Wɩɩsɛ háá jɔ́ʋ́ ná ʋ laadiire rɩ́
15
1 Davidi yɩl.
Nyuutɩna Wɩɩsɛ, áŋ rɛ́ mɔhɩ̃́ jaa zʋ́ɩ́,
rʋ́ʋ́ ké paalɔ ná há kɛ́ɩ́ dʋŋɔ tɩ́llɛ́ daha>>
2 Ʋ nɛ́ ká nɛrɔ ná há wɩ yɩtɔ́k kené,
ʋ nɛ́ ká nɛrɔ ná háá tʋŋ taŋá, kɔ́ʋ́ wɩ́bʋlɛ́ má a taŋá.
3 Ʋ wɩ bɔ́ŋbɔ́ŋ bɔlɛ́ aá caasʋ́ náŋá,
ʋ wɩ bɔ́ŋbɔ́ŋ pie aá ɔ́ʋ́ nɔ́ŋɔ mɛ́,
ʋ wʋ́ʋ́ kénninɔ́ŋɔ má tʋ́ksɛ.
4 Nɩɛ ná sɩ́ɛ́ há tó Wɩɩsɛ mɛ́, ʋ má sɩ́ɛ́ tówó mí,
amá ʋʋ́ zil nɩɛ ná háá zil Nyuutɩna Wɩɩsɛ.
Rʋʋ nɛ́ tá nʋɔ, rʋ́ʋ́ ko a duokí pɔ́ʋ́ má,
ʋ wʋ́ʋ́ nʋtalɔ ná giri.
5 Rʋʋ nɛ́ púú maáwí rɩ́ɩ́ kɩ́ŋ nɛ́ŋ, ʋ wɩ nyii sakɛ.
A la zilyɔ́wɛ́ ká cɩ nɛrɔ ná há wɩ wɩ́ɩ́ zɔkɛ́ mɛ́, wɩ́ɩ́ ná ʋ há wʋ́ʋ́ ɛ̃́ nɛ́ ɛ́.
Nɛrɔ ná haá tʋ́ŋ nyɛ́ ná waá tɛl.