Wɩɩsɛ sɩ́ dúú nɩɛ sarɩ́ya
50
1 Azafɛ yɩl.
Wɩɩsɛ ná há kɛ́ venni, Nyuutɩna Wɩɩsɛ nɛ́ wúrú nʋɔ mɛ́;
a yɩr tíé ceme mí,
a pɔ́ wɩɩsɛ dɩpomí ká mʋ́ yakɛ wɩzʋʋlɔ́ mɛ́.
2 Wɩɩsɛ mɩ́ŋ Sɩɔŋ mɛ́,
Sɩɔŋ ná wér há wɩ wuó máŋsɛ,
aá tʋ́l.
3 Á Wɩɩsɛ, ʋ́ʋ́ kó rí,
ʋ waá sikli.
Níŋvaa mɩ́nʋ́ sɩ́ɛ́,
ká pozeno lú aá kílú.
4 Ʋ yɩrɛ baná há mɩ́ŋ nyúú rí
arɩ́ tíé rɩ́wɔ́ céŋ náŋá kɔ́ʋ́ dúú nɩɛ sarɩ́ya:
5 Ɩ́ héŋ láádííre náŋá mɛ́
ɓa ná há ɔsɛ vʋk, a bil nʋtʋ́ŋ ŋ rɩ́wɔ́ pɛ́kɛ́.
6 Bána má tɩɩ bʋ́lʋ́ taŋá ná wɩ́ɛ́:
Wɩɩsɛ nɛ́ ká sarɩ́yadííro.\qs Dɩfɩɛlɩ́\qs
7 Ɩ́ zesi, ŋ nɩɛ, ká rɩ́ŋ bʋl wɩ́ɛ́;
Ɩzɩrayɛl, ŋ kéŋ wɩ́ɩ́ rɩ cɩ́nɩ́ mɛ́:
«Ŋ nɛ́ ká Wɩɩsɛ, ɩ Wɩɩsɛ.»
8 Ɩ vʋka ná wɩ́ɛ́ ráá ŋ gɩgáásɩ́ nʋɔ mɛ́,
tɛ́ŋ wuu duó ní, ɩ ɔsɛ vʋkfisé aá páŋ.
9 Ŋ waá a rɩ́ŋ ká (lɩsɛ) nɔɔ, ɩ jaa sɩɛrʋ,
ŋ sɩɛ́ baá waá a rɩ́ŋ kɛsɛ bʋŋgboksi má, ɩ bʋtuu sɩɛrʋ;
10 beé wɩ́ɛ́, balla wuu káŋ tɩ́llɛ́ nɛ́,
pallɛ ná há isé daha balla má wuu káŋ nɛ́sɛ onni ní.
11 Ŋ ɛ̃́ pallɛ diíwiisi wuu ní,
gɩr balla wuu káŋ tɩ́llɛ́ nɛ́.
12 Rɩ losu ní fá kéníŋ, ŋ fá waá bʋl pɛ́ɩ́,
beé wɩ́ɛ́, dúníé arɩ́rʋ́ onni wuu káŋ tɩ́llɛ́ nɛ́.
13 Nɔɓallɛ namɩ́ŋsa nɛ́ ŋ dídí,
bʋŋgboŋsi cɛ́l nɛ́ ŋ nyiyɔ>>
14 Lo rɩ dɛ́nnɛ́ nɛ́ a vʋk, rɩ́ɩ́ ɔsɛ aá pá Wɩɩsɛ
lɩsɛ nʋʋsɛ ná má ɩ há tɛ́ɩ́ a pá Wɩɩsɛ ná há kɛ́ nyúú onni wuu.
15 Ká yɩrɩ́ŋ ɩ sazɔkɔ́ tápʋ́l,
ŋ sɩ́ lɛ́ɩ́ tá, ká rɩ́ɩ́ má píŋsíŋ.
16 Wɩɩsɛ bɔsɛ nɩbɔmɔ a bʋlɛ́:
Beé rí tɛ́ ɩ lo ŋ wɩ́makɛ́ ná lɩlɩ́ɩ́ nʋɔ mɛ́,
ká píŋ nʋtʋmɛ ná wɩ́ɛ́ cɔ́ɩ́ nʋɔ mɛ́,
17 ɩ nɛ́ŋ ná há bɛrɛ cáánɛ
a wɩ́ŋ wɩ́bʋlɛ́ má lɛ́ɛ́ aá dí>>
18 Ɩ é sɩ́ɩ́ wɩ gáárɔ néé ní ká dáánɛ, rɩ́ɩ́ rɩ́rʋ́ tʋ́ŋ naa mɛ́,
ɩ rɩ́ nɩcɔrma nɛ́ tʋ́ŋ wɩ́állɛ mɛ́.
19 Ɩ kéní nʋɔ aá tʋ́ŋ sahaksɩ́ nɛ́,
ɩ nɔŋduli ɛ̃́ nyɩɛrʋ nyɛ́ weri.
20 Ɩɩ́ ké aá díí maábinɔ́ŋɔ namɩ́ɛ́,
aá zɔkɩ́ maábinɔ́ŋɔ yɩr.
21 Néí há ɔ́ʋ́ ná, káá já rɩ́ŋ taŋŋɩ́ŋ nʋɔ.
Ɩ bɩ́ɩ́nɔ́ rɩ́ŋ rɩ́rɩ́ɩ́ nɛ́ ká balá>>
Ɩ nɛ́ sɩɛ́ tɛ́ wɩ́ɩ́, ŋ sɩ́ wullí mʋ́l nyáámɩ́.
22 Ɩ́ nɩɛ ná há sʋllɛ Wɩɩsɛ mɛ́, ɩ́ kɩ́ɛ́lɛ a ná.
Rɩ ɛ́ ráá, ŋ sɩ́ cɔ́nnɩ́wa, ká nɛ́ŋ too aá lɛ́ɩ́wa.
23 Nɛ́ŋ ná há pi dɛ́nnɛ́ a makɛ vʋk, a ɔsɛ aá páŋ, ʋ tɩ́na nɩ́ɩ́ píŋsíŋ,
ʋ nɛ́ pi ŋmɛ́nɔ ná, ŋ sɩ́ a rʋ́ʋ́ ná Wɩɩsɛ laatɛ́.