Láŋ tá ŋ Wɩɩsɛ
59
1 Davidi yɩl ná ʋ há yɩ́ɛ́, tɛ́ŋ ná mɛ́ Sayul há tʋ́ŋ nɩɛ ɓa mʋ́ lɛ́rʋ́ jaa wuu, aá jɔ́ʋ́ ɓʋ́ɩ́. Ʋ liŋó ní ká sɩ́ zɔkʋ. Ɛ́ yɩl mɩ́ŋ gɔkɛ áná gɔkɩ́ sɩɛrʋ.
2 Ŋ Wɩɩsɛ, láŋ tá, ŋ dɩŋdɔma nɛ́sɛ mɛ́;
kɛ́rɩ́ŋ mɛ́ rɩ́ nɩɛ ná háá jáŋ nʋɔ mɛ́.
3 Láŋ tá nɩbɔma nɛ́sɛ mɛ́,
láŋ tá nɩɓʋ́ʋ́ra nɛ́sɛ mɛ́.
4 Beé wɩ́ɛ́, nówó ní féŋse aá dɛ́llɩ́ŋ,
nɩbɔma cɩ́níŋ mɛ́, Nyuutɩna Wɩɩsɛ,
káŋ wɩ wɩ́ɩ́ má zɔ́kɛ́, ŋ wɩ bɔ́ŋbɔ́ŋ ɛ́ɛ́.
5 Ŋ wɩ wɩ́ɩ́ zɔkɛ́, ká ɓa kiri aá bɛ́llɩ́ŋ.
Isi dóŋ mí, a ká sɩ́ɩ́ ko náŋ.
6 Ɩ é Ɩzɩrayɛl Wɩɩsɛ, Nyuutɩna Wɩɩsɛ, Doe wuu tɩna,
isi cɩ daha a bɛ́ŋsɛ ɛ́ duówa wuu;
sɩ́ lo rɩ ɛ́ zaŋbatɩɩna há ká nɩtɩ́ɛnnɛ susú kánɩ́. \qs Dɩfɩɛlɩ́.\qs
7 Ɓa mɩnɔ́ gbaanɛ,
aá a kʋɔlɛ anɛ vasɛ háá hokse;
aá kíl tɔ́ɔ́.
8 Nówó nʋʋsɛ há háákɔ́ ɛ́,
ɓa nʋʋsɛ wɩ́bʋlɛ́ ká tokowíé ní:
«Áŋ sɩɛ́ nɩ́wɔ́>>»
9 Ɩ é Nyuutɩna sɩɛ́ mɔ́ŋwɔ́ rɛ́,
ɩ béló aá guóni ɛ́ duówa wuu rí.
10 Ɩ nɛ́ káŋ dóé, ŋ́ bélí ní.
Wɩɩsɛ, ɩ nɛ́ káŋ dɩyuoli.
11 Wɩɩsɛ ná há kéŋ nɩcɩtɩkɔ́ sɩ́ isi a láŋ sɩ́ɛ́:
Wɩɩsɛ sɩ́ dí dóé, nɩɛ ná há cɩ́nɩ́ŋ mɛ́ nyúú, rɩ́ŋ fɩfɩllɩ́wɔ́.
12 Sɩ́wɔ́ ɓʋ́ʋ́sɛ, rɩ ɛ́ rá ŋ dunɩɛ sɩ́ sʋllɩ́wɔ́ wɩ́ɛ́.
Nyuutɩna, ɩ nɛ́ kárá hɔkɛrɛ,
a rɩ́wɔ́ ná vukme arɩ́ hɩ́ɩ́sɛ a tɩ́ŋɩ́ŋ dóé mí.
13 Ɓa nʋʋsɛ mɩ́ŋ wure mí ní ká wɩ́bɔmɔ há lɩ́ɛ́;
rɩ́wɔ́ nyʋkɔ gɩr díwó tɩɩ,
a tɩ́ŋwɔ́ kábʋ́rsɛ ná rɩ́wɔ́ nyɩɛnnɛ ná wɩ́ɛ́.
14 Zɔkwɔ́ ɩ cɔ́wɩɩlɔ sɩɛrʋ;
zɔkwɔ́, rɩ oro wuu sɩ́ káánʋ,
ká ríwɔ́ zɩ́ŋ rɩ Zɔkɔbɛ Wɩɩsɛ,
ʋ nɛ́ ká bɩbár dúníé wuu mí. \qs Dɩfɩɛlɩ́.\qs
15 Ɓa mɩnɔ́ gbaanɛ,
aá a kʋɔlɛ anɛ vasɛ háá hokse;
aá kíl tɔ́ɔ́.
16 Ɓa gʋɔrɔ baarɛ aá já ɓɩdííle ní;
rɩ́wɔ́ nɛ́ wɩ vokse má
ɓaá ká losu a pɛ́ tɩtáŋ (aá cɛ́ŋ).
17 Ŋ é sɩɛ́ dɛnnɩ́ ɩ dóé ná yɩr mɛ́,
ká cɩcʋɔ rɩ́ŋ ŋmɔwɛ nɛ́poro a pɛ́ɩ́ ɩ nɩcɩtɩkɔ́ ná wɩ́ɛ́,
beé wɩ́ɛ́, ɩ nɛ́ káŋ dɩyuoli,
ɩ nɛ́ káŋ dɩféŋsi, ŋ́ sazɔk tápʋ́l.
18 Ɩ nɛ́ káŋ dóé, ŋ sɩ́ dɛnnɩ́.
Wɩɩsɛ nɛ́ káŋ dɩyuoli,
Wɩɩsɛ nɛ́ cɩ́nɛ́ tɩ́kɩ́ŋ.