Zɔɔbɛ nʋlɩsɔ́: Wɩɩsɛ ká bɩbár ná há wɩ súsúfɔ́ʋ́ kéné ní (Wɩɩsɛ há có ná nɛ́, ʋ ɩ́'a)
12
1 Ɛ́ nɛ́ Zɔɔbɛ sɛ́:2 Ʋ ká taŋá rɛ́, ɩ́ ká nɩbííne,
ɩ́ rɩ́ zɩ́mɛ́ nɛ́ sɩ́ hé náŋá a sʋ́wɛ́.
3 Ŋ kéŋ wɩ́zmɛ́ anɩ́wa nɛ́,
ɩ wɩ́ŋ kɛ́.
Áŋ é rí fa wɩ wɩ́ɛ́ nyáŋ duó ɛ̃́>>
4 Ŋ nɛ́ bɩrmɛ́ nɛ́ŋ ná
ʋ naŋnɔŋsɛ́ háá mɔ́mɛ́,
rʋ́ʋ́ nɛ́ yɩrɛ hé Wɩɩsɛ mɛ́, kaá yɩɛlɛ rʋ́ʋ́ sɩ́ saŋ;
nɩtaŋá, nɩtékétéké nɛ́ bɩrmɛ́ nɩmɔmɩ́!
5 Ná nɩɛ ná háá ná wér sabɩɩna:
«Wɩ́lnáárɔ é, ʋ rɩ́ gbese dʋŋɔ nɛ́ cɛ́rɛ́.»
ʋ ná háá pérí nɛ́ŋ ná há sɩ́ɛ́rɛ nɛ́ ɛ́.
6 Gábɩbara (kaafordííre), mɩŋwɔ́ jɩɩsɛ mɛ́, a wɩ hííne wuu kéné,
nɩɛ ná háá kɩ́ɛ́rɛ Wɩɩsɛ nʋɔ mɛ́, wɩ wɩ́ɩ́ fá:
ɓa kéŋ Wɩɩsɛ héwó nɛ́sɛ mɛ́.
7 Amá, ŋ sʋ́lɩ́ rɛ́, bɔsɛ balla, ɓa sɩ́ cáánɩ́;
bɔsɛ bána nyúú diíwíísi, ɓa sɩ́ kármɩ́;
8 Bɔsɛ tíé, ʋ sɩ́ cáánɩ́;
arɩ́ naŋwʋ́lɛ́ há mɩŋ mʋʋ sɩɛrʋ, ɓa sɩ́ cesi pɛ́ɩ́.
9 Onni nyáŋ wuu sɩɛrʋ, orí rí wɩ ɛ̃́
rɩ́ Nyuutɩna nɛ́sɛ nɛ́ a nyáŋ wuu>>
10 Oŋwommi é wuu mɩɩsɛ mɩnʋ́ nɛ́sɛ mɛ́,
nɩbíŋ é wuu hiẽso lʋ́ʋ́ nɛ́.
11 Dɩllɛ ráá wɩ wɩ́bʋlɛ́ kɩ́ɛ́lɛ rɛ́,
ká neŋduli (nʋɔ sɩɛrʋ) má lenni ɓɩ́dííle aá ná rɛ́>>
12 Zɩ́mɛ́ mɩŋ nɩhɩ́ɛ̃́sɛ rɩ́ nɛ́,
ká wɩ́zɩmɛ́ má mɩ́ŋ nɩɛ ná bɩŋsɛ há kánɔ́ rɩ́.»
13 Zɩ́mɛ́ arɩ́ dóé mɩ́ŋ Wɩɩsɛ rɩ́ nɛ́,
cáánɛ arɩ́ wɩ́zɩmɛ mɩ́nʋ́ rɩ́ɩ́ nɛ́.
14 Rʋ́ʋ́ é nɛ́ zɔ́kɛ́, nɛ́ŋ wɩ wó bɩr aá sɔ́,
rʋ́ʋ́ nɛ́ tɔ́ nɛ́ŋ, nɛ́ŋ wʋ́ʋ́ wúó wuri.
15 Rʋ́ʋ́ nɛ́ sɛ́ rɩ nyii sɩ́ túwú, hɩ́lɔ́ nɩ́ɩ́ cɩ́nɛ́,
amá rʋ́ʋ́ nɛ́ tá nyii, nyii zɔkɛ tíé ní.
16 Ʋ kéŋ dóé arɩ́ wɩ́zɩmɛ́;
nɩtɛ́lɩ́ arɩ́ nɛ́ŋ ná haá tɛ́l nɩɛ mɩ́nʋ́ nɛ́sɛ mɛ́ nɛ́.
17 Ʋ nɛ́ ɛ́ɛ́ tɔ́ɔ́ nɩɛ cɩ́cáána vɩ́va nayɔ́ɔ́wa,
ʋ nɛ́ ɛ́ɛ́ sarɩ́yadííre wɩ́zɩmɛ yʋ́yʋ́ksɛ.
18 Ʋ nɩ́ɩ́ puri kuóre yɩrlɩ́ɔ́ ŋmɛ́sɛ (jaláwa)
ká pi vɔwɛ, aá vɔ́sɩ́wɔ́ tɩŋsɛ mɛ́.
19 Ʋ nɛ́ ɛ́ɛ́ vʋk'ɔɔsa má vɩ́va nayɔ́ɔ́wa,
ká aá la tíŋtɩ́náwa ná nalúrsi há zʋ́ tíé má tɩɩ kuorí.
20 Ʋ nɩ́ɩ́ a, nɩɛ ná nʋʋsɛ há ɛ̃́ wɩ́ɛ́ bʋ́lɛ́ wéri, nʋʋsɛ cɛ́wɛ́,
ká a nɩhɩ́ɛ̃́sɛ báá wɩ wɩ́ɛ́ kɩ́ɛ́lɛ ɛ̃.
21 Ʋ nɛ́ belé aá gúóni nɩpiŋe
kaá puri bɩbára vɔ́ɔ́sɛ.
22 Ʋ nɩ́ɩ́ a oŋ ná há mɩŋ bino sɩɛrʋ nyɩ́ɩ́sɛ,
ká a pʋmmɔ péri oŋ ná fá há mɩŋ sʋʋ cúúno mí.
23 Ʋ nɩ́ɩ́ a duówa púl, ʋ nɩ́ɩ́ a ɓa nyɩ́ɩ́kɛ;
ʋ nɩ́ɩ́ a duówa pɩsɛ mʋ́ dɩboli, kɔ́ʋ́ a ɓa bɩrko.
24 Ʋ nɩ́ɩ́ a tɔ́ɔ́ nɩɛ sɩ́dííre wɩ́zɩmɛ́ yʋ́ksɛ,
ká a ɓaá báárɛ gɩrbétéke ná wɩ ŋmɛ́nɔ́ kéné sɩɛrʋ,
25 aá láárɛ bino sɩɛrʋ, pʋmmɔ há tóó wɩ́ɛ́;
ʋ nɛ́ ɛ́ɛ́ ɓaá gɛ́nnɛ, anɛ ɓa há búke.