Kɛ́rɩ́ŋ mɛ́
64
1 Davidi yɩl ʋ há yɩ́ɛ́, ʋ mɩ́ŋ gɔkɩ'áná gɔkɩ́ sɩɛrʋ.
2 Zesíŋ hííne, Wɩɩsɛ;
kɛ́rɩ́ŋ mɩɩsɛ mɛ́ rɩ́ dɩŋdɔmɔ ná héwíŋ há kéníŋ;
3 kánɩ́ŋ fésí dɩboli nɩbɔma ná háá jáŋ sɩ́ɛ́ mɛ́,
wɩ́bɔ́ŋ'aara ná háá vʋ́ʋ́rɩ́ŋ wɩ́ɛ́ sɩ́ɛ́ mɛ́.
4 Ɓa sɛ́sɩ́wɔ́ nɔŋdile anɛ tokowíé;
ɓa gɛ́rɩ́wɔ́ tuhɛ́ma, ɓa wɩ́bʋlɛ́ ná kéŋ huõno,
5 rɩ́wɔ́ féŋsi ká yakɛ nɩtaŋá:
ɓa wɩ zieme ká yóú, a héwíŋ má fɛ́ɛ́.
6 Wɩ́tɔk nɛ́ ɓaá lukwó tɩɩ mɛ́;
aá kersi ɛ́ na ɓa há sɩ́ héwó baráwa;
ká bʋ́lɛ́:«Áŋ rɛ́ sɩ́ nárá>>»
7 Ɓaá vʋ́ʋ́rɛ wɩ́tɩɛnnɛ dʋŋɔ vʋ́ʋ́rɛ́ nɛ́:
Á vʋ́ʋ́rɔ tenni:
nɩbííno sɩɛrʋ ká butoluŋo ní, ʋ sɩɛrʋ wɩ wúó ná.
8 Amá Wɩɩsɛ yówó rɩ́rʋ́ hɛ́ŋ,
ʋ hɛ́ŋ mʋ́ uríwó mí:
ɓa tɩɩ jáŋ nɛ́ díwó,
9 ɓa nɔŋdilli ní gɩrɛ cɩ́ŋwɔ́ tɩɩ mɛ́.
Nɛrɔ wuu bélwó kaá viki nyúú;
10 héwíŋ kéŋ nɛrɔ wuu,
nɛrɔ wuu bʋ́bʋ́l Wɩɩsɛ wɩ́'aalɩ́ ná wɩ́ɛ́,
kɔ́ʋ́ wɩ́'aalɩ́ ná caanɛ́ má a pá nɛ́ŋ wuu.
11 Nɩtaŋá sɩ́ jʋ́ɔ́sɛ Nyuutɩna yɩr mɛ́,
ʋ nɛ́ kɔ́ʋ́ dɩyuoli,
nɩɛ ná wuu sɩɛnnɛ há pʋmmɔ má jʋ́ɔ́sɛ.