Bilidaadɛ wɩ́bʋlɛ́: Wɩ́bɔma rɩ́wɔ́ dáánɛ́ wuu, ɓa kéŋwó túme
8
1 Bilidaadɛ há lɛ́ Suwa lɩsɛ nʋɔ a bʋ́lɛ́:2 Tɛ́ŋ beé mí rí, rɩ́ɩ́ tɛ́ɩ́ wɩ́bʋlɛ́ nyaŋ,
tɛ́ŋ beé mí rí, rɩ́ɩ́ tɛ́ɩ́ wɩ́bʋlɛ́ nyáŋ há nɩhɛ̃́ pozeno>>
3 Wɩɩsɛ kéŋ yɛ́rɛ́ aá bɩrɛ rɛ́,
Doewuutɩna kéŋ táŋa aá bɩrɛ rɛ́>>
4 Ɩ bɛlɛ nɛ́ ɛ́ɛ́ zɔ́kʋ́ mɛ́,
ɛ́ nɛ́ ʋ pi bɔ́ŋbɔ́ŋ a túŋwó a cɛ́rwɔ́ wɩ́zɔkɛ́.
5 Amá rɩ́ɩ́ é níí já Wɩɩsɛ,
rɩ́ɩ́ nɛ́ sʋ́l Doewuutɩna,
6 rɩ́ɩ́ nɛ́ wɩ wɩ́ɩ́ zɔkɛ́, rɩ́ɩ́ nɩ́ɩ́ tʋ́ŋ yɛ́rɛ́,
ʋ sɩ́ pɔ́ɩ́ mɛ́ mʋ́l né mí,
ʋ sɩ́ a rɩ́ɩ́ taŋá bɩ́r cɩ́nʋ́ dɩcɩnɛ;
7 ɩ dɩtenni sɩ́ a wérí kɩ́ŋkáŋ
a kɩ́llɩ́ púle.
8 Ŋ sʋ́lɩ́ rɛ́, bɔsɛ wóówa ná nɩɛ há lá sɩ́ɛ́ mɩ́ŋ,
a lá zɩ́mɛ́ ná ʋ naabálwa fa há kéné.
9 Beé wɩ́ɛ́, á ká díé tɛ́sɩ́ɩ́ nyɛ nɩɛ nɛ́, á wɩ wɩ́ɩ́ wuu ɛ̃,
á tíé nyúú tápʋlɛ́ nɩhɩ̃́ fɩ́ɛ́l nɛ́.
10 Ɛ́ nɩɛ wɩ́ɩ́ karmɛ>> Ɓa sɩ́ bʋ́lwɔ́ pɛ́ɩ́,
ɓa sɩ́ lɩ́sɛ wɩ́ɛ́ nyaŋ há lɩ́wɔ́ sɩɛrʋ a pɛ́ɩ́:
11 Zɔ́ŋkɛ wuólo aá nyʋ́ rɩ fuo mí ráá,
fuo nyɔ́ɔ́ wuólo aá wá rɩ́ nyii ní tóó>>
12 Ʋ lááwɔ (kéŋ fɩ́ɩ́la), ɓa há wʋ́ʋ́ kʋ́mɛ́,
kɔ́ʋ́ lá nyɔɔ ná naŋá wuu sɩ́ɛ́ a hɩl kɩ́kɛ́lɛ́!»
13 Nyɛ́ nɛ́ peri nɩɛ ná wuu haá sʋ́llɛ Wɩɩsɛ wɩ́ɛ́;
ká nɩbɔmɔ yɩ́ɛ́la yʋ́yʋ́ksɛ.
14 Ʋ yɩɛla zɔ́kɔ́,
ʋ fa púú tɩɩ tɩ́ɛ́kɛ wɔ́wʋ́lɛ́nɛ́rɛ gáánɔ mɛ́ nɛ́.
15 Ʋ tɩ́ɛ́kʋ jaa mɛ́ nɛ́, amá ʋ jaa waá cɛ́,
ʋ vɔ́wʋ́ tɩɩ cɔ́ʋ́ mɛ́ wérí, amá ʋ waá cɛ́.
16 Ʋ kéŋ nyii ká cɛ́ wɩɩsɛ mɛ́,
a ɓá hilli a tɔ́ʋ́ záádɛ mɛ́.
17 Ʋ nálúrsi vɔsɛ náŋá mɛ́ dɔ́wɩ́púl mʋ́l;
ká lúksi zʋ dɔ́wʋ́ɔ́ jaa mʋ́l.
18 Amá rɩ́ ɓa nɛ́ cúrú ʋ dɩmɩnɩ́ ná mɛ́,
ʋ dɩmɩnɩ́ ná sɩ́ báásɛ a bʋ́lɛ́: «Ŋ há wɩ́ɩ́ néí ná!»
19 Ʋ dɩtenni satɔrɔ́ ɓóŋ nɛ́ ɛ́.
Ká rɩ́ náŋá má baá nyʋ́ kúŋkúlo né sɩɛrʋ.
20 Ayi,Wɩɩsɛ wɩ nɩtékétéké vɛ́ aá tá,
ʋ wɩ nɩbɔma naasɛ dúóri.
21 Ʋ wáá dáánɛ ká rʋ́ʋ́ a rɩ́ɩ́ mɔ́ŋ a vɔkɛ
ká a rɩ́ɩ́ wúrí nʋɔ mɛ́ a cáási satɔ́rɩcááse.
22 Ɩ dɩŋdɔma sɩ́ dí hɩ̃́ɩ̃́sɛ;
nɩbɔma jaa sɩ́ nyɩ́ɩ́kɛ.