Nyuutɩna Wɩɩsɛ, ɩ dɩhɩ̃́ nɛ́ hiẽso nyibúlsɩ́ɩ́ mɩŋ
36
1 Nyuutɩna Wɩɩsɛ tʋtʋnnɔ Davidi yɩl ná há yɩyɩɩra nyúútɩ́na yɩɩla kɛnɔ sɩɛrʋ.
2 Wɩ́ɩ́ rɛ́ mɩnɩ́ŋ sabɩɩna mɛ́,
ʋʋ́ máŋsɛ nɩbɔmɔ kéké wɩ́ɛ́ nɛ́:
«ʋ é rɩ́, Wɩɩsɛ héwífɔ́ɔ́ wɩ mʋ́l kéné.»
3 Ʋ bú tɩɩ a daarɛ
rʋʋ saŋʋ́ wɩ́zɔkɩ́, rʋʋ sɩɛ́ bʋl bɩrsɛ́ wɩ́ɛ́ nɛ́.
4 Ʋ wɩ́bʋlɛ́ wuu ká nyɩɛnnɛ arɩ́ nɩnyɩsɛ wɩ́ɛ́ nɛ́;
wérí ɛ́ɛ́ baá wɩ mʋ́l kéné ʋ rɩ́.
5 Tɩ́táŋ nɛ́ ʋ vʋvɔwɛ bɔ́ŋbɔ́ŋ ɛ́ɛ́,
ŋmɛ́nɔ́ ná há wɩ weri ní ʋ tɩtɩ́ŋ,
wɩ́ɩ́ ná há bɔmɔ, ʋ wʋ́ʋ́ vɛ́ ɛ̃́.
6 Nyuutɩna Wɩɩsɛ, ɩ weri (colle) rɩ́ bána nɛ́ mɔ́ náŋá,
ɩ nɩcɩtɩkɔ́ zɩ́nɔ́ aá tɩkɛ duóbasɛ mɛ́ nɛ́.
7 Ɩ táŋa isé rɩ́ paala léŋé (zeŋse) ní mɔ́ náŋá;
ɩ sabɩŋsɛ lúŋ mɔhɩ̃́ mʋʋ nyii.
Nyuutɩna Wɩɩsɛ, ɩ nɛ́ nɩbííne arɩ́ pʋsɛ sɩsaŋnɔ́.
8 Nyuutɩna Wɩɩsɛ, ɩ wér nɔ́ŋɔ tó!
Ɩ kíŋérú mʋʋla nɛ́ ká nɩbííne dɩyuolí.
9 Ɩ nɩ́ɩ́ a, ɩ jaa kuóɓɩɛ bʋ́rsɩ́wɔ́
ɩ nɩ́ɩ́ pɔ́wɔ́ ɩ sawér polo nyii ná ɓaá nyɔ́.
10 Hiẽso nyibúlsɩ́ɩ́ mɩnɩ́ rɩ́ nɛ́,
ɩ pʋmmɔ ná nɛ́ kárá hiẽso caanɔ́.
11 Ló rɩ́ɩ́ sawér ná mɩŋ nɩɛ ná há ɩ̃́ yɩr mɛ́,
cɩ tɩkɛ nɩɛ ná haá jɛ́ɩ́ rɩ́ táŋa.
12 Sɩ́ ló rɩ nyʋ́ktɩ́ɩ́nɔ́ péríŋ tɛŋ,
sɩ́ lo rɩ nɩbɔma wolli kíríŋ!
13 Wɩ́bɔ́ŋ'aara dɩɓallɩ́ nɛ́ kɛ́ɩ́ sɩ́ɛ́,
ɓa ɓallɛ cú, dóé baá tó aá isí.