Zɔɔbɛ nʋlɩsɔ́ tʋkɛ́: Ŋ baá wɩ yɩɛla kéné
17
1 Ŋ mɩɩsɛ mʋ́ dɩyʋ́ksɛ nɛ́,ŋ tápʋ́lɛ́ mʋ́ dɩtenni ní;
ŋ naa nɩ́ɩ́ zíéli bʋɔ mɛ́.
2 Nɩlááma (nɩmɔnna) wɩ́ŋ lɛ́rɛ́ rɛ́>>
Ɓa zomé pɔ́ʋ́ rɩ́ŋ sɩ́ɛ́ nyúmmu.(sɩ́ dóŋ pɩ́nʋ́.)
3 (Ŋ tɩ́na Wɩɩsɛ), ŋ́ sʋ́lɩ́ rɛ́, ɩ tɩɩ cɛ́ naa a túmíŋ kɩ́ŋ a pɛ́ɩ́ tɩɩ;
rɩ́ɩ́ rá, áŋ rɛ́ sɩ́ saŋ cɛ́ naa ŋ yɩr mɛ́>>
4 Ɩ tɔ́wɔ́ sɩɛnnɛ, ɓa wɩ taŋá (wɩ́zɩŋ) kéné,
ɩ wʋ́ɔ́ kaa ɓɔ́.
5 Ɓa nɩhɩ̃́ nɛrɔ há yɩrʋ́ naŋnɔŋsɛ rɩ́wɔ́ kó rɩ́wɔ́ dí ɓɩɛ́,
kɔ́ʋ́ tɩɩ bɛlɛ dɛ́llɩ́wɔ́ ker a gúl ní.
6 Ŋ fa bílíŋ ní, rɩ́ŋ a duówa nyúútɩ́na,
ŋ nɛ́ bɩ́rmɛ nɛ́ŋ ná nɩɛ há pʋsɛ mɩŋtʋ́ɔ́rʋ aá hé sɩ́ɛ́ mɛ́.
7 Sazɔkɔ́ ɔ́ɔ́ ŋ sɩ́ɛ́ báá wɩ ráŋ ná wérí;
ŋ tɛŋ wuu cúúno ní.
8 Nɩɛ ná há có taŋá nʋʋsɛ máánɔ,
nɛrɔ ná há wɩ wɩ́ɩ́ zɔkɛ́ isó cɛ́ nɩbɔmɔ mɛ́.
9 Nɩtaŋá cɩ́nɔ́ tɩ́kʋ́ ŋmɛ́nɔ rɩ́ taŋá.
Nɛ́sɛ ná há wɩ busunnú zʋ́ɛ́, dóé ɔsɔ́ susúúri ní.
10 Ɩ́ é ŋ naŋnɔŋsɛ, ɩ́ bɩrko, ɩ́ wuu bɩrko:
Ɩ́ sɩɛrʋ, ŋ waá a rɩ́ŋ ná zɩ́mɛ́ tɩ́na balá má!
11 Ŋ tápʋ́lɛ́ césó;
ŋ jáŋwa arɩ́rɩ́ŋ wɩ́hɩ́ɛ̃́nɛ́ tá yɔ́ɔ́!
12 Ɓa sɛ́ tɩ́táŋ ká wɔhɔ nɛ́,
bino mɩ́ŋ ká ɓa sɛ́ pʋmmɔ mɩ́ŋ tɛ́sɩ́ɩ́!
13 Jaa ná yɩɛla ŋ há kéné ráá to lɛlɛtɔ́ɔ́ rɛ́>>
Bino sɩɛrʋ nɛ́ ŋ sɩ́ bílíŋ basa;
14 Ŋ cáásó hé lɛ́lbule rí a bʋ́lɛ́: «Ɩ nɛ́ káŋ áná!»,
ká bʋ́l buglo (kɔɛ) má rɩ́ a bʋ́lɛ́: «Ɩ nɛ́ káŋ maá, ŋ netoló!»
15 Ŋ yɩɛla mɩ́ŋ nɛɛ́ rɛ́>>
Áŋ rɩ́ɩ́ náŋ yɩɛla>>
16 Ʋ sɩ́ mʋ́ lɛ́lɛ́tɔ́ɔ́,
rɩ́ ráá nɛ́ ko hé naŋá mɛ́ rɩ́ɩ́ zʋ́ kúŋkulo sɩɛrʋ.