Nɛrɔ ná há yelli Nyuutɩna mɛ́ Wɩsʋlɔ́
5
1 Davidi yɩl ná há mɩŋ yɩɩla nyúútɩ́na yɩɩla kɛnɔ sɩɛrʋ. Mulli yɩl nɛ́.
2 Nyuutɩna Wɩɩsɛ, zesíŋ wɩ́bʋlɛ́,
lo rɩ́ŋ hĩ́ĩ́ne zʋ́ɩ́ dɩlla.
3 Ŋ Wɩɩsɛ arɩ́rɩ́ŋ kuóro, lo rɩ́ŋ búŋse zʋ́ɩ́ dɩlla.
Ɩ nɛ́ ŋ sɩsʋ́l.
4 Zesíŋ cɩcʋɔ fol sʋlɛ́.
Cɩcʋɔ fol, rɩ́ŋ mɩnɩ́ŋ tɩɩ kánɛ́ mɛ́, rɩ́ŋ zʋ́ɩ́ sɩ́ɛ́, a dɛllɩ́ŋ.
5 Ɩ tó wɩɩsɛ ná wɩ́bɔmɔ háá tɔrɩ́ sɩɛrʋ.
Nɩbɔmɔ wɩ dɩkení kéné ɩ rɩ́.
6 Ɩ wɩ có rɩ́ɩ́ sɩ́ɩ́ ná nɩlaama;
ɩ nɩbɛ́rɛ́ nɛ́ ká nɩbɔma.
7 Nyuutɩna Wɩɩsɛ, ɩ nɩ́ɩ́ a nyɛ́tɩ́ɩ́na nyɩ́ɩ́kɛ,
ɩ nɩbɛ́rɛ nɛ́ ká nɩɓʋ́ʋ́ra arɩ́ gɩ́ŋgɩrmɩtɩ́ɩ́na.
8 Amá, ɩ zile zeno a páŋ é, ŋ wollí jaa aá zʋ́.
Ŋ wóí dɩmɩnɩ́ ná sɩ́ɛ́ aá ɓírmí arɩ́ zile ɓɩduó.
9 Nyuutɩna Wɩɩsɛ, ɩ nɛ́ ká táŋa,
sɩɛ́ tɩ́ɛ́sɛ, a tɩŋɩ́ŋ dɩŋdɔma wɩ́ɛ́,
ŋmɛ́nɔ́ ná ɩ há có rɩ́ŋ tɩŋ, kɛ́llʋ́ a páŋ.
10 Ɓa wɩ́bʋlɛ́ to ɓɩlaadííle;
bɔ́ŋbɔ́ŋ ɛ́ɛ́ dʋŋɔ nɛ́ kɔ́wɔ́ wɩ́bɩɩnɩ́,
nɩɛ nyɩsɛ́ nɛ́ kɔ́wɔ́ nʋŋdɩlɩ́ tʋtʋmɩ́,
ɓa nʋɔ ká lɛlbulvurko ní.
11 Ŋ Wɩɩsɛ, pi zɔkrɛ́ cɩ́ɩ́nɩ́wɔ́;
rɩ́wɔ́ sabɩŋsɛ ná yikwó hé butuo sɩɛrʋ,
ɓa cɩ́nɩ́ mɛ́ rɛ́,
ɛ́ wɩ́ɛ́ sɩɛ́ kirwó, ɓa wɩ́tɩ́ɛ́nnɛ ná yɩr mɛ́.
12 Ká ɓa há yuolí mí,
lo rɩ́wɔ́ é warɛ (jʋ́ɔ́sɛ),
lo rɩ́wɔ́ é cɩcaasi satɔrɩcaase tɛ́ŋ wuu mí,
lo rɩ́ nɩɛ ná wuu há cóí
yɩ ballɩ́ yɩɩla, ɩ yɩr mɛ́!
Ɩ nɛ́ kɔ́wɔ́ néŋcú (zaŋgbaarɛ).
13 Nyuutɩna Wɩɩsɛ, ɩ é a wérí aá pá nɩtaŋáwa;
ɩ sawér nɩhɩ̃́ hɔkɛrɛ nɛ́, aá kɛ́rɩ́wɔ́ mɛ́.