(v. 7-17: Kɩɛlɛ Yɩɩla 108.1-14)
Wɩɩsɛ nɩɛ ká pɔllɛ, kɔ́ʋ́ há zizesíwó sʋ́lɛ́
60
1 Davidi yɩl ná, ʋ há dú dúí ná ɓa háá yɩrɛ sɩ́ɛ́da fɩl, a yɩ, rʋ́ʋ́ karmɛ nɩɛ. Ʋ mɩ́ŋ gɔkɛ áná gɔkɩ́ sɩɛrʋ.2 Tɛ́ŋ ná mɛ́ ʋ rɩ́ Aramɛ nɩɛ ná há mɩ́ŋ Mezopotami arɩ́ Soba mɛ́ aá yo náŋá nɛ́. Ká Zʋwabɛ má bɩrɛ ko a ɓʋ́ʋ́sɛ Edoŋ nɩɛ bʋ́ɩ́ fí arɩ́ bɛllɛ, Yɛsɛ Polo sɩɛrʋ.
3 Á Wɩɩsɛ, ɩ vɛ́rá tá, a káŋ rá pɩsɛ náŋá mɛ́;
ɩ cɔ́ɛ́ wɩrá: sɩɛ́ bɩrcuolirá.
4 Ɩ ɔ́ɔ́ tíé vaklɛ, ɩ ɔ́ɔ́ tíé póŋ:
sɩɛ́ tɔ́ ɛ́ póŋse, beé wɩ́ɛ́, ʋ baá wɩ dóé kéné.
5 Ɩ ɔ́ɔ́ ɩ nɩɛ dí wɩɩla,
ɩ ɔ́ɔ́ á nyɔ́ hɩ̃́ɩ̃́sɛ dɩvɛ́ŋ.
6 Nɩɛ ná háá fɛ́ɩ́, ɩ pɔ́wɔ́ nyɩnɛ
rɩ́wɔ́ fa tuyoore sɩ́ɛ́ mɛ́.
7 Lɛ́ɩ́ nɩcolle a tá, a tɩ́ŋɩ́ vadóé mí,
saŋrá sʋ́lɛ́.
8 Wɩɩsɛ bʋl wɩ́ɛ́ ʋ jaa sɩɛrʋ a bʋ́lɛ́:
Ŋ nɛ́ tɛ́ ballɩ́; ŋ sɩ́ ká Sɩɩsɛmɛ a ɓá
ká máŋsɛ Sʋkɔtɛ polo.
9 Ŋ nɛ́ tɛ́ Galaadɛ; ŋ nɛ́ tɛ́ Manase;
Ɩfɩrayɩŋ káŋ néŋcugbaŋa nɛ́;
Ziida káŋ (kuó+) duŋtuke ní;
10 Mʋwabɛ nɛ́ ká gbaŋa ná ŋ há kéné aá fo nyii.
Ŋ lɩ́sɩ́ŋ natɔ́wɔ́ a yo (mallɛ) Edoŋ mɛ́;
a) ká caasi ballɩ́ Filisiti nyúú.
b) Filisiti, wi (caasi) aá cémíŋ, a zɔkɩ́ tɩɩ.
11 Áŋ rɛ́ sɩ́ kánɩ́ŋ a mʋ́ tɔ́sɔ́kɛrɛ sɩɛrʋ>>
Áŋ rɛ́ sɩ́ kánɩ́ŋ a mʋ́ Edoŋ,
12 rɩ́ɩ́ rá sɩɛ́, ɩ é Wɩɩsɛ ná há vɛ́ rá tá,
ɩ é Wɩɩsɛ ná há vɛ́ rɩ́ɩ́ lárá lalyóóre sɩ́ɛ́, a káŋwɔ́ aá mʋ́ lalwa>>
13 Ko lárá ta dɩŋdɔmɔ nɛ́sɛ mɛ́,
beé wɩ́ɛ́, nɩbííno é saŋɛ ká yɔ́ɔ́ nɛ́.
14 Wɩɩsɛ yɩr mɛ́, á sɩ́ dí ballɩ́wa:
ʋ nɛ́ sɩ́ tɩksɩ́rá dɩŋdɔma.