Kuózeno tɔ́ɔ́ wɩ́ɛ́
48
1 Yɩl, Koore bɛlɛ há yɩ́ɛ́.
2 Ʋ nɛ́ ká Nyuutɩna Wɩɩsɛ ná há zeno, ʋ mɔhɛ̃́ dɛ́nnɛ́,
á Wɩɩsɛ tɔ́ɔ́ sɩɛrʋ, ʋ paalɔ ná há kɔ́ʋ́ dʋŋɔ nyúú.
3 Ʋ wér arɩ́rʋ́ isé kéŋ tɛŋpɔrɔ́ a pá tíé wuu.
Wɩɩsɛ dɩpomí ɓóŋbóŋ ká Sɩɔŋ paalɔ nɛ́,
kuózeno tɔ́ɔ́.
4 Wɩɩsɛ kuójɩɩsɛ ná há mɩ́ŋ Sɩɔŋ mɛ́
ʋ ɔ́ɔ́ ɓa zɩ́ŋ rʋ́ʋ́ nɛ́ ká dɩyuoli a mɩ́ŋ ráŋ.
5 Ná kuoré ní fá lɩsɛ tápʋ́l a pá náŋá;
a hé náŋá mɛ́ aá ko mí.
6 Ɓa sɩ́ɩ́ nóú: ɓa nʋʋsɛ máánɛ mʋ́l ná tɩɩ mɛ́,
héwíŋ zʋ́wɔ́, ɓa fá.
7 Héwíŋ ɓʋ́wɔ́ tɛŋpole wuu buk ná tɩɩ mɛ́,
ɓa cɛ́ aá mɩ́lmɩ́wɔ́ tɩɩ anɛ háálɔ há cɛ́ lʋ́lɛ́ mɛ́.
8 Ʋ nɩhɩ̃́ wɩɩsɛ dɩpomí poo ná
fá há kéŋ Tariisi nyidáborsi ná ŋmasɛ aá cɔ́nnɛ nɛ́.
9 Á dɩlla fá há nʋ́ʋ́ ná, á sɩ́ɛ́ má nóú
Nyuutɩna Wɩɩsɛ ná há ká Doe wuu tɩna tɔ́ɔ́ sɩɛrʋ
á Wɩɩsɛ tɔ́ɔ́ mɛ́:
Wɩɩsɛ pɔ́ʋ́ dóé, a kaá mʋ́ wuu.\qs Dɩhiẽsi\qs
10 Á sɩ́ bɩr bɩ́ɩ́nɩ́ nɩcɩtɩkɔ́ ná wɩ́ɛ́
ɩ jaa ná sɩɛrʋ.
11 Wɩɩsɛ, anɛ ɛ́ ɩ yɩr há lɩ́ɛ́,
ɓaá píŋsí yɩr má ɛ́ nɛ́, a kaa mʋ́ yakɛ dúníé toko mí.
Ɩ nɛ́dú nɛ́sɛ suó arɩ́ taŋá nɛ́;
12 Sɩɔŋ paalɔ́ mɩ́ŋ satɔrɔ́ mɛ́,
Ziida tɔ́nɛ má jʋ́jʋ́ɔ́sɛ
a tɩ́ŋ sarɩ́yawa ná ɩ há díé wɩ́ɛ́.
13 Ɩ hé lɛ́ɛ́, Sɩɔŋ zekɛrɛ daha;
ɩ́ dɩɩsɩ́wa vaa kile ná nʋɔ.
14 Ɩ́ kɩ́ɛ́lʋ́ zekɛrɛ,
ɩ́ dɩ́ɩ́sʋ́ kuójɩɩsɛ,
a makɛ rɩ́ɩ́wa wolli a bʋlwɔ́ wɩ́ɛ́ a pá woo ná háá kóé,
15 rɩ Wɩɩsɛ né nɛ́ ká ráá Wɩɩsɛ a kaá mʋ́ wuu.
Ʋ nɛ́ sɩ́ tɩ́ɛ́sɩ́rá aá kaá já ráá sʋʋ.