Bildaadɛ bʋllɛ nyúú mí wɩ́bʋlɛ́: Bara nɩ́ɩ́ dɛ́llɛ sɔhɔtɩɩnɔ́
18
1 Bilidaadɛ há lɛ́ Suwaŋ lɩ́sɛ nʋɔ a bʋ́lɛ́:2 Tɛ́ŋ beé rí, rɩ́ɩ́wa tɛ́ɩ́wa wɩ́bʋlɛ́ nyaŋ>>
Ɩ ja wɩ́zɩmɛ pɛ́ɩ́wa tɩɩ, ká rá sɩɛ́ bʋ́l wɩ́ɛ́.
3 Bee rí tɛ, ɩ pí rá makɛ bidʋŋsɛ>>
Ɩ bɩ́ɩ́nɔ́ rɩ́ ráá ká nɩcʋ́llɛ nɛ́>>
4 Ɩ é Zɔɔbɛ, ɩ cɔ́wɩ́ɩ́lɔ́ zɔkɩ́ tɩɩ nɛ́,
Ɩ dʋŋɔ wɩ́ɛ́ sɩ́ a rɩ́ nɩɛ sɩ́ tíé nyúú mɩnʋ́,
rɩ́ bʋ́ɩ́ lʋ́ʋ́ dɩmɩnɩ́ mɛ́>>
5 Ʋ ká ɛ́ nɛ́, nɩbɔmɔ pʋmmɔ sɩ́ dʋ́sɛ,
rʋ́ʋ́ níŋpoo ná háá ísé báá sɩ́ isu.
6 Ʋ jaa pʋmmɔ sɩ́ bɩrmɛ bino,
ʋ caanɔ́ ná háá kánʋ́ nyúú rí sɩ́ dʋsɛ (hiẽso sɩ́ dʋsɛ anɛ caanɔ́.)
7 Ʋ naasɛ ná fa há duóko tuósé mí, sɩ́ ko aá tú,
ʋ tɩɩ jáŋwa nɛ́ a rʋ́ʋ́ ɓal.
8 Bee wɩ́ɛ́, ʋ naasɛ kénú mʋ́ hé bára (ŋmɛ́bára, fiile) mɛ́ kɩ́kɛ́lɛ́,
loŋŋe sɩɛrʋ nɛ́ ʋ vɩ́va,
9 Bára kénú nalime mí,
loŋŋe sɩ́ háásʋ́;
10 vɔ́wɛ́ ná háá dɛ́llʋ́ hú tíé ní,
bára mɩ́nʋ́ ŋmɛ́nɔ mɛ́.
11 Héwíŋ cáásɔ kánʋ́ cɔɔ wuu,
ɓa kíró púú.
12 Losu cókú dóé múúrí,
wɩ́ɩ́la pérú laka.
13 Wɩ́ɩ́la sɩ́ dúú tɛŋkɛnɔ wuu
ká rɩ́ sʋʋ bihɔ̃́ má dúú tɛŋ wuu.
14 Ɓa sɩ́ lɩ́sʋ́ ʋ tɛŋfɩ́ɛ́l jaa ná sɩɛrʋ, ʋ yɩɛla fa há mɩ́nʋ́ mɛ́,
a kánʋ́ mʋ́ pá sʋsɛ tɔ́ɔ́ kuóro (lɛlɛ tɔ́ɔ́ kuóro).
15 Ɩ wóú taŋtɛ sɩɛrʋ aá mɩ́ŋ: ʋ ráá wʋ́ʋ́ tɛ;
ɓa bɩsɛ jírbílʋmɔ (sufri) dɩmɩnɩ́ mɛ́.
16 Ʋ nalúsi hɩl tíé mʋ́l;
kɔ́ʋ́ hilli má yʋ́ɔ́rɛ daha rɩ́.
17 Ɓa sɩ́ sʋ́llʋ́ wɩ́ɛ́ tíé nyúú,
ʋ yɩr báá wáá yɩ́rɛ dɩhɩ̃́ oro wuu mí.
18 Ɓa sɩ́ yíkú lɩ́sʋ́ pʋmmɔ mɛ́, a hé bino sɩɛrʋ,
ɓa sɩ́ lɩ́sʋ́ dúníé mí.
19 Ʋ nɩɛ sɩɛrʋ, ʋ wɩ bii ka, ʋ duó ka ʋ yɩr mɛ́,
ʋ há nɩhʋ́ɔ́r a fa mɩ́ŋ ráŋ ná, nɛ́ŋ wɩ ráŋ káánɛ́.
20 Ʋ zɔkɛ́ ná sɩ́ máánɛ́ wɩɩsɛ dɩzʋ́ɩ́ nɩɛ nʋʋsɛ,
ká rɩ́ héwíŋ ka wɩɩsɛ dɩpomí nɩɛ.
21 Taŋátoo nɛrɔ jɩɩsɛ nɩ́ɩ́sɔ nɛ́ ɛ́,
nɛrɔ ná há wɩ Wɩɩsɛ ɛ̃́ dɩmɩnɩ́ ká nyɛ nɛ́!