (tɩ́na) Wɩɩsɛ, sɩ́ daanʋ́.