Kánɩ́ŋ hé kíŋkó mʋ́l
61
1 Davidi yɩl ná ʋ há dú gɔkɛ cɩka ná há kéŋ ŋmɛsɛ a yɩ, ʋ mɩ́ŋ gɔkɛ áná gɔkɩ́ sɩɛrʋ.
2 Zesíŋ caase Wɩɩsɛ,
lo rɩ́ŋ sʋ́lɛ́ zʋ́ɩ́ dɩllɛ.
3 Ŋ mɩ́ŋ tíé toko mí,
kaá yɩ́rɩ́ŋ
sazɔkɔ́ há péríŋ wɩ́ɛ́.
Bʋ́ɩ́ ná (paalɔ́ ná) ísó a páŋ
kánɩ́ŋ zɩ ráŋ.
4 Beé wɩ́ɛ́, ɩ nɛ́ káŋ dɩyuoli,
ɩ nɛ́ káŋ zekɛ́rɛ dɩŋdɔmɔ sɩ́ɛ́ mɛ́.
5 Ŋ fa có rɩ́ŋ mɩ́nɩ́ lɔkɛ sɩɛrʋ bɩkatɩ,
a féŋsɩ́ŋ tɩɩ ráŋ, ɩ kíŋkérú mʋ́l. \qs Dɩfɩɛlɩ́.\qs
6 Ɩ é Wɩɩsɛ, ɩ nɛ́ saŋɩ́ŋ nʋtallɛ,
ká píŋ liwe a pá nɩɛ ná háá fɛ́ɩ́.
7 Súúri tápʋ́la kuóro tápʋ́lɛ́ mɛ́; (pá kuóro mɩgbo);
a makɛ rʋ́ʋ́ bɩŋsɛ púl kɩ́ŋkáŋ.
8 Wɩɩsɛ yɩr mɛ́, rʋ́ʋ́ dí kuorí a kaá mʋ́ wuu.
Ló rɩ cɩtɩkɛ́ arɩ́ taŋá nɛ́ kɛ́rʋ́ mɛ́.
9 Ɛ́ mɛ́ nɛ́ rɩ́ŋ dɩ́dɛnnɩ́ yɩr déŋdéré,
a lɩ́sɩ́ŋ nʋtallɛ ná tápʋ́l wuu.