Ɩ́ bɛ́ Kuozeno mɛ́
(Bel Yɩɩla 93; 96-99)
47
1 Koore bɛlɛ yɩl, a mɩ́ŋ gɔkɩ'áná yɩɩla (+kɛnɔ>>).
2 Ɩ́ ŋmɔwɛ nɛ́ŋsa, dúníé nɩɛ wuu,
ɩ́ yilli satɔrɔ́ a pá Wɩɩsɛ.
3 Beé wɩ́ɛ́, Nyuutɩna Wɩɩsɛ, Doe wuu tɩna yɩr zeno;
tíé wuu nyúú, ʋ nɛ́ ká kuó zeno.
4 Ʋ nɛ́ ɛ́ɛ́ á dí dóé nɩɛ nyúú,
iríŋwa (duówa) mɩ́ŋ ráá naasɛ mʋ́l.
5 Ʋ nɛ́ bɛllɛ lɩsɛ tíé a pá ráá,
ʋ nɩcolli Zakɔbɛ, ʋ tɛŋ wuu pɔrɛ.
6 Yille sɩɛrʋ nɛ́ Wɩɩsɛ tɩ́ŋ zɩ́nʋ́ jaa sɩɛrʋ,
nyɩsɛ múí nɛ́ kéŋ Nyuutɩna Wɩɩsɛ va.
7 Ɩ́ dɛ́nnɛ́ Wɩɩsɛ, ɩ́ dɛ́nnʋ́.
Ɩ́ dɛ́nnɩ́rá kuóro, ɩ́ dɛ́nnʋ́.
8 Beé Wɩɩsɛ nɛ́ ká tíé wuu nyúú kuóro.
Ɩ́ dɛ́nnʋ́ rʋ́ʋ́ zɩ́ŋ ɛ́ mɛ́.
9 Wɩɩsɛ nɛ́ ká duówa duówa kuóro,
Wɩɩsɛ kénú kuóɓasa ná há kɔ́ʋ́ dʋŋɔ daha.
10 Tɔ́nɛ kuóre nɛ́ ceŋ náŋá:
Abɩrahaŋ Wɩɩsɛ nɩɛ nɛ́.
Beé wɩ́ɛ́, Wɩɩsɛ nɛ́ tɛ́ tíé nyúú hɔkɛrɛ,
ʋ nɛ́ kɛ́ oŋ wuu.