Zɔɔbɛ nʋlɩsɔ́: Ʋ gáásɛ wɩ́ɛ́ ʋ naŋnɔŋsɛ rɩ́
6
1 Ɛ́ nɛ́ Zɔɔbɛ lɩ́sɛ nʋɔ a bʋ́lɛ́:2 Aa! rɩ́ŋ wɩ́ɩ́la ná fa wuolo kersi aá ná rɛ́,
ká rɩ́ŋ wɩ́hala ná má a ɓɩmáŋsɛ oŋkáákerse sɩɛrʋ!
3 Taŋá, ŋ wɩɩla zíŋ kɛ́ mʋʋ nʋɔ hɩ́ɛ́l.
Ɛ́ nɛ́ tɛ́ ŋ bʋ́bʋ́l wɩ́ɛ́ kɩ́ŋkáŋ.
4 Doewuutɩna hɛ́mɛ́ zʋ́ŋ,
ɓa huõno má zʋ́ŋ tɛŋ wuu.
Hewíŋ ɓɩzeŋse lɛ́ Wɩɩsɛ, a tɩ́ŋ náŋá mɛ́ a ko cɩ́nɩ́ŋ mɛ́.
5 Kokúmé sɩ́ mɩ́ŋ nyɔ́lɔɔ laka
kaá wí>>
Nɔɔ é ní sɩ́ nóú ɓɩdííle ká baá wí>>
6 Ɓɩdííli ná há wɩ ŋmɔ́ŋ wuoló aá dí rɩ́ yɛ́sɛ tó ráŋ>>
Zíhal dɩpʋmmɔ ŋmɔ́mɔ́ rɛ́>>
7 Ŋ há wɩ có rɩ́ŋ tɩkɛ́ ɓɩdííle ná mɛ́,
ʋ nɛ́ ŋ dídí, rʋ́ʋ́ có rʋ́ʋ́ kukuósi sɩɛrʋ má.
8 Ŋ wɩ́colli páá nɛ́ ká rɩ́ nɛ́ŋ lɩ́sɩ́ŋ sʋ́lɛ́ né sɩ́ɛ́ a páŋ,
rɩ́ Wɩɩsɛ fa saŋɩ́ŋ sʋ́lɛ́ né:
9 rɩ Wɩɩsɛ fa tɩ́ksɩ́ŋ,
rʋ́ʋ́ fa tɩ́ɛ́nʋ́ nɛ́sɛ tɩ́ɛ́rɩ́ŋ!
10 Ŋ fa sɩ́ ná bʋ́ɔ́lɛ́,
ŋ sɩ́ ɓénní, a jʋ́ɔ́sɛ wɩ́halzeno ná sɩɛrʋ,
ŋ fa wɩ Wɩɩsɛ ná há kɔ́ʋ́ dʋŋɔ wɩ́bʋlɛ́ vɛ́.
11 Ŋ dóé mɩ́ŋ nɛ́ɛ́ aá dɛ́llɛ>>
Rɩ́ŋ dɩgírsi nɛ́ nyɛ́, ŋ hiẽso báá wɩ mʋ́l kéné.
12 Ŋ dóé ká dɔ́wɩ́ dóé rí>>
Ŋ tɛŋnamɩ́ɛ́ ká kɔmɔ́ rɛ́>>
13 Ŋ baá kéŋ saŋɛ rɛ́>>
saŋɛ rɩ́rʋ́ duó wuu wɩ́ŋ mɛ́ kɛ́kɛ́ a mʋ́ dɩboli rí>>
14 Ŋmɛ́nɔ́ mɩnɔ́ rɩ́ nɛ́ŋ ná sɩɛrʋ há zɔ́kɛ́ kɩ́ŋkáŋ naŋnɔŋɔ cɩ́ tɩ́kʋ́,
rʋ́ʋ́ có rʋ́ʋ́ báá wɩ Doewuutɩna héwíŋ fá má.
