NYUUTƖNA WƖƖSƐ WƖBƲLƐ
(38.1-42.6)
38
1 Nyuutɩna Wɩɩsɛ mɩŋ duópoo sɩɛrʋ ká lɩ́sɛ nʋɔ a pá Zɔɔbɛ a bʋ́lɛ́:2 Aŋ rɛ́ kɛ́ɩ́, a píŋ haá bɩ́ɩ́nɛ́ rɩ́ŋ a wɩ́ɛ́ ná, a yɩrɛ yɔɔ,
a tɩŋɩ́ wɩ́bʋlɛ́ ná há wɩ mʋ́l oro wuu kéné mí>>
3 Sɩɛ́ kánɩ́ tɩɩ, pɩ́rɩ́ baŋcɩla:
ŋ sɩ́ bɔsɩ́ rɩ́ wɩ́ɛ́, rɩ́ɩ́ lɩ́sɩ́wɔ́ sɩ́ɛ́ a páŋ.
Wɩɩsɛ nɛ́ dúníé wuu
4 Ɩ mɩŋ nɛɛ́ rɛ́, tɛ́ŋ ná mɛ́ ŋ fa há pul tíé ɛ́ɛ́>>
Bʋl taŋá a páŋ rɩ́ɩ́ nɛ́ ʋ̃́:
5 Áŋ rɛ́ bilú nʋʋsɛ, ɩ zɩŋ>>
Áŋ rɛ́ pi ŋmɛ́ŋ a máŋsʋ́>>
6 Nafarsɛ ná há kénú cɛ́, sakɛ beé mí rí>>
Aŋ rɛ́ bil nagbaŋjɛ́ dɔ́wɩ́,
7 tɛ́ŋ ná mɛ́ cɩcʋɔ caŋwʋllɛ há hé naŋá mɛ́ aá yɩ yɩɩla,
tɛ́ŋ ná mɛ́ Wɩɩsɛ malɩkawa haá caasi satɔrɩcaasé>>
8 Áŋ rɛ́ kɛ́rɛ fozeŋe nyipalɛ́
tɛ́ŋ ná mɛ́ ɓa há póŋ tíé dɩluŋó aá lɛ́>>
9 Ŋ é ní! Tɛ́ŋ ná mɛ́ ŋ há hé bino ná há zuké ní,
Ŋ pi duóbasɛ a tɔ́ʋ́ mɛ́.
10 Ŋ nɛ́ kɛ́rʋ́ mɛ́, rʋ́ʋ́ sɩ́ palʋ́,
ká hé giŋgiŋe pɔ́ʋ́, a hé dánʋɔ a yakɛ.
11 Ŋ bʋ́lɔ́ pɔ́ʋ́ a bʋ́lɛ́:
«Pal a mʋ́ peri rɛ́ɛ́wa, ká sɩ́ daarɩ́ mʋ́ dɩboli;
ʋ ká ɛ́ nɛ́, ɩ nyigʋllɛ́ ná há kéŋ nyʋkɔ, dɩmɔ́ɛ́ nɛ́ ká rɛ́ɛ́wa!»
12 Ɩ hiẽso wuu mí, ɩ kal balá oro há bʋl wɩpomí rɩ́
a bʋ́lʋ́ póŋ>>
Ká makɛ wɩpomí dɩcɩnɛ,
13 rʋ́ʋ́ cɛ́ ká cɔ tíé nʋʋsɛ mɛ́
a ɓosi nɩbɔma a tá rɛ́>>
14 Ɛ́ tɛ́ŋ mɛ́ nɛ́ tíé sɩɛ́ fɛ́l
anɛ cʋʋ ná ɓa haá ciki nɛ́sɛ (ŋmʋ̃́ŋsʋ́) ʋ daha
ká dɩhɩ̃́ wuu de nɛ́ gɛrɔ há tɔ́ʋ́ mɛ́.
15 Amá nɩbɔma é rí, ɓa pʋmmɔ colo
vaámɔ́ ná fa há waá gʋrɛ boro.
16 Ɩ há ná mʋʋ nyibulsɩ́ɛ́ rɛ́,
ɩ há ná nyiluŋe mʋ́l rɛ́>>
17 Lɛlɛtɔ́ɔ́ dánʋʋsɛ nyɩ́ɩ́sɩ́wɔ́ tɩɩ ɩ mɛ́ rɛ́,
ɩ sɩ́ɩ́ há ná cúŋcúŋbʋɔ dánʋɔ rɛ́>>
18 Ɩ há bɩ́ɩ́nɛ dúníé zeŋ mʋɔ́sɔ wɩ́ɛ́ rɛ́>>
Rɩ́ɩ́ nɛ́ ɛ̃́ nyaŋ wuu, ɩ máŋsɛ a páŋ.
19 Ɩ ɛ̃ pʋmmɔ dɩmɩnɩ́ rɛ́,
ká bino má, ɩ ʋ̃́ dɩcɔ́ɛ́ rɛ́>>
20 Rɩ́ɩ́ fa ɩ̃̃́wɔ́ dɩmɩnɛ́ ŋmɛ́ŋsɛ,
ɩ faá mʋ́ kɛ́sɩ́wɔ́ rɛ́.
21 Ɩ tápʋ́lɛ́ pulo,
ɩ mɔhɛ zɩŋwɔ́ weri.
