Zɔɔbɛ nʋlɩsɔ́ tʋkɛ́: Wɩɩsɛ ló ɓa lʋ́lɩ́ŋ rʋ́ʋ́ zɔ́kɩ́ŋ nɛ́
10
1 Ŋ sɩɛrʋ lɩ́ŋ tɩɩ.ŋ sɩ́ gáásɛ wɩ́ɛ́,
ŋ sɩ́ bʋ́l wɩ́ɛ́ ŋ sazɔkɔ́ sɩɛrʋ.
2 Ŋ sɩ́ bʋ́l pá Wɩɩsɛ a bʋ́lɛ́: Sɩ́ zɔkrʋ́ píí cɩ́ɩ́nɩ́ŋ,
taŋá a rɩ́ŋ zɩ́ŋ wɩ́ɩ́ ná wɩ́ɛ́ ɩ há pi zɔkrʋ́ cɩ́ɩ́nɩ́ŋ.
3 Ŋ bɛ́ŋsɛ́ ká wɩweri rɩ́ a pɛ́ɩ́,
a mɔ́ rɩ́ɩ́ vɛ́ɩ́ nɛ́sɛ tʋtʋmɩ́ tá,
ká bɩ́rɩ́ sɩ́ɛ́ hé nɩbɔma jáŋwa mɛ́>>
4 Nɩbííno sɩ́ɛ́ nɛ́ mɩ́nɩ́ rɩ́,
Ɩɩ́ bélú anɛ ɛ́ nɩbííno (lɛl) háá bélé ní>>
5 Ɩ tápʋlɛ́ nɩhɩ̃́ nɩbííno tápʋ́lɛ́ nɛ́,
ɩ bɩŋsɛ nɩhɩ̃́ nɩbííno tápʋ́lɛ́ nɛ́>>
6 ɩ sɩɛ́ jɩ́já rɩ́ɩ́ zɩ́mɩ́ŋ wɩ́bɔmɔ,
ɩ bɔ́sɛ jɩ́jáŋ wɩ́zɔkɩ́>>
7 Ká zɩ́ŋ weri, rɩ́ŋ tó nɩbɔ́ŋ,
rɩ́ nɛ́ŋ má tó, aá láŋ ɩ nɛ́sɛ mɛ́>>
8 Ɩ tɩɩ nɛ́ŋsa nɛ́ fɔ́rɩ́ŋ (áŋ), ɓa nɛ́ŋsa nɛ́ máŋ, ŋ cesi...
kɛ́ɩ́ cɩ́nɩ́ŋ ɓʋ́ɩ́ mɛ́!
9 Ŋ sʋ́lɩ́ rɛ́, líísí tɩɩ, rɩ́ɩ́ nɛ́ máŋ, anɛ cʋʋ omo;
ɩ sɩɛ́ ja rɩ́ɩ́ a rɩ́ŋ bɩrzʋ́ kúŋkúló ní>>
10 Ɩ ráá wɩ́ŋ cʋ́ɔ́rɛ anɛ nɛ́'ɩ́l rɛ́>>
Ɩ ráá wɩ́ŋ ɓaŋɛ anɛ nɛ́'ɩ́lnʋʋ rɛ́>>
11 Ɩ nɛ́ a tɛŋnamɩ́ɛ́ arɩ́ tɛŋkɛnɔ a tɔ́ŋ mɛ́,
ɩ nɛ́ ɛ́ɛ́ ŋ heŋgbele arɩ́rɩ́ŋ pole sɔ́ zʋ́ náŋá.
12 Ɩ páŋ hiẽso arɩ́ dóé,
ɩ nɩ́ɩ́ bélíŋ hiẽso mí wéri.
13 Amá ná wɩ́ɩ́ ná ɩ fa há féŋsí sɩɛrʋ,
ŋ ɩ̃́ sabɩɩna há kɔ́ʋ́ ná:
14 rɩ́ nɛ́ ɛ́ɛ́ zɔkɛ, ɩɩ́ náŋ rɛ́,
kɛ́ɩ́ ɩ wɩ́ŋ wɩ́zɔkɩ́ píé aá cɛ́ŋ.
15 Ʋ ká nyúbɔ́ŋ a páŋ nɛ́, rɩ́ŋ nɛ́ ká nɩbɔ́ŋ!
Rɩ́ŋ có rɩ́ŋ a nɩtaŋá má, ŋ wɩ́ŋ nyúú kɔ́wɛ kaá ɓɔ́,
hɩ̃́ɩ̃́sɛ arɩ́ wɩ́hala há nɩ́ɩ́sɩ́ŋ wɩ́ɛ́.
16 Ká rɩ́ŋ nɛ́ kéníŋ nyúú ɓɔ́, ɩɩ́ kír tɩ́ŋɩ́ŋ mɛ́ anɛ kɩ́ŋkáná,
ɩɩ́ baá tʋ́ŋ tʋtʋ́ŋzeŋse há gɩrɛ nɛ́ a cɩ́nɩ́ŋ mɛ́!
17 Ɩ ɔ́ɔ́ daŋsɩ́ɛ́ nɩfɛlɛ cɩ́nɩ́ŋ mɛ́,
ɩ cɔ́ɛ́ ɔ́sɛ́ aá wɩ́ŋ kɩ́ŋkáŋ wuu,
ɩ yiki nɩkaná, ɓa cɩ́nɩ́ŋ mɛ́ aá la náŋá mɛ́.
18 Beé rí tɛ́, ɩ a ŋ lɩ́ŋ maá luóri mí>>
Rɩ́ŋ fa sʋ́wɔ́ rɛ́, nɛ́ŋ sɩ́ɩ́ fa wɩ́ŋ ná,
19 ŋ fa sɩ́ nɩhɩ̃́ŋ fa há wɩ tɔ́ɔ́ kúé ní,
rɩ́ŋ fa lɩ́ŋ maá luóru mí a mʋ́ lɛ́lbule.
20 Ŋ tápʋ́lɛ́ baá wɩ múúre rí>>
Ʋʋ́ táŋ, ʋʋ́ kʋ́ʋ́rʋ́ tɩɩ ká lóŋ, rɩ́ŋ fɩ́ɛ́lɛ mʋɔ́,
21 ká zɩ́ŋ mʋ́ tɔ́ɔ́ ná binó rɩ́ sʋʋ cúúnó há tɔ́ʋ́ mɛ́, a baá sɩ́ bɩrko,
22 tɔ́ɔ́ ná binó há cáásɛ́ zuki, caŋbino fírífírí tɔ́ɔ́,
sʋʋ cúúno mɩ́ŋ ráŋ, wɩ́ɩ́ oro wuu wʋ́ʋ́ sɩ́ɩ́ mɩ́ɩ́ vá ráŋ,
ráŋ ná pʋmmɔ há nɩhɩ̃́ bino tíŋtíŋ.