Nɛrɔ ná Wɩɩsɛ há lɛ́ a ta nyɛ́tɩ́ɩ́na nɛ́sɛ mɛ́
4
1 Davidi yɩl ná há mɩŋ yɩɩla nyúútɩ́na yɩɩla kɛnɔ sɩɛrʋ, ɓa dú gɔkcɩka ná há kéŋ ŋmɛ́sɛ a hé.
2 Ŋ tɩ́na Wɩɩsɛ, ɩ nɛ́ há láŋ táŋa aá páŋ,
rɩ́ŋ nɛ́ kúé yɩ́rɩ́, saŋɩ́ŋ yɩrɛ́.
Ɓa fá há dʋ́ʋ́nɛ́ aá gɛ́rɩ́ŋ, ɩ nɛ́ láŋta.
Ŋ sʋlɩ́ rɛ́, zésɩ́ŋ sʋlɛ́.
3 Tɛ́ŋ beé rí rɩ́ɩ́wa tá ŋ yɩr zɔkɛ́,
ɩ́ é nɩɛ ná há có nɩɛ yɩra zɔ́kɛ́ yɔ́ɔ́,
a nyɛ nyɩ́ɛ́rʋ aá héŋ nʋɔ mɛ́>>
Hʋʋmɔ
4 Ɩ́ zɩŋ rɩ Nyuutɩna Wɩɩsɛ nɛ́táŋa,
rɩ́ŋ nɛ́ yɩ́rʋ́, ʋʋ́ zésɩ́ŋ sʋlɛ́.
5 Rɩɩ́wa cɔ́ɛ́ wɩ́ɔ́, ɩ́ sɩ́ wɩ́bɔ́ŋ a,
tɩtáŋ, ɩ́ fɔnnɛ wɩ́ɛ́, amá ɩ kánɩ́ɩ́wa tɩɩ cɩm.
Hʋʋmɔ
6 Ɩ́ táŋa ɔsɛ vʋka ná ɩ́ há ɩ́wɔ́ mɛ́,
ká pííwa tɩɩ a yelli Nyuutɩna Wɩɩsɛ mɛ́.
7 Nɩkaná gaasɛ wɩ́ɛ́ a bʋlɛ́:
«Wér, á máá nóú nɛ́>>
Á Nyuutɩna Wɩɩsɛ, wúrí sɩ́ɛ́ párá.»
8 Ɩ nɛ́ ɛ́ɛ́ ŋ sɩɛrʋ tɔrɛ
a kɩ́llɛ nɩɛ nyaŋ, ɓa ɓɩɛ́ kʋsɛ́ tɛ́ŋ mɛ́ arɩ́ dɩvɛ́ŋ tɛ́ŋ mɛ́.
9 Ŋ é mɩŋ pɩ́nɛ́ nɛ́ ká ŋ pɩ dóŋ,
beé wɩ́ɛ́ Nyuutɩna Wɩɩsɛ, ɩ dʋŋɔ́ léŋ ní ká ŋ pɔ́ ŋ mɛ́.