Sofaarɛ wɩ́bʋlɛ́: Bɩrko Wɩɩsɛ rɩ́
11
1 Sofaarɛ há lɛ́ Naama lɩ́sɛ nʋɔ, a bʋ́lɛ́:2 Wɩ́bʋ́lkaná nyáŋ sɩ́ já nʋlɩ́sɔ́ gúl>>
Ɩ ɛ̃ wɩ́ɛ́ wɩ́bʋlɛ́ wéri ní ká ɩ kéŋ taŋá>>
3 Ɩ nyʋ́kwɩ́bʋ́lɛ ná sɩ́ pɔ́ rɩ́ nɩɛ sɩ́ wɩ́ɛ́ bʋ́lʋ́>>
Ɩ sɩ́ lɔrɛ nɩɛ ká rɩ́wɔ́ sɩ́ɩ́ hɩ́ɩ́sʋ́>>
4 Ɩ sɛ́: «Ŋ wɩ́bʋlɛ́ ká taŋá nɛ́;
ŋ wɩ busunnú kéné ɩ sɩ́ɛ́ mɛ́.»
5 Áá, Rɩ́ Wɩɩsɛ fáá já rʋ́ʋ́ bʋl wɩ́ɛ́ rɛ́,
rʋ́ʋ́ nɛ́ fa wúrú nʋɔ ɩ sɩ́ɛ́ mɛ́,
6 rʋ́ʋ́ nɛ́ fa mákʋ́ zɩmɛ́ sɩɛrʋ wɩ́féŋsé,
há dáárɩ́rá wɩ́zɩŋ mɛ́ kɩ́ŋkáŋ, rɩ́ɩ́ pɛ́ɩ́,
ɛ́ mɛ́ nɛ́, rɩ́ɩ́ sɩɛ́ fa zɩŋ
rɩ́ Wɩɩsɛ pɛ́ɩ́ wɩ́zɔkɩ́ ná cɔ́ɔ́ nɔ́ŋɔ tá rɛ́.
7 Ɩ wó Wɩɩsɛ mʋ́l aá ká rɛ́,
ɩ sɩ́ wolli zɩŋ Doewuutɩna zéŋ mʋ́ɔ́sɔ́>>
8 Ʋ (zɩ́mɛ́) dáárɛ bána mɛ́, beé rí ɩ sɩ́ a>>
Ʋ lúŋ má dáárɛ lɛ́lɛ́tɔ́ɔ́ mɛ́;
beé rí ɩ zɩŋ>>
9 Rʋ́ʋ́ ká oŋmáŋsɛ, ʋ gbési kɛ́ tíé,
ʋ jɛ́l má kɛ́ mʋʋ.
10 Rʋ́ʋ́ nɩ́ɩ́ dáárɛ, rɩ́ɩ́ ká nɛ́ŋ ná há ɛ́ɛ́ zɔ́kɛ rɩ́ɩ́ tɔ́ bɩnajaa mɛ́, \ rʋ́ʋ́ nɛ́ yɩr nɛ́ŋ sarɩ́ya dídíí, áŋ rɩ́ɩ́ bɩ́ɩ́lɛ>>
11 Beé wɩ́ɛ́, ʋ ɛ̃ nyɛ́tɩ́ɩ́na;
ʋ wʋ́ʋ́ tɩɩ fɩ́kɛ, ká taŋá zɩŋ bɔ́ŋbɔ́ŋ dɩmɩnɩ́.
12 Kal ná, baka kokúme há sɩ́ lʋ́l zʋ́ɔ́ kokúme,
ɛ́ tɛ́ŋ mɛ́ nɛ́ nɩcʋʋlɛ́ má sɩ́ ká wɩ́zɩmɛ.
13 Rɩ́ɩ́ é sɩɛrʋ nɛ́ cɛ́ dɩbalá,
ká rɩ́ɩ́ ɓɔ́ɩ́ nɛ́ŋsa a cáásɛ Wɩɩsɛ,
14 rɩ́ɩ́ nɛ́ kéní nɛ́sɛ kɛ́kɛ́ bɔ́ŋbɔ́ŋ mɛ́, ɩ mʋ́ʋ́rɩ́wɔ́,
rɩ́ɩ́ nɛ́ wɩ lóé rɩ bɔ́ŋbɔ́ŋ mɩ́nɩ́ jaa mɛ́,
15 ɛ́ é, ɩ sɩ́ ɓɔ́ɩ́ nyúú ká sɩ́ hɩ́ɩ́sɛ fá,
ɩ sɩ́ wolli a cɛ́ wéri, ká sɩ́ héwíŋ fa;
16 beé wɩ́ɛ́, ɩ sɩ́ sʋ́llɩ́ wɩ́halawa wɩ́ɛ́,
ɩ sɩ́ bɩ́ɩ́nɩ́wɔ́ wɩ́ɛ́ anɛ nyii há pálɛ́ a dáárɛ nɛ́.
17 Ɩ dúníé nyúú hiẽso tʋ́lɛ́ sɩ́ nɛ́ wɔhɔ tóŋtóŋ pʋmmɔ,
binó sɩ́ nɛ́ cɩcʋɔ pʋmmɔ a pɛ́ɩ́,
18 ɩ sɩ́ ká yarda, beé wɩ́ɛ́ yɩɛla mɩ́nɔ́.
ɩ wɩ́hala har mɛ́ (néé rɩ́ɩ́ wɩ́ɛ́ cɛ́rɔ́), ɩ sɩ́ pɛ́ dóŋ a vɔkɛ.
19 Ɩ sɩ́ pɛ́, ká nɛ́ŋ tóó aá walmɩ́,
amá taŋá nɩɛ wuu sɩ́ zílí.
20 Amá nɩbɔma é sɩ́ɛ́ sɩ́ bɔ́l;
ɓa é wɩ dɩyuóli ná,
ɓa yɩɛla ní ká sʋʋ.