40
1 Nyuutɩna Wɩɩsɛ bʋl Zɔɔbɛ rɩ́ a bʋ́lɛ́:2 Ɩ nɛ́ haá gáásɛ wɩ́ɛ́ Wɩɩsɛ ná há kɛ́ oŋ wuu rí,
ɩ sɩ́ wolli a tʋ́ʋ́ nʋɔ mɛ́>>
Ɩ ná há ɩ́wɔ́, ɩ nʋlɩsɔ́ nɛ́ sɩɛ́ ká orí rí>>
3 Ɛ́ nɛ́ Zɔɔbɛ bʋl Nyuutɩna Wɩɩsɛ rɩ́ a bʋ́lɛ́:
4 Ŋ tó oŋ wuu. Ŋ sɩɛ́ bʋl beé a pɛ́ɩ́>>
Ŋ nʋɔ máánɔ́, ŋ píŋ nɛ́sɛ tɩkɩ́ŋ nʋɔ mɛ́.
5 Ŋ fa bɩ́ɩ́nɔ́ rɩ́ŋ bʋl wɩ́ɛ́, ŋ sɩɛ́ baá wɩ wɩ́bʋ́lɩ́ kéné.
Ŋ fa bʋl wɩ́ɛ́ a tɩ́ɩ́rɛ, ŋ baá wɩ wɩ́ɩ́ bʋl.
Zɔɔbɛ wóú tɩɩ a kaá maŋsɛ Wɩɩsɛ>>
6 Nyuutɩna Wɩɩsɛ mɩ́ŋ pozeno sɩɛrʋ ká bʋl Zɔɔbɛ rɩ́ a bʋ́lɛ́:
7 Kánɩ́ tɩɩ weri, pɩ́rɩ́ baŋcɩla:
Ŋ sɩ́ bɔsɩ́ rɩ́ wɩ́ɛ́, rɩ́ɩ́ lɩ́sɩ́wɔ́ sɩ́ɛ́ a páŋ:
8 Ɩɩ́ já rɩ́ɩ́ bʋlɩ́ŋ wɩ taŋá kéné ní>>
Ɩ có rɩ́ɩ́ pi taŋá pɛ́ɩ́ tɩɩ ká pi nyɩɛrʋ cɩ́ɩ́nɩ́ŋ nɛ́>>
9 Ɩ wóí dóé pi aá máŋsɩ́ŋ dóé>>
Ɩ liŋó dɔmɛ́ nɩhɩ̃́ duóɓɛɛlɔ́ anɩ́ŋ liŋó rí>>
10 Rʋ́ʋ́ ká ɛ́, ɩ a rɩ́ɩ́ píŋ arɩ́rɩ́ɩ́ yɩr lɛ́,
pi hʋʋma arɩ́ kuorí sú a tɔ́ɩ́ tɩɩ mɛ́.
11 Díí cɔwɩɩlɔ́ zeno nɩbííne nyúú;
fɩllɛ nyʋktɩɩna wuu naasɩ́ balá dʋŋɔ ká rɩ́wɔ́ dí hɩ́ɩ́sɛ.
12 Oo, gɩ́ɛ́nɩ́wɔ́ naasɩ́ balá dʋŋɔ ká rɩ́wɔ́ kʋ́ʋ́rɩ́wɔ́ (féŋsíwó) tɩɩ!
Tɩksɛ nɩbɔma ɓa buk tɩɩ mɛ́.
13 A rɩ́wɔ́ wuu zʋ́ tíé, naasɩ́ balá dʋŋɔ,
tɔ́wɔ́ hé lɛlɛ tɔ́ɔ́ mɛ́.
14 Ɛ́ é, ŋ má sɩ́ yɩ yɩɩla a dɛ́nnɩ́,
ɩ dóé há wolle lá ballɩ́ pɛ́ɩ́ wɩ́ɛ́.
Oŋbermi ɛ́ rá má mʋnɔɔ wɩ́ɛ́
15 Bel oŋbermi né há ká mʋnɔɔ weri:
Ŋ nɛ́ kɔ́ʋ́ mɩmáárɔ, a nɛ́ ɛ́ ŋ há kɛ́ɩ́ mɩmáárɔ.
