Zɔɔbɛ nʋlɩsɔ́: Nɩbɔma wér díí ká wɩ́ɩ́ tɩɩ nɛ́
21
1 Ɛ́ nɛ́ Zɔɔbɛ lɩ́sɛ nʋɔ a bʋ́lɛ́:2 Ɩ́ zésí, ɩ́ zésíŋ wɩ́bʋ́lɛ,
ɩ́ bʋ́ɔ́lɛ́ né dʋŋɔ nɛ́ páŋ.
3 Ɩ́ ló rɩ́ŋ bʋl wɩ́ɛ́;
rɩ́ŋ nɛ́ bʋ́lɛ́ tenni, rɩ́ɩ́wa sɩɛ́ mɔ́mɩ́ŋ.
4 Rʋ́ʋ́ nɛ́ káŋ é rɩ́, ŋ wɩ́ɛ́ gáásɛ ká nɩbíŋ rɩ́ rɛ́>>
Ɛ́ wuu mí, bee rí tɛ́, rɩ́ŋ sɩ́ nyammɩ́ gúl>>
5 Ɩ́ bɩ́rɩ́wa sɩ́ɛ́ cáásɩ́ŋ, ɩ́ nʋ́ʋ́sɛ sɩ́ máánɛ́,
ɩ́ sɩ́ pɛ́ɛ́wa nɛ́ŋsa tɩ́kɩ́wa nʋʋsɛ mɛ́.
6 Rɩ́ŋ tɩɩ nɛ́ kúó bɩɩnɛ́ ɛ́ wɩ́ɛ́, héwíŋ kéníŋ,
ŋ tɛŋ vɩ́váklɛ.
7 Bee rí tɛ́, nɩbɔma mɩŋ tɔ́ɔ́ mɛ́>>
Bee rí tɛ́, ɓa nɩ́nɩ́ɩ́nɛ>> Bee rí tɛ ɓa dóé susuuri>>
8 Ɓa dunɩɛ suuríwó mí aá ná dóé, ɓa sɩ́ɩ́ mɛ́,
ɓa sɩ́ɩ́ nówó nihẽ.
9 Ɓa wɩ héwíŋ oro wuu fá: Tɛŋfɩ́ɛ́l mɩ́nɔ́;
Wɩɩsɛ daa (vɩla) wʋ́ɔ́ mɛ́ cɩ́nɛ́.
10 Ɓa nɔɓallɛ zɩ́wɔ́ ɓa nɔmaáwa ɓaá kɛ́sɛ puusi,
ɓaá lʋ́llɛ, ká wɩ zɔkɛ́ aá tá.
11 Ɓa táwɔ́ heŋbolwíísi ɓa gʋ́ɔ́rɛ aá ɓenni anɛ pʋwɩ́ɛ́la,
ká ɓa bɛlɛ jɩ́jʋ́ɔ́sɛ (gʋ́ɔ́la).
12 Ɓa dú gúgoŋo arɩ́ gitaarɛ aá héwó yɩɩla mɛ́;
ɓa mú múúle aá jʋ́ɔ́sɛ.
13 Ɓa tápʋlɛ́ tenni wér sɩɛrʋ nɛ́,
naasɩ́ nɛ́ ɓa sɩ́ tuwi lɛlɛtɔ́ɔ́.
14 Ɓa sɩɛ́ fa bʋ́l Wɩɩsɛ rɩ́ a bʋ́lɛ́: «Tuulɛ ká tá rá,
a wáá já rá zɩ́mɩ́ ŋmɛ́ŋsɛ.
15 Bee rí ká Wɩɩsɛ ná há kɛ́ onni wuu, a mɔ́ rá cʋ́ɔ́lʋ́>>
Ʋ jɛ́nnɛ́ mʋ́l nɛ́ bee rí>>»
16 Táŋa nɛ́, ɛ́ nɩɛ wér wʋ́ɔ́ tɩɩ nɛ́ lɩ́ɛ́.
Nɩbɔma jáŋwa rɩ́rɩ́ŋ pɛ́kɛ bol.
