Wɩsʋlɔ́: Nyuutɩna Wɩɩsɛ, la kuóro a tá
20
1 Davidi yɩl, a mɩŋ yɩɩla nyúútɩ́na yɩɩla kɛnɔ sɩɛrʋ.
2 Rɩ Nyuutɩna Wɩɩsɛ saŋɩ́ sʋlɛ́, ɩ sazɔkɔ́ tɛ́ŋ mɛ́!
Rɩ Zakɔbɛ Wɩɩsɛ tɩɩ cú a tɔ́ɩ́ mɛ́!
3 Ʋʋ́ lo rɩ́ saŋɛ́ lʋ́ʋ́ dɩmɩnɩ́ ná a ko lɛ́ɩ́ tá,
ʋʋ́ lɩ Sɩɔŋ mɛ́ a ko pɛ́ɩ́ mɛ́!
4 Rʋʋ́ sɩ́ɩ́ pallɛ ná wɩ́ɛ́ sʋ́llʋ́,
rʋ́ʋ́ sáŋ lɛ́ɩ́ vʋk'fisí.
5 Rʋʋ ló rɩ́ɩ́ néí oŋjaalɛ́,
rʋʋ lo rɩ́ɩ́ jáŋwa wuu nʋʋsɛ sú!
6 A makɛ ráá wolli jʋ́ɔ́sɛ, ʋ há sɩ́ la ballɩ́ pɛ́ɩ́ wɩ́ɛ́;
rá ká jɔ́ŋjɔ́ŋ (dirapo) a ɓɔ́ŋ, a bɩrá Nyuutɩna Wɩɩsɛ yɩr mɛ́.
Rɩ Nyuutɩna Wɩɩsɛ lo rɩ́ɩ́ sʋlɛ́ wuu cɛ́rɛ́ a pɛ́ɩ́!
7 Mʋ́l né mí, ŋ ɛ̃́ wɩ́ɩ́ rɛ́: Nyuutɩna Wɩɩsɛ nɛ́ pɛ́ kuóro ná ʋ tɩɩ há lɩ́sɛ́ mɛ́,
ʋ nɛ́ mɩnʋ́ jaa sɩɛrʋ bána nyúú, kaá zésú sʋlɛ́,
ʋ néduu nɛ́sɛ dóé ní lɔ́ʋ́ aá tá.
8 Nɩɛ náŋa yɩɛla mɩŋwɔ́ lal tórkówa mɛ́ nɛ́,
náŋa má yɩɛla mɩŋwɔ́ záksɛ mɛ́;
ama á é, á yɩrɔ́ aá hé Nyuutɩna Wɩɩsɛ, á Wɩɩsɛ mɛ́ nɛ́.
9 Nɩɛ sɩ́ɛ́rɛ aá ɓallɛ tíé;
amá á é, á waá lekli má tɩɩ.
10 Nyuutɩna Wɩɩsɛ, fá kuóro búŋse,
a makɛ rʋ́ʋ́ sáŋrá yɩrɛ́
kal ná á haá ja saŋɛ!