Taŋá tó Laadííre arɩ́wɔ́ Wɩɩsɛ wɩ́ɛ́
14
1 Davidi yɩl ná há mɩŋ yɩɩla nyúútɩ́na yɩɩla kɛnɔ sɩɛrʋ.
Nɩɛ ná há sɩ́ Wɩɩsɛ wɩ dóé kené, ɓa cʋʋlɔ́ nɛ́:
ɛ́ nɩɛ pi taŋá a lenni nyɩ́ɛ́nnɛ, ɓa wɩ́'állɛ́ sʋɔrɛ́,
oro wɩ yɛ́rɛ́ ɛ́ɛ́ ɛ̃́.
2 Nyuutɩna Wɩɩsɛ mɩŋ bána nyúú ká curi aá bel nɩbííne,
rʋ́ʋ́ ná wɩ́zɩnnʋ (balá) mɩnɔ́, aá jɔ́ʋ́.
3 Ɓa wuu cʋ́rɔ́ ká tá ŋmɛ́ŋwero,
coki tá tó, ɓa wuu de ká taŋá tó nɩɛ nɛ́.
Oro wuu tó yɛ́rɛ́ sɩɛrʋ, balá má tɩɩ.
4 Nyuutɩna Wɩɩsɛ sɛ́: «Ɓa wɩ wɩ́ɩ́ oro wuu mʋ́l nɛ́,
ɓa nɩɛ ná wuu há kéŋ bɔ́ŋbɔ́ŋ a cɩ náŋá mɛ́,
a vɩrɩ́ŋ nɩɛ nɛ́ aá dí,
ká wɩ́ŋ rɩ́ hé abádá.»
5 Ɓa nɛ́ sɩɛ́ vaklɛ́ nyɛ́,
beé wɩ́ɛ́, Wɩɩsɛ cɩnʋ́ nɩɛ har.
6 «Ɩ́ cɩ nɩyaara mɛ́;
hɩ̃́ɩ̃́sɛ sɩɛ́ sɩ́ púíwa, beé wɩ́ɛ́, Nyuutɩna Wɩɩsɛ nɛ́ kɔ́wɔ́ dɩyuoli.»
7 Ná ŋ há có rɩ́ŋ laatɛ́ lɩ Sɩɔŋ, a ko peri Ɩzɩrayɛl ɛ́!
Nyuutɩna Wɩɩsɛ sɩ́ a rʋ́ʋ́ nɩɛ bɩr nɛ́rɛ́.
Ná Zakɔbɛ dunɩɛ satɔrɔ́ há mɔ́ ɛ́,
jʋɔsɛ́ há mɔ́ ɛ́ ná Ɩzɩrayɛl mɛ́!