Ɩ nɩcɩtɩkɔ́ kɛ́ hiẽso
63
1 Davidi yɩl tɛ́ŋ ná mɛ́ ʋ há mɩ́ŋ Ziida gɩrbétéke sɩɛrʋ.
2 Wɩɩsɛ, ɩ nɛ́ káŋ Wɩɩsɛ. Púle mí wuu, ɩ nɛ́ ŋ jɩ́já;
ɩ nyɩnyʋ́ɔ́sɛ kéní dʋma;
ɩ wɩ́ɛ́ kéníŋ weri,
anɛ nyii wɩ́ɛ́ há kéŋ tíhɩlɩ́, hɩlɔ tɛ́ŋ mɛ́.
3 Ʋ nɛ́ ɛ́ nɛ́ a páŋ, ŋ sɩ́ɛ́ cɔ́ɛ́ mɛ́ ɩ jaa ná sɩɛrʋ,
bɩbɛllɩ́ dóé arɩ́rɩ́ píŋ.
4 Óó, ɩ nɩcɩtɩ́kɔ́ kɛ́ hiẽso,
ŋ sɩ́ wúríŋ nʋɔ a bɩ́ɩ́ mɛ́.
5 Ʋ ká ɛ́ nɛ́, ŋ sɩ́ barkɩ́ ŋ hiẽso wuu mí,
ŋ sɩ́ kánɩ́ nɛ́ŋsa ɓɔ́ɩ́ yɩr mɛ́.
6 Ŋ sɩ́ vɔkɛ anɩ́ŋ há dí nanʋnnɛ arɩ́ ɓɩdípʋ́ʋ́rɛ́,
ká wúríŋ nʋɔ mɛ́ a dɛnnɩ́ arɩ́ satɔrɔ́.
7 Ŋ basɩpɩnɛ mɛ́, rɩ́ŋ nɛ́ kúó bɩ́ɩ́nɩ́ wɩ́ɛ́,
ŋ́ caasɛ cʋɔlɩ́ a daanɛ nɛ́.
8 Beé wɩ́ɛ́, ɩ nɛ́ káŋ sɩ́saŋnɔ́
ŋ mɩnɩ́ kíŋkó mʋ́l kaá caasi satɔrɔ́.
9 Ŋ dʋma cɔ́ɩ́ mɛ́ rɩ́ taŋá,
ɩ néduu nɛ́sɛ nɩ́ɩ́ pɛ́ŋ mɛ́.
10 Rɩ zɔkrʋ́ pú nɩɛ ná há cɩ́nɩ́ŋ mɩɩsɛ lɩsɛ́ mɛ́.
Rɩ́wɔ́ mʋ́ lɛ́lɛ́tɔ́ɔ́.
11 Rɩ tokowí díwó,
rɩ́wɔ́ a bakavasɛ ɓɩdííli.
12 Kuóro sɩɛrʋ sɩ́ tɔ́rɛ Wɩɩsɛ;
nɩɛ ná há sɩ́ ŋmɩ́ɛ́sɛ Wɩɩsɛ yɩr mɛ́, sɩ́ bɩ́wɔ́ tɩɩ mɛ́.
beé wɩ́ɛ́ nyɛ́tɩɩna nʋʋsɛ sɩ́ cɛwɛ.