Pʋsɛ hiẽso wɩ́ɛ́
39
1 Ɩ ɛ̃́ wɩɛma (baka bʋnnɛ)ná haá zʋ́ bʋa sɩɛnnɛ bɛlɛ lʋlɛ́ tɛ́ŋ rɛ́,ɩ sɩ́ɩ́ há nówó maáwa ká ɓaá lʋlʋlwɔ́ rɛ́>>
2 Ɩ dɩ́ɩ́sɩ́wɔ́ puusi caŋsɛ nʋɔ rɛ́>>
Ɩ ɩ̃́wɔ́ tɛ́ŋ lʋlɩ́ rɛ́>>
3 Ɓaá pɔ́ŋ tíé ní kaá lʋlwɔ́ bɛlɛ
kaá lɔ́wɔ́ tɩɩ.
4 Ɓa bɛlɛ naá mɩŋ pʋmmɛ ɛ́ nɛ́ a ko bieri, a hɩ́ɛ̃́sɛ;
ká sɩɛ́ kɛ́kɩ́wɔ́ maáwa mɛ́, a baá wɩ bɩrɛ aá ko.
5 Áŋ rɛ́ ɛ́ɛ́ baka kokume tɩ́llʋ́ tɩɩ>>
Áŋ rɛ́ purú tá>>
6 Ŋ nɛ́ ɛ́ɛ́ ʋ mɩŋ dɩhɩlɛ́ (gɩrbétéke) sɩɛrʋ;
ʋ dɩmɩnɩ́ ká yɛsɛ tíé ní.
7 Tɔ́ɔ́ pʋmmɔ dʋmɛ́ ká mɔ́ŋ rɛ́ a pɔ́ʋ́,
ʋ wɩ nyúútɩ́na yɩrɛ́ nɛ́ mʋɔ́ má tɩɩ.
8 Ʋ nyilɛ́lɛ́ (ɓɩdííle dɩhɩ̃́) nɛ́ ká pallɛ ná daha ʋ haá gʋɔrɛ,
aá já oŋ ná wuu há biri weri rʋ́ʋ́ dí.
9 Baknɔɔ có rʋ́ʋ́ tʋmɔ́ a pɛ́ɩ́ rɛ́>>
Ʋ có rʋ́ʋ́ cɔ́ɩ́ jaa pʋsɛ ɓɩdííle dɩhɩ̃́ rɛ́>>
10 Ɩ sɩ́ wolli a kánɩ́ tɩɩ a mʋ́ cɔ́ʋ́ a parɩ́ baka>>
Ʋ saŋ pɔ́ŋ nɔpire a tɩŋɩ́ mɛ́ polo sɩɛrʋ>>
11 Ɩ sɩ́ tɩŋʋ́ há kéŋ dóé kɩ́ŋkáŋ ná wɩ́ɛ́, a píí tɩɩ wuu a tɩ́ɛ́kʋ́ mɛ́,
ká baá sɩ́ tʋŋ tʋmʋ́>>
12 Ɩɩ́ yɩɛlʋ́ nɛ́
rʋ́ʋ́ kʋ́sɩ́ bile (mɩ́ɛ́) ká nɛ́ paa hé náŋá mɛ́ má a pɛ́ɩ́>>
13 Máákabʋʋnɔ filé kéŋ tɛŋpɔrɔ́;
amá ʋ filé tó rɩ́wɔ́ pii máŋsɛ kaŋkʋɔŋ (diíwizeno ná ɓa haá yɩrɛ sɩɩgɔnyɛ).
14 Ʋ lóú hala aá tá tíé ní,
rɩ́ tíé lʋmɔ nɛ́ sɩ́ a rɩ́wɔ́ tíési,
15 ʋ waá bɩ́ɩ́nɛ́ rɩ́ ɓa wówó aá nʋɔsɛ,
rɩ́ balla wówó nʋʋsɛ aá ceŋŋi.
