Zɔɔbɛ nʋlɩsɔ́: Wɩɩsɛ vɔ́ʋ́ rɩ́ŋ rɩ́rʋ́ ká bɩsɛ
2 Ŋ hé dóé rɩ́ŋ nyáŋɩ́ŋ hĩ́ĩ́newa ɓarɛ,
amá ŋ mʋ́l né mí ŋmááme sɩɛ́ nɛ́ kɩ́ɛ́.
3 Aa, rɩ́ŋ fa ɛ̃́ Wɩɩsɛ dɩmɩnɩ́ rɛ́!
Ŋ faá sɩ́ pérú jaa.
4 Ŋ sɩɛ́ fa sɩ́ wolli a makɩ́ŋ wɩ́jaalɩ́ a pɔ́ʋ́.
Ŋ fa sɩ́ máŋsɛ wɩ́ɛ́ ná ŋ há sɩ́ bʋ́l a láŋ tɩɩ ɓɩkaná a pɔ́ʋ́.
5 Ŋ fa sɩ́ zɩŋ nʋlɩsɔ́ ná ʋ fa há sɩ́ lɩ́sɛ a páŋ,
ŋ fa nɛ́ wɩ́ɩ́ ná ʋ kéné aá páŋ mʋ́l.
6 Ʋ mɔhɔ̃́ rʋ́ʋ́ cɩ́nɩ́ŋ mɛ́ rɩ́ɩ́ dóé ní>>
Aɩ́, ʋ taŋá fa mɔhɔ̃́ rʋ́ʋ́ ɓɩ́lʋ́ dɩllɛ nɛ́, a zesíŋ wérí.
7 Ʋ sɩ́ wolli a máŋsʋ́ wɩ́ɛ́ a pá nɩtaŋá,
amá ŋ é há sɩ́ fóríŋ sarɩyadííro nɛ́sɛ mɛ́ a kaá mʋ́ wuu.
8 Ama rɩ́ŋ nɛ́ mʋ́ wɩɩsɛ dɩpomí,
Ŋ mʋ́ wɩzʋ́ʋ́lɔ́, má ká ʋʋ́ néé.
9 Ʋ kéŋ tʋtʋmɩ́ rɛ́ wɩ́zʋʋlɔ́ rɩ́>> Aɩ́, ŋ wʋ́ʋ́ né ráŋ.
Ʋ féŋsi wɩɩsɛ dɩpomí néduu rí nɛ́>> Ŋ wʋ́ʋ́ né ráŋ.
10 Kɔ́ʋ́ sɩɛ́ ɛ̃́ ŋmɛ́nɔ́ ná ŋ há mɩnʋ́ sɩɛrʋ weri:
ʋ mɩlɩ́ŋ rʋ́ʋ́ ná,
amá ŋ sɩ́ lú a lɛ́ (mʋ́ʋ́rɛ), anɛ salmɛ cʋɔrɩ́.
11 Ŋ tɩ́ŋʋ́ nabulle arɩ́ taŋá,
ŋ wʋ́ʋ́ ŋmɛ́nɔ́ mɛ́ cʋrɛ, ŋ tɩ́ŋʋ́.
12 Ʋ fa há makʋ́ ná a páŋ, ŋ wʋ́ʋ́ vɛ́,
ʋ fa há máŋsɛ wɩ́ɛ́ ná a páŋ, ŋ láwɔ́ wuu ní a bílíŋ sɩɛrʋ.
13 Amá ʋ sabɩɩna kɔ́ʋ́ dʋŋɔ. Áŋ rɛ́ sɩɛ́ sɩ́ girú>>
Ʋ há cóú ná, ʋʋ́ tʋ́mʋ́ nɛ́.
14 Ʋ há vɔ́wʋ́ ná ŋ mɛ́ (a cɩ́nɩ́ŋ mɛ́) ʋ nɩ́ɩ́ tʋ́mɛ́,
anɛ wɩ́kana ná náŋá há mɩnʋ́ sɩɛrʋ, ʋ kaa bɩ́ɩ́nɛ.
15 Ɛ́ nɛ́ tɛ́ (rɩ́ŋ nɛ́ mɩŋ) Wɩɩsɛ sɩ́ɛ́, héwíŋ kéníŋ.
Rɩ́ŋ nɛ́ bɩ́ɩ́nɛ kɩ́ŋkáŋ, ʋ héwíŋ ɔsɛ kánɩ́ŋ nɛ́.
16 Beé wɩ́ɛ́, Wɩɩsɛ nɛ́ ɛ́ɛ́ ŋ mʋ́ʋ́nɛ, (ŋ baá wɩ baŋcɩpɩrɩ́),
Wɩɩsɛ ná há kɛ́ oŋ wuu, ʋ tɩɩ nɛ́ hé héwíŋ a páŋ.
17 Ʋ ɔ́ɔ́ tɔ́ɔ́ bɩrɛ a cúŋ mí,
ʋ ɔ́ɔ́ bino tɔ́ŋ mɛ́, ká arɩ́ ɛ́ má wuu, ŋ wɩ sikle.