22 Ɩ há mʋ́ nyihire (nyɛlɔ́) dɩhɩ̃́ rɛ́,
ɩ sɩ́ɩ́ há ná duódɔ́wʋ́ɔ́ dɩmɩnɩ́ rɛ́>>
23 Zɔkrʋ wɩ́ɛ́ nɛ́, ŋ a ɓa mɩŋ,
nɛsɛ, arɩ́ lal wɩ́ɛ́ nɛ́ ɓa mɩŋ.
24 Ɩ ɛ̃́ ŋmɛ́nɔ́ ná pʋmmɔ há tɩŋɛ́ ko,
arɩ́ ráŋ ná wɩɩsɛ dɩpomí caasɛ́ poo há lɩ́ɛ́ aá ko tíé rí>>
25 Áŋ rɛ́ tuuri ŋmɛ́nɔ́ a pá duóŋ báná nyúú>>
Áŋ rɛ́ hé ŋmɛ́nɔ́ a pá duófɩllɔ arɩ́ duóɓɛɛlɔ>>
26 Áŋ rɛ́ ɛ́ɛ́, duóŋ kuko ráŋ ná há wɩ nɩɛ kéné,
tɔ́ɔ́ ná há hɩlɛ́, nɛ́ŋ tó ráŋ>>
27 Áŋ rɛ́ ɛ́ɛ́, duóŋ kuko tíé ná há wɩ oŋ kéné mí,
a makɛ rʋ́ʋ́ wuu biri (rɩ́ nyɔɔ nyʋ́ a puri paarʋ)>>
28 Duóŋ kéŋ áná rɛ́>>
Áŋ rɛ́ ɛ́ɛ́ duowie mɩŋ tɔ́ɔ́ mɛ́>>
29 Nyiɓaŋɩ́ (gɩlasɛ) maá nɛ́ ká áŋ rɛ́>>
Nyii haá fɩɛlɛ a cɩ ɓaŋɛ́ mɛ́, áŋ rɩ́ɩ́ tʋŋ ɛ́ dúníé mí>>
30 Rɩ́ nyii ní ɓaŋɛ, ʋʋ́ duori anɛ dɔ́wɩ́ nɛ́,
ʋ daha ná bɩrme oŋ balá.
31 Kɩɛlɛ caŋwʋlcike:
Ɩ wo nyaŋgbakawa pɛ́kɛ vɔwɛ́ kaá gulli,
ɩ wo Ɔrɩyɔŋwa pɛ́kɛ vɔwɛ́ aá puri>>
32 Ɩ wuoló aá rɩ caŋwʋllɛ yieri ɓa tɛ́ŋ mɛ́,
rɩ Ursi zeno rɩ́rʋ́ bɛlɛ yieri>>
33 Ɩ ɛ̃ bána nyúú wɩ́bile rí>>
Ɩ nɛ́ makʋ́ tíŋ há mɔhɛ̃́ rʋ́ʋ́ tʋŋ tíé nyúú, aá pɔ́wɔ́>>
34 Ɩ wuolo caase aá hé duóbasɛ mɛ́
ɓa tá nyikana ɓa tuwi aá tɔ́ɩ́ mɛ́ rɛ́>>
35 Ɩ nɛ́ tʋŋ duóɓɛllɛ ɓaá va>>
Ɓa bʋ́lɔ́ a pɛ́ɩ́ a bʋ́lɛ́: «Ɩ há sʋ́ʋ́ ná, ʋ mɛ́ nɛ́ á mɩŋ nyɛ́»>> ou (ɓaá tɩ́ŋɩ́ há sʋ́ʋ́ ná rɛ́>>)
36 Áŋ rɛ́ ɛ́ɛ́ diíwie ná ɓa haá yɩrɛ “ibiisi” ( fuodiíwie = oiseau sacré du Nil>>) ká zɩmɛ́>>
Áŋ rɛ́ makɛ wɩ́ɛ́ kɩɛlɛ a pá ziɓelo>>
37 Áŋ rɛ́ kéŋ zɩmɛ́, a wolli duóbasɛ aá dɩ́ɩ́sɛ,
ká wolli, aá a rɛ́ bána nyúú viini nyii bɩsɛ tenni,
38 rɩ́ tíé kúŋkulo zuki anɛ taŋgbaŋ,
rɩ́ taŋgbaŋa mʋɔlɛ a hé náŋá mɛ́>>
Pʋsɛ nyúútɩ́na
39 Ɩ nɛ́ já namɩ́ɛ́ aá pá kɩ́ŋkáŋmaáwa>>
Ɩ nɛ́ ɛ́ɛ́ kɩ́ŋkaŋbɛlɛ losu titenni,
40 rɩ́ ɓa nɛ́ kúé isi kéwó mʋ́ʋ́la mɛ́ ɓa dɩpɩŋsɛ
ɛ́ rá má kʋɔra sɩɛrʋ, aá dɛllɛ>>
41 Áŋ rɛ́ já ɓɩdííli aá pá bʋŋga,
rʋ́ʋ́ bɛlɛ nɛ́ yɩrɛ hé Wɩɩsɛ mɛ́ rʋ́ʋ́ pɛ́wɔ́ mɛ́,
losu há bɛ́klɩ́wɔ́ wɩ́ɛ́>>