Zɩ́mɛ́ lɛ́ nɛ́ɛ́ rɛ́>>
28
1 Warɛ kénú dɩlɩ́sɛ (dɩcʋɔ́rɩ́)ká salmɛ má kánú dɩcʋɔ́rɩ́.
2 Hɔɔ é mɩŋ tíé ní, ɓa lú aá lɩ́sɛ,
ká mɩ́ɛ́rɛ bʋ́ɩ́ aá lɩ́sɛ hɔfɩɛmɔ Nom 31. 22.
3 Oŋpiŋe jɩ́jaara, ɓa nɛ́ kéŋ pʋmmɔ aá zʋ́ tíé dɩlúŋo;
a wulli bʋ́ɩ́bino bino sɩɛrʋ,
a caasɛ a mʋ́ dɩboli.
4 Ɓa lú ŋmɛ́ŋsɛ a kɛ́kɛ jɩɩsɛ (nɩɛ dɩmɩnɛ́) mɛ́.
Oŋpiŋe jɩ́jaara kɛ́kɛ nɩɛ mɛ́,
a tɩŋ ŋmɛ́sɛ mɛ́, a zieli a mʋ́ ráŋ nɩɛ há waá saŋ mʋ́.
5 Ɓɩdííli lɛ́ tíé,
ká tíé mʋ́l rɩ́,
ʋ nɩhɩ̃́ níŋ haá ká róŋ ní.
6 Ʋ bʋ́á (bʋ́ɩ́wa>>) sɩɛnnɛ nɛ́, dɔ́wɩ́wéró ná ɓa haá yɩrɛ “safiiri” mɩŋ
ʋ tɛ́ŋ sɩɛrʋ nɛ́, salmɛ má mɩŋ.
7 Duuni wɩ ɛ́ ŋmɛ́ŋsɛ há mɩŋ tíé mʋ́l ɛ̃,
diíwiisi ná haá dí naŋmɩŋsa (sʋɔ́ra) má sɩ́ɩ́ há wʋ́ɔ́ néí a ná.
8 Kaadihuoru (baka dííre) oro wuu wɩ ɛ́ ŋmɛ́ŋsɛ píé
kɩ́ŋkáná má há ɛ́ ŋmɛ́nɔ́ píé a ná.
9 Ká nɩbííno saŋ, a mʋ́ cakɛ bʋ́ɩ́bino (bʋ́tal) aá cɛ́,
a huri paala, a tuwi aá yakɩ́wɔ́ mʋ́ʋ́la mɛ́.
10 A lú ŋmɛ́ŋjɛlɛ bʋ́á sɩɛrʋ
ʋ sɩ́ɩ́ nɩ́ná oŋ ná wuu há ká oŋpíŋ.
11 Ʋʋ́ lú a daarɛ nyibulsɩ́ɛ́ mɛ́
ká ká omo ná fa há féŋsé (bino sɩɛrʋ) a kaá lɛ́ pʋmmɔ mɛ́.
12 Ká zɩmɛ́ má sɩɛ́, nɛɛ́ ɓa sɩ́ wollú a ná>>
Nɛɛ́ rɛ́ wɩzɩ́ŋ mukúr mɩŋ>>
13 Nɩbííno wuú píŋ (yɛlɩ́) mʋɔ́sɔ ɛ́,
beé wɩ́ɛ́ ʋ tó nɩwomme tɔ́ɔ́ sɩɛrʋ.
14 Mʋzeno sɛ́: «Ʋ tó rɛ́»,
mʋwíé má sɛ́: «Ʋ tó rɛ́.»
15 Salmɛ gilmo wʋ́ʋ́ wúó lenni,
warɛ zíŋ há mɔ́ ɛ́ wuu, ʋ wʋ́ʋ́ wúó yɔwɛ.
16 Ʋ rɩ́ “salmɛ pʋmmɔ” wɩ náŋá wúó máŋsɛ,
ʋ rɩ́ dɔ́wɩ́wéró ná ɓa haá yɩrɛ “koralini” ɛ́ rá má ʋ ná ɓa haá yɩrɛ “safiiri” wɩ náŋá wúó máŋsɛ.
17 Dɔ́wɩ́mɩ́ɛ́rɛ ná ɓa haá yɩrɛ “vɛɛrɛ”, ɛ́ rá má salmɛ píŋ wʋ́ʋ́ wúó máŋsɛ,
salmɛ cʋɔrɩ́ vie (kuóŋyuo) sɩ́ɩ́ má wʋ́ʋ́ wúó lenni,
18 rɩ dɔ́wɩ́fɩɛmɔ ná ɓa haá yɩrɛ “korayi” ɛ́ rá má “kirisital nɛ́ sɩɛ́...
Zɩmɛ́ píŋ kɛ́ bʋrsɩ́ɛ́ (oŋpiŋe)!
19 Ezipiti dɔ́wɩ́sʋʋmíŋ ná haá tʋlɛ́, ɓaá “taopaazɛ”,
ʋ má píŋ wʋ́ʋ́ péré.
Salmɛ cʋɔrɩ́ má tɩɩ píŋ tó rɩ́wɔ́ píí máŋsʋ́.
20 Ká zɩmɛ́ má sɩɛ́, nɛ́ɛ́ rɛ́ ʋ mɩŋ>>
Wɩzɩŋ, ʋ jaa mɩŋ nɛ́ɛ́ rɛ́>>
21 Ʋ féŋsi oŋwomme sɩ́ɛ́ mɛ́,
diíwie haá fil bána daha má tɩɩ wʋ́ʋ́ ná.
22 Sʋʋ arɩ́ lɛlɛtɔ́ɔ́ sɛ́:
«Oo, ʋ ká taŋá rɛ́, á ɓɩɛ́na nʋ́ʋ́ wɩ́ɛ́.»
23 Amá Wɩɩsɛ nɛ́ nóú dɩmɩnɩ́;
ʋ dʋŋɔ léŋ nɛ́ nóú ŋmɛ́nɔ́,
24 tɛ́ŋ ná mɛ́ ʋ sɩ́ɩ́ há belé, a mʋ́ yakɛ dúníé toko mí,
tɛ́ŋ ná mɛ́ ʋ haá kɩ́ɛ́lɛ wɩ́ɛ́ ná wuu haá tʋ́ŋ tíé nyúú.
25 Tɛ́ŋ ná mɛ́ ʋ há pi píŋ, aá pá poo
arɩ́ tɛ́ŋ ná mɛ́, ʋ haá máŋsɛ nyii káŋ,
26 tɛ́ŋ ná mɛ́ ʋ há makɛ duóŋ nʋɔ
arɩ́ tɛ́ŋ ná mɛ́ ʋ há makɛ duóɓɛ́ɛ́lɔ ŋmɛ́nɔ́,
27 ɛ́ tɛ́ŋ mɛ́ nɛ́ ʋ ná Zɩmɛ́, a píŋsú;
a kɩ́ɛ́lʋ́ mɛ́, a nóú rʋ́ʋ́ píŋo.
28 Ɛ́ nɛ́ ʋ sɩɛ́ bʋ́l nɩbííne rɩ́ a bʋ́lɛ́:
«Ɩ́ zíl Nyuutɩna, ɛ́ nɛ́ ká zɩmɛ́!
Ká fa a kɛ́kɛ́ bɔ́ŋbɔ́ŋ ɛ́ɛ́ mɛ́, wɩzɩŋ nɛ́ ɛ́!»