Zɔɔbɛ lɩ́sɛ nʋɔ a pá Bildaadɛ a bʋ́lɛ́: nɩbíínó rɩ́ Wɩɩsɛ sɩ́ wólli bʋ́l wɩ́ɛ́ a mɔ́ náŋá>>
9
1 Ɛ́ nɛ́ Zɔɔbɛ lɩsɛ nʋɔ a bʋlɛ́:2 Taŋá, ŋ ɩ́ɔ́ rʋ́ʋ́ ká ɛ́ nɛ́.
Nɩbííno a ɛ́rɛ́ɛ́ rɛ́ ká lá taŋá rɩ́ɩ́ pɔ́ʋ́ tɩɩ Wɩɩsɛ sɩ́ɛ́ mɛ́>>
3 Rʋ́ʋ́ nɩ́ɩ́ já rʋ́ʋ́ ká Wɩɩsɛ tɔ́ tɩ́ŋtɔ́ɛ́,
ʋ waá a rʋ́ʋ́ bʋ́l wɩ́ɩ́ balá má tɩɩ pɔ́ʋ́ wɩ́ɛ́ bʋ́ɩ́ sɩɛrʋ.
4 Ʋ nɛ́ tɛ́ zɩ́mɛ́ arɩ́ dóé wuu,
áŋ rɛ́ sɩ́ cɩ́nʋ́ mɛ́ ká sɩ́ dɩlmɩ́lmɔ ná>>
5 Ʋ nɛ́ kéŋ pallɛ aá gɩ́ɩ́kɛ, ká ɓa wɩ ɛ́ mɛ́ ɛ̃,
ʋ nɩ́ɩ́ gínníwó ʋ cɔ́wɩ́ɩ́lɔ́ sɩɛrʋ.
6 Ʋ nɩ́ɩ́ a tíé cɩ́nʋ́ mʋ́kúr mí kaá vaklɛ;
ʋ náfársɛ ɓallɛ.
7 Ʋ nɩ́ɩ́ bʋ́lɛ́ rɩ́ wɩɩsɛ sɩ́ pomu, ɛ́ nɛ́ wɩɩsɛ waá póŋ,
ká tɔ́ caŋwʋllɛ má tá.
8 Ʋ dʋŋɔ léŋ ní kéŋ bána jɛ́rɛ,
kaá va mʋʋ nyigʋgʋ́llɛ daha.
9 Ʋ nɛ́ a caŋwʋ́l ná ɓa haá yɩrɛ Ursi Zeno, caŋwʋ́l ná ɓa háá yɩrɛ Ɔrɩyɔŋ, Nyáŋgbakawa arɩ́ wɩɩsɛ dɩpomí nédu caŋwʋ́llɛ.
10 Ʋ a wɩ́zeŋse háá máánɛ́ nʋɔ,
ʋ wɩ́gɩrɛ wɩ wúó dɩ́ɩ́sɛ.
11 Ʋ tɩ́ŋɩ́ŋ laka dáárɛ, káŋ wʋ́ʋ́ néé,
ʋ nyɩ́ɩ́kɔ́ ká ŋ wɩ kɩ́ɛ́lɛ.
12 Oŋ ná ʋ há lɛ́ rɩ́ dóé, áŋ rɩ́ wóú bɩr aá lá>>
Áŋ rɛ́ sɩ́ bɔ́sʋ́ a bʋ́lɛ́: «Beé rí, ɩ a nyɛ>>»
13 Wɩɩsɛ wʋ́ʋ́ cɔ́wɩɩlɔ́ giri;
ʋ sɩ́ɛ́ mɛ́, Rahav (Mʋʋ oŋbérmi) arɩ́rʋ́ hatɩŋna
wuu ɓallʋ́ naasɛ mɛ́.
14 Ŋ má sɩɛ́ a ɛ́ rɛ́ɛ́ rɛ́, rɩ́ɩ́ lɩ́sɛ nʋɔ ʋ rɩ́>>
Wɩ́bʋlɛ bamma rɛ́, rɩ́ŋ bɛ́llɛ lɩ́sʋ́ sɩ́ɛ́ mɛ́>>
15 Rɩ́ŋ có rɩ́ŋ ká taŋá má, ŋ wɩ nʋɔ lɩ́sɛ,
ŋ sɩ́ jɛ́nnɩ́ŋ sarɩ́yadííro.
16 Rɩ́ŋ nɛ́ fá rɩ́ŋ yɩ́rʋ́ rʋ́ʋ́ saŋ má,
ŋ wáá láá dí rʋ́ʋ́ sɩ́ saŋ zésíŋ rí,
17 ʋ nɛ́ há ɛ́ɛ́ pozeno ŋmɔ́wɩ́ŋ,
a a wɩ́halawa ɓɩkana péríŋ yɔ́ɔ́,
18 a wɩ lóé rɩ́ŋ hiẽsi,
ká ló sazɔkɔ́ súŋ.
