Ló rɩ́ŋ fɩ́ɛ́lɛ mʋɔ́, nɩbííno mɩɩsɛ kulo
39
1 Davidi yɩl, a mɩŋ yɩɩla nyúútɩ́na Yedutuŋ yɩɩla kɛnɔ sɩɛrʋ.
2 Ŋ fá sɛ́: «Ŋ sɩ́ kánɩ́ŋ tɩɩ,
rɩ́ŋ sɩ́ wɩ́cʋ́rʋ́ bʋlʋ́
ŋ sɩ́ nyɛ́rɩ́ŋ nʋɔ,
rɩ́ŋ nɛ́ kúó mɩŋ nɩbɔma sɩ́ɛ́.»
3 Ŋ nɛ́ nyɛ́rɩ́ŋ nʋɔ, a sikli,
ŋ wɩ wɩ́ɩ́ wuu bʋ́lɛ́.
Ká arɩ́ ɛ́ má ŋ wɩɩla há súsúúri.
4 Níŋ fá de kɩ́kánɩ́ŋ sɩɛrʋ nɛ́,
ŋ híhííni anɛ níŋ há nyɩkɩ́ŋ.
Ɛ́ nɛ́ ŋ gúl ká wúríŋ nʋɔ mɛ́.
5 Nyuutɩna Wɩɩsɛ, a rɩ́ŋ zɩmɩ́ŋ mɩɩsɛ kal tenni,
ŋ cɔɔlɛ ká tɛ́ŋ bɛ́ŋŋmɛ́ŋ;
rɩ́ŋ zɩ́mɩ́ŋ mɩɩsɛ dáánɛ́ mʋɔsɔ́.
6 Mɩɩsɛ ná ɩ há páŋ,
nɛ́cɛ́ jɛ́l nɛ́ kɔ́ʋ́ mʋɔsɔ́.
Ŋ mɩnɛ́ ká wɩ́yɔ́ɔ́ rɛ́ ɩ rɩ́ (ɩ sɩ́ɛ́ mɛ́).
Rɩ nɩbííno có rʋʋ ká mɩɩsɛ má, ʋ há de ká poo ní. \qs Fɩɛla (hʋ̃́ʋ̃́ma)
7 Nɩbííno wɩ dɩbalá cɩ́, ʋ ká cuuno (fɩɛl nɛ́);
Ʋʋ́ písú tɩɩ, amá ʋ ká poo ní.
Ʋ já kuóɓɩɛ aá tʋɔlɛ, ká wɩ nɛ́ŋ ná há sɩ́ tɩ́llɩ́wɔ́ ɛ̃́.
8 Mʋ́l né sɩɛ́ Nyuutɩna Wɩɩsɛ, ŋ yɩɛla sɩɛ́ baá mɩŋ beé mí rí>>
Ŋ yɩɛla mɩnɩ́ dʋŋɔ léŋ mí ní.
9 Láŋ a tá nɩɛ (wɩ́bɔma) ná wuu haá walmɩ́ŋ nɛ́sɛ mɛ́,
sɩ́ ló rɩ nɩcʋllɛ mɔ́mɩ́ŋ.
10 Ŋ sɩ́ nyɛ́rɩ́ŋ nʋɔ, a baá sɩ́ wɩ́ɩ́ bʋ́lʋ́,
beé wɩ́ɛ́, ɩ tɛ ŋ nɛ́ nyɛ́.
11 Amá baá sɩ́ŋ ɛ́ bɛ́ŋsʋ́,
ɩ bɛ́ŋsɛ́ ná dúkíŋ nɛ́sɛ.
12 Ɩɩ́ mɩlmɩ́ŋ nɛ́ŋ ná há zɔ́kɛ́ dɩlla nɛ́ a kánʋ́ tʋrɛ;
ɩɩ́ lɩ́ɛ́rʋ́ oŋcolli ní anɛ deŋdul (saarɛ).
Ná nɩbííno há kɔ́ʋ́ ná: poo ní, ʋ tó oŋ wuu. \qs Hʋ̃́ʋ̃́ma
13 Nyuutɩna Wɩɩsɛ, ɓilí dɩllɛ, zesíŋ sʋlɛ́,
belíŋ sɩ́mɩɩrʋ,
beé wɩ́ɛ́, ŋ ká nɩhʋɔr rɛ́ ɩ rɩ́,
ɩ wɩ táŋa kéné anɛ ŋ naabálwa.
14 Lo rɩ́ŋ fɩɛlɛ mʋɔ́, a náŋ tɩɩ a mɔ́ŋ
ká sɩɛ́ zɩŋ bɩrmɛ oŋyɔɔ, a mʋ́ŋ haá mʋ́ ráŋ.