Zɔɔbɛ nʋlɩsɔ́ tʋkɛ́: Nɛrɔ ná há zɔkɛ Wɩɩsɛ mɛ́ sɩ́ wóllú a sʋl>>
27
1 Zɔɔbɛ baá lɩ́sɛ nʋɔ a bʋlɛ́:2 Ná ŋmɔɔ ná ŋ há sɩ́ bil
Wɩɩsɛ ná há wómó, a vɛ́ rʋ́ʋ́ pi taŋá a páŋ,
Wɩɩsɛ ná há kɛ́ oŋ wuu, há ɛ́ɛ́ ŋ mɩŋ wɩ́hala sɩɛrʋ yɩr mɛ́:
3 Rɩ́ŋ nɛ́ de ká mɩɩsɛ é, (rɩ nyúfʋnɛ́ nɛ́ háá lɔ́kɩ́ŋ nyúú mí é)
rɩ Wɩɩsɛ poo ná tɩŋɩ́ŋ mɩŋgbelwie aá lɛ́ é,
4 nyɩ́ɛ́rʋ́ é ráá wɩ́ŋ nʋɔ mɩ́ɩ́ lɛ́,
wɩ́tɔk é rá wɩ́ŋ nʋŋdʋlɩ́ mɩ́ɩ́ lɛ́!
5 A pi taŋá a pɛ́ɩ́>> Rɩ ɛ́ sabɩɩna kɛ́kɩ́ŋ mɛ́!
A bʋ́lɩ́ŋ wɩ taŋá kéné, ɛ́ tó,
A de kaá jáŋ sʋʋ.
6 Ŋ cɩ́nɩ́ŋ taŋá naa mɛ́ geŋgeŋ,
a gɩ́ɩ́kɛ tó.
Ŋ sabɩɩna mɛ́, hɩ̃́ɩ̃́sɛ mʋɔ́ má wɩ́ŋ kené.
7 Wɩ́ɩ́ ná há mɔhɛ̃́ rʋ́ʋ́ peri nɩbɔma,
ʋ nɛ́ mɔhɛ̃́ rʋ́ʋ́ péríŋ dɩŋdɔma.
Wɩ́ɩ́ ná há mɔhɔ̃́ rʋ́ʋ́ peri wɩ́bɔ́ŋ'aara,
ʋ nɛ́ mɔhɛ̃́ rʋ́ʋ́ peri nɩɛ ná há cɩ́nɩ́ŋ mɛ́.
8 Nɩbɔmɔ yɩɛla mɩŋ nɛ́ɛ́ rɛ́,
rɩ Wɩɩsɛ nɛ́ cókú hiẽso ŋmɛ́ŋ ɛ́ rá má rʋ́ʋ́ nɛ́ lɔ́ʋ́ mɩɩsɛ>>
9 Rɩ́ wɩ́hala nɛ́ púú,
ʋ wííle zʋ́ Wɩɩsɛ dɩlla rɛ́>>
10 Ʋ sɩ́ ná satɔrɔ́ Wɩɩsɛ ná há kɛ́ oŋ rɩ́>>
Ʋ sɩ́ sʋsʋ́l Wɩɩsɛ tɛ́ŋ wuu mí>>
11 Ŋ la sɩ́ɛ́ a máŋsɛ Wɩɩsɛ ná há kɛ́ oŋ wuu sabɩɩna
Wɩɩsɛ há vɔ́wʋ́ ná, ŋ wʋ́ʋ́ kéné a féŋsi.
12 Ɩ́ wuu tɩɩ nɛ́ kɩ́ɛ́lɛ́ a zɩ́mʋ́.
Ká beé sɩɛ́ tɛ́ ɩ́ baá ká wɩ́bʋlɛ yɔ́ɔ́wa>>
Nɛ́rɛ́ ná há waá dáánɛ
13 Ná Wɩɩsɛ há kénú ná aá dɛllɛ wɩ́bɔ́ŋ'aara,
kéŋ ná Wɩɩsɛ ná há kɛ́ oŋ wuu há bile nɩbɔma mɛ́:
14 Rɩ́wɔ́ bɛlɛ có ɓa wá, lal sɩ́ tenniwo,
dí vɔ́kɛ́ é rá, rɩ́wɔ́ bɛlɛ ná;
15 rɩ́ bamma lúó lɛ́ má, pʋɔlɩtáárɩ́ sɩ́ díwó,
ɓa yúháála waá wolli wíwó mí má tɩɩ.
16 Rɩ́wɔ́ có rɩ́wɔ́ ká meéwíé rɩ́wɔ́ a kanɛ anɛ kúŋkulo má
arɩ́ gɛnnɛ rɩ́wɔ́ púl anɛ pɩ́pɛ́rɛ́ má,
17 nɩtaŋá rɛ́ (nɛ́ŋ ná há cɩ́nɛ́ tɩkɛ Wɩɩsɛ nɛ́) sɩ́ sú ɛ́ gɛnnɛ,
nɛ́ŋ ná há wɩ nyɩ́ɛ́rʋ có nɛ́ sɩ́ tɩ́llɛ ɛ́ meéwíé.
18 Dal (lɔ́k/jaa) ɛ́ nɩbɔma há mɛ́ɛ́, wɩ dóé kéné,
anɛ bakpɔ́ɔ́rɔ lɔ́k.
19 Ɓa pɩ kuópɩnɛ́, amá ɓa ɓóŋɓóŋ nɛ́ ɛ́,
ɓa kuó wúriwó sɩ́ɛ́, rɩ ɓa wuu tenno.
20 Héwíŋ kéŋwó, a uriwo mí anɛ nyigire,
tɩtáŋ pozeno páwɔ́ a col.
21 Wɩɩsɛ dɩpomí poo dɔ́ŋwɔ́, a kaa mʋ́ dɩboli,
ʋ lɩsɩ́wɔ́ rɩ́ dóé ɓa jɩɩsɛ mɛ́.
22 Wɩɩsɛ wʋ́ɔ́ susú fɛ́, ká púú sɩ́ɩ́ héwó mí,
ɓa wɩ wɩ́'aalɩ́ wuu kéné rʋ́ʋ́ nɛ́ tó rɩ́wɔ́ fa a lúú hɛ́mɛ́ mɛ́.
23 Nɩɛ jʋ́jʋ́ɔ́sɛ, ɓa há ná rɩ ɛ́ ná péríwó,
ɓa dɩmɩnɩ́ mɛ́, nɩɛ yilli héwó mí.