19 Rʋ́ʋ́ nɛ́ ká dóé é mí, ʋ nɛ́ ká dóé tɩ́na!
Rʋ́ʋ́ nɛ́ ká sarɩ́ya díí ní,
áŋ rɩ́ɩ́ bʋ́l pɛ́ŋ mɛ́>>
20 Rɩ́ŋ fa có rɩ́ŋ ká taŋá má,
ŋ tɩɩ nʋɔ sɩ́ pi nyɩ́ɛ́rɛ páŋ,
rɩ́ŋ fa ká tékétéké má, ŋ nʋɔ sɩ́ bʋ́l yóŋ.
21 Ŋ ká tékétéké rí>> Ŋ raá wɩ́ŋ tɩɩ wɩ́ɛ́ zɩ́ŋ,
ŋ yóŋ tɩɩ mɩɩsɛ tá.
22 Ɓa wuu nɛ́ balá, ɛ́ nɛ́ tɛ́, ŋ sɛ́:
Ʋ nɩ́ɩ́ zɔ́kɛ nɩtékétéké ɛ́ ráá má nɩbɔmɔ.
23 Rɩ́ zɔ́krʋ́ nɛ́ kúó uri
rɩ́ɩ́ ɓʋ́ nɩɛ,
nɩɛ há wɩ wɩ́ɩ́ zɔ́kɛ diŋe ká mɔ́ŋ rɛ́ ʋ é rí.
24 Rɩ́ nɩbɔma kúó lá tɔ́ɔ́,
ʋ nɩ́ɩ́ tɔ́ sarɩyadííre sɩ́ɛ́.
Rʋ́ʋ́ rá, áŋ rɛ́ ká nɛrɔ>>
25 Ŋ tápʋ́lɛ́ dáárɛ́ ká kɩ́kɛ́lɛ́ a kɩ́llɛ fɩ́fáárɔ,
ɓa wɩ wér néé ká dáárɛ;
26 ɓa dáárɔ anɛ nyiidábórizeno ɓa há ɛ́ɛ́ rɩ́ zɔ́ŋkɛwa,
anɛ básɩ́ɛ́ háá túwé rʋ́ʋ́ púú ɓɩdííli.
27 Rɩ́ŋ nɛ́ sɛ́: «Ŋ sɩ́ tá wɩ́ɛ́ gáásɛ,
a táŋ sazɔkɔ́,
ká lo rɩ́ŋ naasɛ duóri,
28 ŋ wɩ́halawa wuu háá hé héwíŋ ní páŋ.
Ŋ ɩ́ɔ̃́ rɩ́ɩ́ wɩ́ŋ píí makɛ nɛ́ŋ ná há wɩ wɩ́zɔkɩ́ kéné.
29 Ŋ nɛ́ sɩ́ɛ́ ká nɩbɔmɔ!
Beé rí tɛ́, rɩ́ŋ sɩɛ́ baá walmɩ́ŋ tɩɩ yɔ́ɔ́>>
30 Rɩ́ŋ có rɩ́ŋ fó nyii ná há wɩ busunnú mʋ́ɔ́ wuu kéné má (nyiɓaŋɛ́),
rɩ́ŋ có rɩ́ŋ sɛ́sɩ́ŋ nɛ́ŋsa arɩ́ caŋfánɛ má,
31 ɩ há sɩ́ mʋʋrɩ́ŋ butuo sɩɛrʋ,
ká rɩ́ŋ gɛnnɛ má tɩɩ bɛ́rɩ́ŋ.
32 Beé wɩ́ɛ́, ʋ tó nɩbíŋ anɩ́ŋ nyɛ,
rɩ́ŋ tɔ́wʋ́ nʋɔ mɛ́,
ɛ́ rá má ráá dí náŋá sarɩ́ya.
33 Záárɔ tó ráá pɛ́kɛ,
rʋ́ʋ́ púú nɛ́ŋsa sakrá bɛllɛ mɛ́.
34 Rʋ́ʋ́ kánʋ́ daa kɛ́kɩ́ŋ mɛ́,
rʋ́ʋ́ walmɛ́ ná héwíŋ báá sɩ́ŋ kánʋ́.
35 Ŋ fa sɩ́ wolli a bʋ́l wɩ́ɛ́ ká sʋ́ʋ́ héwíŋ fá.
Amá, ʋ sɩɛ́ há tó ɛ́ nɛ́, ŋ tɩɩ nɛ́ káŋ tɩɩ!»