Elifaazɛ wɩ́bʋlɛ́: Zɔɔbɛ ká wɩ́bɔ́ŋ'aarɔ nɛ́, ʋ ká pʋmmɩ́
22
1 Ɛ́ nɛ́ Elifaazɛ há lɛ́ Temaŋ lɩ́sɛ nʋɔ, a bʋ́lɛ́:2 Nɩbííno sɩ́ wolli ká nyʋ́ɔ́rɛ a pá Wɩɩsɛ>>
Nɛ́ŋ ná há kéŋ wɩ́zɩmɛ́ ɔ́sʋ́ tɩɩ nɛ́.
3 Ɩ nɩtaŋŋnɛ́ ɔsɛ Wɩɩsɛ beé>>
Ɩ táŋa sɩɛrʋ valɛ́ nyʋ́ɔ́rɛ nɛ́ ká orí pɔ́ʋ́>>
4 Ɩ bɩɩnɔ́ rɩ́ɩ́ háá fɔ́ʋ́ nɛ́ tɛ ʋʋ́ tʋ́rɩ́,
a kánɩ́ aá dí sarɩ́ya>>
5 Ɩ wɩ́bɔma wɩ káŋ>>
Ɩ wɩ́zɔkɛ́ kéŋ nʋɔ rɛ́>>
6 Ɩ fa cɛ́ naa a lá onni yɔ́ɔ́, ɩ maábinaŋá rɩ́,
ɩ fa lɔ́wɔ́ gɛnnɛ ká tɔ́wɔ́ rɩ́ tɛŋɓɩ́llɛ;
7 Ɩ fa wɩ nyii ɛ́ɛ́ aá pá nɛ́ŋ ná há bɔlɛ́,
ɩ vɔ́ŋ losú nɩkanɩ́ rɩ́ ɓɩdííli.
8 Bɩbár nɛ́ fa tɛ tɔ́ɔ́,
ɩ nɩcólli ní fáá ké róŋ.
9 Ɩ ɔ́ɔ́ yúháála bɩrcól rɩ́ nacáára
ɩ tʋ́ŋ dóé bisíŋsi rɩ́.
10 Ɛ́ nɛ́ tɛ́ bárawa nyaŋ lɛ́rɩ́,
ká héwíŋ ɓɩzeno kánɩ́ naasɩ́ balá.
11 Ɩ wɩ bino né néé,
nyikana nyaŋ há tɔ́ɩ́ mɛ́>>
12 Wɩɩsɛ to bána nyúú rí ní rí>>
Bel caŋwʋ́llɛ dɩmɩnɩ́ há boló ɛ́, ɓa há mɩ́ŋ nyúú rí ɛ́!
13 Ɛ́ nɛ́ ɩ sɛ́: «Wɩɩsɛ ɛ̃́ bee rí>>
Wɩɩsɛ sɩ́ wólli mɩŋ bino ná há zuke sɩɛrʋ ká dí sarɩ́ya>>
14 Duóbásɛ tɔ́ʋ́ mɛ́, ʋ wɩ wɩ́ɩ́ wuu ná,
rʋ́ʋ́ nɛ́ vaa kíl bána.»
15 Ɩ có rɩ́ɩ́ káánɛ ŋmɛ́ŋbɩnɛ́ ná sɩɛrʋ nɛ́,
ʋ ná nɩbɔma fa há píé ní>>
16 Ɓa wʋ́ɔ́ tápʋ́lɛ́ péré ká ɓa kɛ́sɩ́wɔ́ (ká nyɩ́ɩ́kɛ),
ɓa mʋ́bile nɩhɩ̃́ nyigire háá palɛ́ nɛ́.
17 Ɓa fa bʋ́lɔ́ pá Wɩɩsɛ a bʋ́lɛ́: «Tuu lɛ́ ká tárá!»
Bee rí Doewuutɩna sɩ́ wólli aa pɔ́wɔ́>>
18 Kɔ́ʋ́ nɛ́ sɩɛ́ fa ɛ́ɛ́ kuóɓɩɛ́ súwó jɩɩsɛ!
Amá ŋ é wɩ nɩbɔma caanɛ́ tɩ́ŋ.
19 Nɩtaŋáwa sɩ́ ná (zɔ́krʋ́ ná há sɩ́ pérí ɛ́ nɩɛ) a jʋ́ɔ́sɛ,
ká rɩ́ nɩɛ ná há wɩ wɩ́ɩ́ zɔkɛ mɔ́ŋwɔ́ a bʋ́lɛ́:
20 «Nɩɛ ná há cɩ́ŋrá mɛ́ wɩ nyɩ́ɩ́kɛ nyɛ>>
Níŋ wʋ́ɔ́ kuóɓɩɛ ná díé>>»
21 Ŋ sʋ́lɩ́, ló rɩ́ɩ́ rɩ́ Wɩɩsɛ tʋ́ŋ nʋɔ mɛ́, ɩ sɩ́ ná tɛŋfɩ́ɛ́l;
ɛ́ é, ɩ bɩr ná wér.
22 Ŋ́ sʋ́lɩ́, saŋ karmɛ́ (cáánɛ́) ná háá lʋ́ʋ́ mɛ́,
lɔ́ʋ́ wɩ́bʋlɛ́ bílí sɩɛrʋ.
23 Rɩɩ nɛ́ bɩrko Doewuutɩna rɩ́, ʋ sɩ́ cuólí;
ɩ a rɩ wɩ́ɩ́ ná wuu há wɩ cɛ́rɛ kɛ́kɩ́ jaa mɛ́.
24 Yóí salmɛ tá tíé
ká pi ofiiri salmɛ yóó hé polcʋɔrɛ́ dáwʋ́ɔ́ sɩɛrʋ.
25 Doewuutɩna nɛ́ sɩ́ ɛ́ɩ́ salmɛ
ʋ nɛ́ sɩ́ a warɛ kuléwa pɛ́ɩ́.
26 Ɛ́ é, Doewuutɩna nɛ́ sɩ́ ɛ́ɩ́ satɔ́rɛ omó,
ɩ sɩ́ bɩ́rɩ́ sɩ́ɛ́ caasɛ Wɩɩsɛ;
27 ɩ sɩ́ jɛ́nnʋ́, ʋ sɩ́ nɛ,
ká rɩ́ɩ́ lɩ́sɩ́ nʋtallɛ ná ɩ há tɛ́ɩ́ pɔ́ʋ́.
28 Ɩ há sɩ́ bɩ́ɩ́nʋ́ ná, ʋ sɩ́ cɛ́rɛ pɛ́ɩ́,
pʋmmɔ sɩ́ cáánɩ́ ŋmɛ́ŋsɛ.
29 Rɩ́ náŋa nɛ́ múúríwó tɩɩ, ɩ bʋ́l pɔ́wɔ́ a bʋlɛ́: «Nyʋkɔ́ ɛ́»,
Wɩɩsɛ cuoli nɛ́ŋ ná ná háá múúrú tɩɩ nɛ́.
30 Ʋ sɩ́ la nɛ́ŋ ná má tɩɩ há ɛ́ɛ́ zɔ́kɛ tá,
ɩ nɛ́ŋsa há wɩ busunnú kené ní sɩ́ lɔ́ʋ́ tá. (ɩ nɛ́ŋsa há wɩ busunnú kené, ɛ́ nɛ́ sɩ́ lɛ́ɩ́ tá)