Ŋ dʋma kéŋ tɛŋfɩ́ɛ́l Wɩɩsɛ laka
62
1 Davidi yɩl, a mɩŋ yɩɩla nyúútɩ́na Yedutuŋ yɩɩla kɛnɔ sɩɛrʋ.
2 Ʋ ká ɛ́ nɛ́, ŋ dʋma kéŋ tɛŋfɩ́ɛ́l Wɩɩsɛ laka (sɩ́ɛ́ mɛ́);
ŋ laatɛ́ lʋ́ʋ́ nɛ́.
3 Óó, ʋ nɛ́ káŋ bʋ́ɩ́, ŋ Laataarɔ,
ŋ zekɛ́rɛ; walmɛ́ wɩ́ŋ peri.
4 Ɩ́ wuu há hé náŋá mɛ́
a cɛ́ nɩbalá mɛ́, aá jɔ́ʋ́ zɔkɛ́,
anɛ zeŋ há yɩɛlɛ́,
anɛ zekume há cɛ́ ɓalɛ́ mɛ́,
tɛ́ŋ beé rí, rɩɩ́wa tá ɛ́ ná ɛ́ɛ́>>
5 Ʋ ká ɛ́ nɛ́, ɓaá vʋ́ʋ́rʋ rɩ́wɔ́ yikú tá nɛ́,
ʋ dɩkéní há píŋó wɩ́ɛ́.
Ɓa có nyɩɛrʋ:
ɓa bárka héé mɩ́ŋwɔ́ nʋʋsɛ mɛ́ nɛ́,
ká sɩɛrʋ rɩ́ é, ɓa bʋrɔ aá hé ní. \qs Dɩfɩɛlɩ́.\qs
6 Ʋ ká ɛ́ nɛ́, ŋ dʋma, kéŋ cɩm Wɩɩsɛ laka;
beé wɩ́ɛ́, ŋ yɩɛla mɩnʋ́ mɛ́ nɛ́.
7 Óó, ʋ nɛ́ káŋ bʋ́ɩ́ arɩ́rɩ́ŋ Laataarɔ,
ŋ zekɛ́rɛ (dɩdúó, dɩyuoli): walmɛ́ wɩ́ŋ peri.
8 Ŋ laatɛ́ arɩ́rɩ́ŋ píŋ lɛ́ Wɩɩsɛ nɛ́;
ŋ bʋ́ɩ́ ná há kéŋ dóé nɛ́ ká Wɩɩsɛ, ŋ dɩyuoli ní.
9 Ɩ́ é nɩbííne, ɩ́ yɩɛlʋ́ tɛ́ŋ wuu mí.
Ɩ́ wúríwa sɩɛnnɛ pɔ́ʋ́;
Wɩɩsɛ nɛ́ kárá dɩyuolí. \qs Dɩfɩɛlɩ́.\qs
10 Óó, nɩbííne ká poo ní,
nɩɛ ná yɩra há lɩ́ɛ́ ká nyɩ́ɛ́rʋ.
Rɩ́ ɓa nɛ́ kérsíwó píŋ,
ɓa wuu píŋ wɩ oŋ mɔhɛ.
11 Ɩ́ sɩ́ɩ́wa yɩɛla pii hé bɩbarɩ́ mɛ́:
ɩ́ sɩ́ɩ́wa tɩɩ bɔ́lʋ́ bɩba'onni wɩ́ɛ́.
Rɩ́ɩ́wa kuorí níí súúre,
ɩ́ sɩ́ lo rɩ́ɩ́wa sɩɛrʋ mɩ́ŋwɔ́ mɛ́ nɛ́.
12 Wɩɩsɛ bʋl wɩ́ɩ́ rɛ́,
ŋ nʋ́ʋ́ naasɩ́ bʋllɛ,
ʋ nɛ́ ká: dóé mɩ́ŋ Wɩɩsɛ rɩ́ nɛ́.
13 Nɩcɩtɩkɔ́ má mɩ́nɩ́ é Nyuutɩna rɩ́,
arɩ́ wɩ́ɩ́ né má: ɩ tú nɛrɔ wuu aá cɛ́rʋ́ tʋ́mɛ́ mʋ́ɔ́sɛ nɛ́.