5
1 Ŋ sʋ́lɩ́ rɛ́, cáási a ná, nɛ́ŋ sɩ́ saŋɩ́ yɩrɛ́>>Malɩka orí rɩ́ɩ́ rɛ́, ɩ sɩ́ wolli bʋ́l wɩ́ɩ́>>
2 Beé wɩ́ɛ́ nɩcʋ́ʋ́lɛ́ cɔ́ɛ́ nɩ́ɩ́ ɓʋ́ʋ́;
cɔwɩɩlɔ́ (bánɔnnɩ́) nɩ́ɩ́ ɓʋ́ wɩ́zɩmɛtóó tɩ́na.
3 Ŋ ná nɩcʋ́ʋ́lɛ́ nɛ́rɛ́,
ŋ vilme ká bʋrɛ hóú jaa mɛ́.
4 «Rʋ́ʋ́ bɛlɛ sɩ́ dɩtɩ́ɛ́kɩ́ oro wuu kánʋ́,
rɩ́ nɛ́ŋ sɩ́ mɩnʋ́ rɩ́ɩ́ bʋ́l láwɔ́ sarɩ́ya mɛ́, ká rɩ́ ɓa dí sarɩ́ya a yówó!
5 Rɩ́ losu nɩkanɛ́ tɩ́llʋ́ oŋkʋ́sɛ́!
Rɩ́wɔ́ ko páwɔ́ sɔrɛ ná há kɛ́rɛ́ sɩɛrʋ kaa col!
Rɩ́ nɩɛ ná há wɩ ɓɩɛ́ vɔ́kɛ́, tɩ́llʋ́ kuóɓɩɛ wuu!»
6 Bɔ́ŋbɔ́ŋ wɩ tíé ní lɩ́ɛ́,
wɩ́hala má tó tíé oŋnyʋ́ʋ́lɛ́.
7 Nɩbííno ko tɔ́ɔ́ rʋ́ʋ́ ná wɩ́ɩ́la nɛ́,
anɛ ɛ́ níŋɓɛ́dʋŋsɛ há isé aá fíl.
8 Rʋ́ʋ́ nɛ́ káŋ é, ŋŋ́ ja Wɩɩsɛ nɛ́;
ŋ píŋ wɩ́kanɩ́ pɔ́ʋ́ nɛ́.
9 Ʋ tʋ́ŋ tʋ́tʋ́ŋzeŋse há gɩrɛ nɩɛ,
ʋ wɩ́nyaŋsɛ to ɓɩdɩ́ɩ́sɛ́.
10 Ʋ nɛ́ ɛ́ɛ́ duóŋ kúko tíé nyúú,
nyii lɛ́ bána aá tuwi baksɛ mɛ́.
11 Ʋ nɛ́ kéŋ nɛ́múrtɩ́ɩ́na aá ɓɔ́;
ʋ nɛ́ lá nɩɛ ná há wɩ yɩɛla kéné aá tá.
12 Ʋ nɩ́ɩ́ zɔkɛ lɩ́ŋtɩ́ɩ́na jáŋwa,
ɓa nɛ́ŋsa tʋtʋmɛ́ wʋ́ɔ́ wúó nɛ́rɛ.
13 Ʋ kɛ́sɛ́ zɩ́mɛ́tɩ́náwa ɓa lɩ́ŋwɩ́ɛ́ sɩɛrʋ,
ká nyɛ́tɩɩna jáŋwa tá yɔ́ɔ́.
14 Ɓa mɩ́ŋ bino mí wɔhɔ tóŋtóŋ,
aá láárɛ anɛ tɩ́táŋ, ká wɔhɔ cɩ́ɩ́ka má nɛ́.
15 Amá Wɩɩsɛ nɛ́ lá nɛ́múrtɩ́ɩ́nɔ aá tá ɓa tokówí mɛ́,
bɩbára nɛ́sɛ mɛ́.
16 Nɩpʋ́ɔ́la má mʋ́l né kéŋ yɩ́ɛ́la,
ká a wɩ́bɔ́ŋ'aarɔ nʋɔ tɔ́.
17 Ɛ́ wɩ́ɛ́, Wɩɩsɛ nɩtʋrɩ́ ná wér:
Sɩ́ Doewuutɩna cáánɛ́ vɛ́.
18 Beé wɩ́ɛ́, ʋ nɩ́ɩ́ hé fʋʋ, ʋ nɩ́ɩ́ váárɛ;
ʋ bonne, ʋ nɛ́ŋsa nɩ́ɩ́ tʋ́kɛ́.
19 Ʋ sɩ́ lɛ́ɩ́ tá saɔkɔ́ mɛ́ naasɩ́ balgo,
Ʋ sɩ́ kɛ́rɩ́ mɛ́ naasɩ́ balpɛ, rɩ wɩɩla sɩ́ɩ́ pérú.
20 Losu tɛ́ŋ mɛ́, ʋ sɩ́ pɔ́ɩ́ mɛ́ rɩ́ɩ́ sɩ́ sʋ́wʋ́;
rɩ́ lal tɛ́ŋ mɛ́, ʋ sɩ́ lɛ́ɩ́ tá tókówí mí.
21 Ʋ sɩ́ kɛ́rɩ́ mɛ́ rɩ́ɩ́ néŋdultɩɛnnɛ,
zɔkrʋ́ tɛ́ŋ mɛ́, ɩ wɩ héwíŋ fá.
22 Zɔkrʋ́ rɩ́ losu ká mɔ́ŋ rɛ́ ɩ sɩ́ɛ́ mɛ́,
balla má wɩ́ɛ́ wɩ héwíŋ kéné a pɛ́ɩ́.
23 Dɔ́wʋ́ɔ́ wɩ́ɩ́ baksɛ wúó zɔkɛ:
tɛŋfɩ́ɛ́l sɩ́ mɩnɩ́ rɩ́ balla pɛ́kɛ́.
24 Ɩ sɩ́ ná tɛŋfɩ́ɛ́l ɩ jaa mɛ́,
ɩ pʋna oro wuu waá fuoli, ɩ há sɩ́ ko kɩ́ɛ́lɩ́wɔ́ mɛ́.
25 Ɩ dunɩɛ sɩ́ púl ɩ sɩ́ɩ́ mɛ́,
ɩ bɛlɛ sɩ́ ɓa keŋe anɛ nyɔ́ɔ́.
26 Ɩ sɩ́ dí tɔ́ɔ́ vɔkɛ ká sʋ́wɛ́ rɩ́ɩ́ há duóko rɩ́wɔ́ húí.
anɛ mɩ́ɛ́ há bɩ́ɛ́, ɓa ɓá ciki.
27 Á há kɩ́ɛ́lɛ́ wɩ́ɛ́ ná peri, a nóú ná nɛ́ nyɛ́;
ʋ mɔhɔ́ rɩ́ɩ́ nɩ́wɔ́, a saŋwɔ́.
Sɩɛ́ zesi nɛ́ ɛ́ wɩ́ɛ́, a tɩŋwɔ́!