Zɔɔbɛ nʋlɩsɔ́ tʋkɛ́: Ʋ có rʋ́ʋ́ rɩ́ Wɩɩsɛ nɛ́ bʋ́l wɩ́ɛ́
13
1 Ŋ sɩ́ɩ́ ná wɩ́ɛ́ ná wɩ́ɛ́ ná wuu,ŋ dɩlla há zesé, a nɛ́ má.
2 Ɩ́ há ɛ̃́ wɩ́ɩ́ ná, ŋ má ʋ̃́ rɛ́,
ɩ́ wɩ́ŋ kɛ́.
3 Ŋ é taŋá có rɩ́ŋ bʋ́l wɩ́ɛ́ Doewuutɩna rɩ́ nɛ́,
ŋ já bʋ́l láŋ tɩɩ Wɩɩsɛ rɩ́ nɛ́.
4 Beé wɩ́ɛ́, ɩ́ é, ɩ́ pi nyɩɛnnɛ cɩ́ɩ́nɩ́ŋ,
ɩ́ wuu ká dɔkta yɔ́ɔ́wa nɛ́.
5 Áá, rɩ́ɩ́wa fa sikló!
Ɛ́ nɛ́ fa sɩ́ a zɩmɛ́ a pɛ́ɩ́wa.
6 Ŋ sʋ́lɩ́wa rɛ́, ɩ́ zesi wɩ́ɛ́ ná ŋ háá bʋ́lɛ́ rɩ́ŋ láŋ tɩɩ,
ɩ́ pɔ́rɩ́wa tɩɩ mɛ́, a zésíŋ wɩ́ɛ́ gáásɛ́.
7 Ɩ́ bɩ́ɩ́nɔ́ rɩ́ɩ́wa nyɛnnɛ ná ká ɩɩ́ pɛ́ Wɩɩsɛ mɛ́ nɛ́ ɛ́>>
ʋ saŋɛ wɩ́ɛ́ nɛ́ ɩ́ nyɩ́yɛ nyɛnnɛ>>
8 Ɩ́ má sɩ́ɩ́wa mɩŋ Wɩɩsɛ har nɛ́
a lɔ́ʋ́ nɛsɛ aá ná nyɛ́>>
9 Rʋ́ʋ́ nɛ́ sɛ́ rʋ́ʋ́ kɩ́ɛ́lɩ́wa pérí, ʋ sɩ́ a weri a pɛ́ɩ́wa>>
Ɩɩ́ já rɩ́ɩ́wa nyɩsɛ Wɩɩsɛ anɛ ɛ́ ɓa háá nyɩsɛ nɩbííno ní>>
10 Rɩ́ɩ́wa nɛ́ lʋ́ɔ́rɛ mɩ́nʋ́ har má,
ɩ́ zɩŋ rʋ́ʋ́ há sɩ́ gáásɩ́wa nʋɔ mɛ́.
11 Ʋ kuorí (tíŋ) ná wɩ baŋcɩfɔ́ kéné a pɛ́ɩ́wa>>
Ʋ héwífɔ́ ná tóíwa mɛ́>>
12 Ɩ́ wɩ́bʋlɛ́ ná ká sɩ́ŋsʋ́ɔ́la ná há wɩ zɩ́ŋ anɛ tápʋmmɔ nɛ́,
onni ná há kɛ́rɩ́wa mɛ́ ká cʋʋ onni.
13 Ɩ́ siklí! Ɩ́ táŋ.
Ŋ é sɩ́ bʋ́l wɩ́ɛ́, oŋ ná wuu háá áŋ, rʋ́ʋ́ a!
14 Beé rɩ́ tɛ́ rɩ́ŋ gɩrɛ aá dʋ́mɩ́ŋ tɩɩ,
beé rí tɛ́, rɩ́ŋ yóŋ mɩɩsɛ tá>>
15 Rʋ́ʋ́ nɩ́ɩ́ ɓʋ́ŋ má, ʋ ɓʋ́, ŋ baa wɩ yɩ́ɛ́la kéné;
amá taŋá, ŋ sɩ́ cɩ́nʋ́ sɩ́ɛ́ mɛ́, a bʋ́l láŋ tɩɩ.
16 Ɛ́ má tɩɩ nɩ́ɩ́ láŋ rɩ́ɩ́ tá,
beé wɩ́ɛ́, nɩtɔ́k waá saŋ mʋ́ʋ́ sɩ́ɛ́.
17 Ɩ́ zésí, ɩ́ zésíŋ wɩ́bʋlɛ́,
rɩ́ŋ wɩ́máŋsɛ ná zʋ́ɩ́wa dɩlla.
18 Ɩ́ lo rɩ́ŋ césíŋ taŋá ná,
ŋ ɩ́ɔ̃́ ríŋ nɛ́ kéŋ taŋá.
19 Áŋ rɛ́ sɩ́ pi nyɩ́ɛ́rʋ a cɩ́ɩ́nɩ́ŋ>>
Mʋ́l néé mí, ŋ sikli ká sʋwɛ.
20 Ŋ tɩ́na Wɩɩsɛ, ŋ sʋ́l wɩ́ɛ́ bɛllɛ rɛ́, ɩ rɩ́,
ká rɩ́ŋ sɩ́ŋ tɩɩ káá féŋsi:
21 kánɩ́ nɛ́sɛ kɛ́kɩ́ŋ mɛ́,
rɩ́ɩ́ héwífɔ́ ná sɩ́ fuklíŋ;
22 ká rɩ́ɩ́ sɩɛ́ yɩrɛ, rɩ́ŋ sáŋ;
ɛ́ rá má rɩ́ŋ bʋ́l wɩ́ɛ́, ká rɩ́ɩ́ lɩ́sɩ́wɔ́ sɩ́ɛ́ a páŋ.
23 Ŋ wɩ́zɔkɛ́ arɩ́rɩ́ŋ wɩ́bɔma nʋɔ ká bɛ́ŋmɛ́ŋ>>
A rɩ́ŋ zɩ́mɩ́ŋ wɩ́nyɔ́rkɛ arɩ́rɩ́ŋ wɩ́bɔmɔ.
24 Beé rí tɛ́, ɩ bɩrɩ́ har yákɩ́ŋ,
ká píŋ makɩ́ dɩŋdɔ́ŋ>>
25 Ɩɩ́ já rɩ pɩpa ná poo há píé vákɛ nɛ́>>
Mɔhɩl har nɛ́ ɩɩ́ já rɩ́ɩ́ kiri>>
26 Beé wɩ́ɛ́, ɩ pʋ́ŋsɛ wɩ́ɛ́ ná há háákɔ́ cɩ́nɩ́ŋ mɛ́,
ɩ píŋ heŋbííri mí wɩ́zɔkɛ́ kɩ́ŋ túmíŋ mí.
27 Ɩ héŋ naasɛ hɔrɛ (ɓɛ́ŋsɛ) mɛ́,
ɩ nɩ́ɩ́ kɩ́ɛ́lɩ́ wɩ́'állɛ,
ɩɩ́ nɩɩ́ túúríŋ dɩvalɩ́ nʋɔ.
28 Ká nɩbííno sʋ́ɔ́rʋ,
anɛ ɛ́ sáárɛ há dí gɛrɔ.