16 Ʋ wɩ́ɛ́ háákɩ́ ʋ bɛlɛ rɩ́,
anʋ́ bɛlɛ ráá tówó má tɩɩ:
rʋ́ʋ́ wɩɩla haá tá yɔ́ɔ, hewíŋ wʋ́ʋ́ kéné.
17 Ŋ wʋ́ʋ́ zɩmɛ́ pɛ́ɩ́, ɛ́ nɛ́ tɛ́ ʋ nɛ́ ɛ́,
ŋ wʋ́ʋ́ wɩ́zɩŋ oro wuu pɛ́ɩ́.
18 Amá rʋ́ʋ́ nɛ́ ise tɩ́ɩ́nʋ́ tɩɩ ká rʋ́ʋ́ fa,
ʋʋ́ mɔ́ zaka rɩ́rʋ́ zɩzɩnnɔ rɛ́.
19 Ɩ nɛ́ pá zaka dóé,
ɩ nɛ́ hóú baŋ lɔ́ŋ ná>>
20 Ɩ nɛ́ ɛ́ɛ́ ʋ fifil anɛ kʋma>>
Ʋ tɛŋpɔrɩcɛmɛ́ kéŋ hewíŋ.
21 Ʋ nacɩksɛ buksi polo tíé.
Kɔ́ʋ́ bibieri dɩŋdɔma sɩ́ɛ́ mɛ́,
ʋ tɛŋ há pɔ́rʋ́ tɩɩ, ʋ há duóko wɩ́ɛ́.
22 Ʋ wɩ hewíŋ há kɔ́ʋ́ ná ɛ̃, ʋ wɩ wɩ́ɩ́ fa,
tokowí wɩ wúó a rʋ́ʋ́ nʋkɛ har.
23 Rʋ́ʋ́ nɛ́ nɛ́ huuno dɔmɛ́,
rʋ́ʋ́ ná cɔlmɛ arɩ́ zanɛ tʋ́lɛ́,
24 ʋʋ́ de pɩpɛ́rmɛ nɛ́ rʋ́ʋ́ jɩ́ɩ́rɛ.
Rɩ́ múúle (bugɩla) nɛ́ dɔmɛ́, ʋ wɩ wo nyammɛ aá cɛ́.
25 Rɩ́ muule ní múé wuu, ʋ má cɛ́ŋ a hé.
Ʋʋ́ mɩŋ sɩ́ɛ́rɩ́ nɛ́ kaá nɛ́ lal sɔ́ŋ,
sóójihɩ́ɛ̃́sɛ caase arɩ́ lal caase.
26 Ɩ nɛ́ pi zɩmɛ́ a pá basɩ́ɛ́
rʋ́ʋ́ nɛ́ kúé aá nyʋ́ pʋfɛlɛ, ʋ fil aá caasɛ wɩɩsɛ dɩpomí néduu rí>>
27 Ɩ nɩ́ɩ́ pá duuno ŋmɛ́nɔ́ kɔ́ʋ́ isi aá fil,
ɛ́ raá má rʋ́ʋ́ cɛ́ʋ́ dal nyúú rí>>
28 Ʋʋ́ pɔ́ŋ bʋa nyúnni ní,
aá cɔ́ bʋ́ɩ́ ná nyúúrí há cʋllɛ́ weri, nɛ́ŋ há wɩ ráŋ wúó peri.
29 Ʋ mɩŋ dɩléŋ ɛ́, a ké aá dɛllɛ namɩ́ɛ́,
namɩ́ɛ́ ná mɩŋ dɩboli kɔ́ʋ́ sɩ́ɩ́ cɔ́ʋ́ mɛ́,
30 beé wɩ́ɛ́, naŋlɔɔ losu kénú bɛlɛ ou (ʋ bɛlɛ́ ja cɛ́l rɩ́wɔ́ nyɔ).
Namɩ́ɛ́ (sʋɔrɔ) dɩmɩnɩ́, basɩ́ɛ́ má dɩmɩnɩ́ nɛ́ ɛ́.