Ʋʋ́ dí nyɔɔ nɛ́, anɛ nɔɔ haá dí nyɔɔ ɛ́.
16 Amá sɩɛ́ ná dóé ná duó há mɩnʋ́ tɩŋa mɛ́,
kɩɛlʋ́ file pole dóé há mɔ́ ɛ́!
17 Ʋ mʋduŋ kéŋ dóé anɛ Sɛɛdɩrɛ daa nɛ́;
ʋ nahũó pole ná há sʋ́ naŋá mɛ́ kéŋ dóé.
18 Ʋ heŋgbele kéŋ dóé anɛ kɔmɔ́ dábɔnnɛ nɛ́,
kɔ́ʋ́ seŋbidole má, anɛ hɔdáterkewa.
19 Ŋ oŋmáálɛ́ ná wuu sɩɛrʋ, ʋ nɛ́ ká nɔhɔ̃́.
Ŋ é há kɔ́ʋ́ mɩmáárɔ, ŋ dʋŋɔ léŋ ní wóú (ʋ fɩfa).
20 Ʋ ɓɩdííle lɛ́ pallɛ daha nɛ́,
balla gberu dɩgbé.
21 Amá ʋ dɩfɩɛlɩ́ nɛ́ ká fuo laka tuuni fɩɛl mɛ́,
ʋ dɩfeŋsi ní ká fuo nyɔɔ sɩɛrʋ.
22 Tuuni fɩɛl nɛ́ kɔ́ʋ́ dɩfɩɛlɩ́,
tuuni ná há kil polo tɔ́ʋ́ mɛ́.
23 Rɩ́ polo ná nyii có ɓa giri má, ʋ sɩ́ɛ́ tó ráŋ;
rɩ́ polo ná nyii có ɓa pal ko aá zʋ́ nʋɔ má,
ʋ wʋ́ʋ́ tɩɩ kéné aá walmɛ.
24 Rʋ́ʋ́ fa có rʋ́ʋ́ wúrú sɩ́ɛ́, áŋ rɛ́ wóú aá ká>>
A sɩɛ́ lúrú mɩɩsɛ ká vɔ́wʋ́>>
Ballɩzeno (dɩragɔŋ) ɛ́ rá má káŋtɔrɔnyʋ wɩ́ɛ́
25 Ɩ sɩ́ wolli kaŋtɔrɔnyʋ ká anɛ naŋwʋlɩ́,
nɛ́ŋhɛŋ sɩ́ wollú neŋduli mí lɔkɛ rɩ́ɩ́ tɩŋ ɛ́ mɛ́ kánʋ́>>
26 Ɩ sɩ́ wolli pi daa a tʋ́ʋ́ mɩɩsɛ mɛ́,
lɔkɛ́ sɩ́ wollú táyá luri>>
27 Ɩ bɩ́ɩ́nɔ́ rʋ́ʋ́ cɛ́ a sʋ́lɩ́ a dáánɛ>>
Ɛ́ rá rʋ́ʋ́ cɛ́ a bʋɔlɩ́>>
28 Ɩ rɩ́rʋ́ sɩ́ ká vʋ́ʋ́rɛ́,
a makɛ rʋ́ʋ́ ɛ́ɩ́ tʋtʋnnɔ déŋdéré>>
29 Ɩ sɩ́ kánʋ́ aá gbé anɛ diíwie>>
Ɛ́ rá má rɩ́ɩ́ kánʋ́ vɔwɛ rɩ́ɩ́ tole kánʋ́ aá gbé>>
30 Naŋwʋɓʋ́ʋ́ra sɩ́ wolli a tʋŋ a púú yɛllɛ>>
Ɓa sɩ́ wollú a kaá ɓa a pá báyɛlkaná>>
31 Ɩ wo hɛ́mɛ́ pii cɔkʋ́ kɛnɔ aá luri rí,
ɩ wo nyúú cɔkɛ aá líísi rɩ́ hɔdɩllɛ rɛ́>>
32 Pii nɛ́ tɩkʋ́ mɛ́:
jɔ́ʋ́ nʋɔ, ɩ cíé wuu baá wʋ́ʋ́ nɔ́ŋɔ a.