Lɛl wɩ oŋ kéné aá mʋ́ lɛlɛ tɔ́ɔ́
49
1 Koore bɛlɛ yɩl a mɩ́ŋ gɔk'áná gɔkɩ́ sɩɛrʋ.
2 Tɔ́nɛ nɩɛ, ɩ́ wuu zesi wɩ́ɛ́ né;
dúníé nɩɛ, ɩ wuu ɓilíwa dɩlla,
3 ɩ́ é nɩbííne, nɩɛ ná há wɩ yɩr kéné,
kuoré arɩ́ summe, ɩ́ wuu duó.
4 Zɩmɛ́ wɩ́bʋlɛ nɛ́ lɩ́ŋ nʋɔ mɛ́ aá lɛ́,
wɩ́ɛ́ ná há kéŋ mʋ́ʋ́la nɛ́ mɩ́nɩ́ŋ sɩɛrʋ.
5 Ŋ dɩllɛ có sɩ́ŋsʋ́ɔ́la zesé weri,
ŋ tɩŋ cemo (gitaarɛ) mí ní
aá lɩsɛ wɩ́bʋlsiklé mʋ́ʋ́la.
6 Beé rí tɛ́ rɩ́ŋ fá héwíŋ, tápʋ́lbɔma sɩɛrʋ,
rɩ́ŋ dɩŋdɔma nɛ́ lɛ́rɩ́ŋ,
7 rɩ nɩɛ ná yɩɛla há mɩ́ŋwɔ́ kuóɓɩ́ɛ́ mɛ́
nɛ́ kéŋwó nɛ́kanɔ́ kɩ́ŋkáŋ ná aá nyʋkɛ>>
8 Nɩbíŋ wʋ́ʋ́ nɔ́ŋ wo yɔwɛ aá la,
nɛ́ŋ wʋ́ʋ́ mɩɩsɛ wo yɔwɛ aá la Wɩɩsɛ rɩ́.
9 Meewíé có rɩ́wɔ́ mɔ́ ɛ́ rɛ́ɛ́ má,
ʋ wɩ mɩɩsɛ wuo yɔwɛ, a de káá mʋ́ wuu.
10 Ɓaá a rɩ́wɔ́ nyʋ́ bʋɔ rɛ́>>
Beé rí a rʋʋ kɛrɛ rɩ́wɔ́ sɩ́ bʋɔ zʋ́>>
11 Zɩmɛ́ tɩ́náwa sʋsɛ rɛ́,
nɩcʋllɛ arɩ́ nɩbeŋse má sʋsɛ,
ká nɩɛ náŋá pɔ́wɔ́ kuóɓɩɛ.
12 Ɓa fa píwó jɩɩsɛ ná makɛ dɩŋɛwa rɛ́,
rɩ ɓa dɩmɩnɛ́ ná too ɓɩzɔkɛ́,
ká fá lɩsɛ tíé (tísí) a tɔ́wɔ́ yɩra mɛ́.
13 Nɩbííno rɩ́rʋ́ píŋ wuu, ʋ wɩ cɔɔlɛ kéné (ʋ waá cɔ):
ʋ rɩ́ pʋna ɓa háá ɓʋ́ɛ́, ɓa nɛ́ ká balá.
14 Ná wɩ́ɩ́ ná háá dɛllɛ nɩɛ ná yɩɛla, há mɩ́ŋwɔ́ mɛ́,
nɩɛ ná có wɩ́bʋlɛ, cíé nɩ́ɩ́sɔ́. qs\Dɩfɩɛlɩ́ \qs
15 Ɓa nɛ́ ɓa lɛ́l anɛ pieŋse aá mʋ́ lɛ́lɛ́tɔ́ɔ́ rɩ́;
sʋʋ nɩ́ɩ́ nʋɔlɩ́wɔ́.
Ʋ tɔ́ɔ́ sɩ́ pʋ́l, nɩtaŋáwa há sɩ́ nʋ́ɔ́sɩ́wɔ́,
ɓa wér sɩ́ tenni wɩɩla sɩɛrʋ,
ɓa rɩ́wɔ́ kuójɩɩsɛ pɛ́kɛ sɩ́ a bol.
16 Amá Wɩɩsɛ sɩ́ yɔwɛ láŋ mɩɩsɛ lɛ́lɛ́tɔ́ɔ́ mɛ́;
ʋ ká ɛ́ nɛ́, ʋ sɩ́ láŋ tá.\qs Dɩfɩɛlɩ́.\qs
17 Sɩ́ lo rɩ héwíŋ kánɩ́,
rɩ nɛ́ŋ rɩɩ dí kuorí,
rʋʋ jaa kuóɓɩɛ susúúri.
18 Beé wɩ́ɛ́, ʋ sʋʋ mɛ́, oŋ wʋ́ʋ́ mɩ́ɩ́ tɩ́ŋ,
ʋ kuóɓɩɛ ná má wʋ́ʋ́ mɩ́ɩ́ tɩ́ŋ.
19 Ʋ mɩnɛ́ mɛ́, ʋ faá bʋ́ʋ́ tɩɩ mɛ́ nɛ́:
«Ɓa fá píŋsí, beé wɩ́ɛ́, ɩ wɩ́ɛ́ wuu fá cɛ́rɔ́.»
20 Ʋ sɩ́ mʋ́ súúrú ánáwa,
ɓa baá wɩ pʋmmɔ ná rɩ́ sɩ́ɩ́.
21 Nɩbííno yɩr há lɩ́ɛ́ (píŋ) ká wɩ wɩ́zɩmɛ́ kéné,
ʋ rɩ́ pʋna ɓa háá ɓʋ́ɛ́, ɓa nɛ́ ká balá.