Nyuutɩna, sɩ́ bɔ́mɩ́ pii cɩ́ɩ́nɩ́ŋ
6
1 Yɩl ná Davidi há yɩ́ɛ́, ʋ mɩŋ yɩɩla nyúútɩ́na yɩɩla kɛnɔ sɩɛrʋ. Gbɔkɩcɩka há kéŋ ŋmɛ́sɛ córi ní ɓa dú hóú mí.
2 Nyuutɩna Wɩɩsɛ, sɩ́ cɔ́wɩɩlɔ́ kaa bɛ́ŋsɩ́ŋ,
sɩ́ŋ dɩllɛ mɩlmʋ́, ɩ cɔ́ɛ́ sɩɛrʋ.
3 Nyuutɩna Wɩɩsɛ, fáŋ susu, ŋ dóé tenno.
Duoríŋ Nyuutɩna Wɩɩsɛ, ŋ sɩɛrʋ zɔkɔ́ kɩ́ŋkáŋ.
4 Ŋ sɩɛrʋ lɩ́ŋ tɩɩ.
Nyuutɩna Wɩɩsɛ, tɛ́ŋ beé rí, rɩ́ɩ́ tɛ́ ŋ mɛ́ cɛ́lɛ́>>
5 Nyuutɩna Wɩɩsɛ, bɩrko a láŋ tá,
ɩ nɛ́ wéré, láŋ tá.
6 Beé wɩ́ɛ́, nɩsʋsɛ wɩ wɩ́ɛ́ wúó bɩɩnɛ,
lɛlɛtɔ́ɔ́ mɛ́, ɓa wɩ́ɩ́ wúó píŋsi.
7 Hĩ́ĩ́ne níí ɓʋ́ŋ,
tɩtáŋ é wuu, sɩmɩ́ɩ́rʋ nɩ́ɩ́ fó ŋ basɛpɩ́nɛ,
sɩ́mɩlɔ́ dʋŋɔ nɩ́ɩ́ vííliŋ dɩpɩ́nɛ.
8 Sazɔkɔ́ nɩ́ɩ́sɩ́ŋ, ŋ sɩ́ɛ́ má tɩɩ wɩ ráŋ ná;
ŋ dɩŋdɔma tɔ́ŋ mɛ́, ŋ baá wɩ ráŋ ná.
9 Wɩ́bɔ́ŋ'aara wuu, ɩ kɛ́kɩ́ŋ mɛ́
beé wɩ́ɛ́, Nyuutɩna Wɩɩsɛ nɩ́ŋ wííle;
10 oo, ʋ nɛ́ ŋ jɛ́nnɛ́,
ʋ saŋɩ́ŋ sʋlɛ́.
11 Ŋ dɩŋdɔma wuu dí hĩ́ĩ́sɛ;
rɩ sɩɛnnɛ caasɛ zɔkɛ,
rɩ hĩ́ĩ́sɛ ɔ́wɔ́ gɛbasa, rɩ́wɔ́ nʋkɛ har!