15 Ŋ maábinaŋá zɔ́kɩ́ŋ sɩɛrʋ anɛ polcʋ́ɔ́rɛ nyii há hʋ̃́ʋ̃́sɛ́ ká táɔ́,
anɛ polo sɩsɩɛnnʋwa há hɩlɛ́.
16 Nyihíre arɩ́ nyiɓáŋɛ́ anɛ dɔ́wʋ́ɔ́ há yʋ́ɔ́lɛ,
a pál ko zʋ́wɔ́ nyii, ɓawuu kɔ́rɔ́.
17 Amá rɩ lʋmɔ nɛ́ zʋ́ɛ́, ɓaá hʋ̃́ʋ̃́sɛ nɛ́;
rɩ wɩɩsɛ nɛ́ ŋmɔ́wɔ́, ɓaá hʋ̃́ʋ̃́sɛ́ nɛ́ naasɩ́ balá.
18 Ŋmɛ́ŋvalla cʋ́rɛ ká táwɔ́ ŋmɛ́nɔ́,
a zʋ́ gɩrbétéke, aá sʋ́sɛ́ ráŋ.
19 Ŋmɛ́ŋvalla ná há lɛ́ Tema pɛ́ sɩ́ɛ́ aá já nyii,
Saaba báyɛlɛ kéŋ nyii yɩ́ɛ́la.
20 Amá ɓa há kéŋ ɛ́ fuonni, hɩ́ɩ́sɛ kéŋwó,
ɓa mʋ́ɔ́ a peri, rɩ ɓa yɩ́ɛ́la ná ká yɔ́ɔ́.
21 Ɩ́ sɩɛ́ ká ɛ́ nɛ́, a pɛ́ɩ́wa naŋnɔŋɔ!
Ɩ́ náŋ wɩ́hala ná, héwíŋ kánɩ́wa.
22 Ŋ sʋ́lɩ́wa a bʋ́lɛ́: «Ɩ́ páŋ óŋ!
a bʋ́lɛ́, ɩ́ lɩ́sɩ́wa ɓɩɛ́ dí zile páŋ!
23 a bʋ́lɛ́, ɩ́ láŋ tá dɩŋdɔmɔ nɛ́sɛ mɛ́,
ɩ́ a rɩ́ŋ fori bɩbara nɛ́sɛ mɛ́!»
24 Ɩ́ cáánɩ́ŋ, ŋ sɩ́ tɔ́ŋ nʋɔ mɛ́;
ɩ́ máŋsɩ́ŋ wɩ́zɔkɩ́ a páŋ.
25 Yɛ́rɛ́ wɩ́bʋlɛ́ zʋ́ tɛŋ,
amá ɩ́ hágáásɛ né má mʋ́l nɛ́ ká beé rí>>
26 Ɩ́ɩ́ já rɩ́ɩ́wa bʋ́lɩ́ŋ wɩ́bʋlɛ́ wɩ wér ní>>
Rɩ́ nɛrɔ ná há wɩ yɩ́ɛ́la kéné wɩ́bʋlɛ́ ká poo ní.
27 Ɩ́ saŋɔ a yo bíé bisime má wɩ́ɛ́,
a yɛ́llɩ́wa naŋnɔŋfɩ́ɛ́mɔ́ má!
28 Mʋ́l né mɛ́, ɩ́ bélíŋ sɩ́ɛ́ mɛ́ wérí,
ŋ sɩ́ nyɛ́ nyɩ́ɛ́rʋ pɛ́ɩ́wa, ɩ́ sɩ́ɛ́ mɛ́>>
29 Ŋ sʋ́lɩ́wa rɛ́, ɩ́ bɩrɛ kɩ́ɛ́lɛ tɩɩ mɛ́ wéri, a sɩ́ ló rɩ nyɩɛrʋ mɩ́nɩ́wa mɛ́!
Ɩ́ há bɩrkɩ́ɛ́lɛ wéri, ŋ kéŋ taŋá.
30 Nyɩɛrʋ mɩ́nɩ́ŋ nʋɔ mɛ́ rɛ́>>
Ŋ wɩ wɩ́ɩ́la há kɔ́ʋ́ ná ɛ̃́ nɛ́>>