17 Ɩ́ há ná nɩbɔma cáánɔ́ rʋ́ʋ́ dʋsɔ́,
rɩ́ wɩ́ɩ́la púwó,
rɩ́ Wɩɩsɛ píwó kéré pɔ́wɔ́ ʋ cɔ́wɩɩlɔ́ sɩɛrʋ>>
18 Rɩ́wɔ́ nɩ́ɛ̃́sɛ nyɔ́ɔ́ ná poo há pɛ́ɛ́,
anɛ óŋpuu dópoo há pɛ́ɛ́>>
19 Nɩbɔmɔ bɛlɛ mɛ́ nɛ́ Wɩɩsɛ bíl bɔ́ŋbɔ́ŋ>>
Nɩbɔmɔ tɩɩ mɛ́ nɛ́ fa ʋ mɔ́ tʋ́ŋ ɛ́ há cɛ́rɛ́ a túmú, rʋ́ʋ́ zɩ́ŋ ɛ́ mɛ́;
20 ʋ sɩ́ɩ́ mɔhɔ̃́ rʋ́ʋ́ nóú tɩɩ wɩ́ɩ́la,
ʋ nɛ́ mɔhɛ̃́ rʋ́ʋ́ nyɔ Wɩɩsɛ há kɛ́ oŋ wuu cɔ́wɩɩlɔ́.
21 Bee wɩ́ɛ́, ʋ sɩ́ɛ́ mɩ́nɛ́ ʋ jaa mɛ́ rʋ́ʋ́ kúó rʋ́ʋ́ toó,
rʋ́ʋ́ cáŋsɛ nʋɔ ko rɩ́wɔ́ césó>>
22 Zɩmɛ́ ká rɩ́wɔ́ máŋsɛ pá Wɩɩsɛ rɛ́,
ʋ rá to malkawa tɩɩ sarɩ́yadííro rí>>
23 Nɔ́ŋɔ sʋ́wʋ́ táŋa sɩɛrʋ nɛ́,
wér sɩɛrʋ, a wɩ wɩ́bɩ́ɩ́nɩ́ wuu kéné,
24 Ɓa filli lɛ́, ɓa há kéŋ nʋnnɛ wɩ́ɛ́, aá dí ɓɩdíwéré kɩ́ŋkáŋ wɩ́ɛ́,
heŋgbenʋl súwó heŋgbele.
25 Ká nɔŋɔ má dí wɩ́hala nɛ́ a mʋ́ sʋ́wɛ́,
rʋ́ʋ́ wér díé ná.
26 Ká ɓa hé náŋá mɛ́ a pɛ́ kúŋkúlo sɩɛrʋ,
deŋdule tɔ́wɔ́ mɛ́.
27 Ŋ ɩ́ɩ̃́wa sabɩŋsɛ wéri,
wɩ́ɛ́ ná ɩ́ haá bɩ́ɩ́nɛ́ , a tɩ́ŋ ɛ́ mɛ́, a'aa zɔkɩ́ŋ mɛ́.
28 Ɩ́ bɔ́sɩ́wa tɩɩ a bʋ́lɛ́:
«Nɔhɔ̃́ /Bɩbar jaa ná mɩŋ nɛɛ́ rɛ́>>,
nɩbɔma lɔ́k (taŋtɛ) mɩŋ nɛ́ɛ́ rɛ́>>»
29 Ɩ́ wɩ nɩdaarɛ́ bɔsɛ́ ná>>
Ɩ́ wʋ́ɔ́ sɩ́ɛ́da /wɩ́ɛ́ ná ɓa há máŋsɛ ɛ̃́>>
30 Wɩ́ɩ́la tápʋ́l, nɩbɔmɔ sɩ́ fori,
ʋ mɩ́ŋ fɩ́ɛ́l mɛ́, cɔ́wɩɩlɔ́ tápʋ́l.
31 Áŋ rɛ́ sɩ́ cɩ́nʋ́ sɩ́ɛ́, a makʋ́ dɩnyɔ́rkɛ a pɔ́ʋ́>>
Áŋ rɛ́ sɩ́ a rʋ́ʋ́ dí bɔ́ŋbɔ́ŋ ná ʋ há ɛ́ɛ́ wɩ́ɩ́la>>
32 Ɓa kénú aá mʋ́ lɛlbulli dɩhɩ̃́ nɛ́,
ɓaá pɔ́ʋ́ lɛlbule mí.
33 Polo táŋgbaŋa ná há tɔ́ʋ́ mɛ́ pɔ́rɔ́;
Nɩɛ wuu ní tɩŋʋ́ mɛ́ aá mʋ́ bʋɔ,
nɩɛ ná há lɔ́ʋ́ sɩ́ɛ́ wɩ nʋɔ kené.
34 Bee wɩ́yɔ́ɔ́wa rɛ́, ɩ́ pi aá bʋ́ɔ́lɩ́ŋ>>
Ɩ́ nʋlɩ́sɔ́wa ná wuu ká nyɩ́ɛ́nnɛ nɛ́.