Elifaazɛ wɩ́bʋlɛ́: Wɩɩsɛ há mɩ́lmɛ́ nɛ́ŋ ná dɩlla, ʋ ná wér!
4
1 Elifaazɛ há lɛ́ Temaŋ bʋ́l Zɔɔbɛ rɩ́ a bʋ́lɛ́:2 Sazɔkɔ́ há pérí a mɔ́ nyɛ, nɛ́ŋ baá kɔwɛ wɩ́ɩ́ aá bʋ́lɩ́ rɩ́ rɛ́>>
Áŋ rɛ́ sɩɛ́ wóú nʋɔ aá tɔ́>>
3 Ɩ cáánɛ nɩɛ ɓɩkaná
ɩ duóri nɩɛ ná há bɔ́lɛ́ naasɛ.
4 Ɩ wɩ́bʋlɛ́ duóri nɩɛ ná
haá gɛnnɛ naasɛ,
arɩ́ nɩɛ ná há bɔ́lɛ́ naasɛ.
5 Wɩɩla há pérí tɩɩ mʋ́l né mí, ɩ yʋ́ɔ́rɛ́.
ɛ́ há pérí mʋ́l né mí, héwíŋ ní zʋ́ɩ́ nyɛ́!
6 Ɩ Wɩɩsɛ tɩ́ŋɛ́ ráá tóí yɩɛla rɛ́>>
ɩ ŋmɛ́ŋsɛ há ká tékétéké ráá tóí yɩɛla rɛ́>>
7 Ŋ sʋ́lɩ́ rɛ́, bɩ́ɩ́nɛ́ wérí a ná: ɩ há ná wɩ́ɩ́la rʋ́ʋ́ dí nɛ́ŋ ná há wɩ wɩ́ɩ́ zɔ́kɛ́ rɛ́>>
ɛ́ rá má nɩɛ ná háá tʋ́ŋ yɛ́rɛ́ rɛ́>>
8 Ŋ é kɩ́ɛ́lɛ wéri rí:
Nɩɛ ná háá dɩ́ɛ́sɛ bɔ́ŋbɔ́ŋ kaá dú wɩ́hala,
ɓa nɛ́ ɓa tɩɩ kʋ́sɩ́wɔ́.
9 Wɩɩsɛ nʋɔ poo ɔ́ɔ́ ɓa nyɩ́ɩ́kɛ,
ʋ cɔ́wɩɩlɔ́ poo ɓa sʋ́sɛ́.
10 Ʋ nɛ́ ɛ́ɛ́ kɩ́ŋkáná rɩ́ dííro úúré nyɔ́ ráŋ,
ká bonni kɩ́ŋkáŋɓʋ́ɔ́ nyɩla.
11 Rɩ́ namɩ́ɛ́ tóó kɩ́ŋkáná sʋ́wɔ́ nɛ́,
ká kɩ́ŋkáŋmaá bɛlɛ pɩsɛ a mʋ́ dɩboli.
12 Ŋ nɛ́ liŋó há lʋ́ɔ́rɛ aá bʋ́lɩ́ŋ rɩ́,
dɔ́mɛ́ mʋɔ́ zʋ́ŋ dɩllɛ.
13 Tɛ́ŋ ná mɛ́ tɩ́táŋ wɩ́náálɛ há hé sazɔkɔ́,
tɛ́ŋ ná mɛ́ nɩɛ há pɛ́ donni a táwɔ́ tɩɩ.
14 Héwíŋ rɩ́ wáárʋ́ há zʋ́ŋ,
ŋ heŋgbélé wuu ní vaklɛ.
15 Poo oro ŋmɔ́wɩ́ŋ sɩ́ɛ́ mɛ́
ŋ tɛŋ pʋsɛ wuu isi cɛ́ daha.
16 Nɛ́ŋ oro fa isó cɛ́ ráŋ:
ŋ wʋ́ʋ́ nɩ́ɩ́sɔ́ ɛ̃.
kɔ́ʋ́ cɩ́nɩ́ŋ sɩ́ɛ́.
Dɩhɩ̃ sikli, káŋ nɛ́ liŋó há sɛ́:
17 «Nɩbííno sɩ́ wolli bʋ́lʋ́ ká nɩtaŋá a kɩ́llɛ́ Wɩɩsɛ,
nɩbííno sɩ́ wolli bʋ́lʋ́ ká pár a kɩ́llʋ́ mɩ́máárɔ>>
18 Rɩ́ Wɩɩsɛ nɛ́ wʋ́ʋ́ tʋtʋnna má tɩɩ yarda ɛ́ɛ́,
kaá nó malɩ́kawa má dɩ́nyɔ́rkɛ,
19 nɩbííne há mɩ́ŋ cʋʋ jɩɩsɛ mɛ́ nɛ́ sɩɛ́ rʋ́ʋ́ laá dí>>
Ɓa tɛŋ dɩpuli ká kúŋkulo ní.
Ɓa tɩksɛ́ ká mɔlɛ́ anɛ deŋdúlwie.
20 Ɓa zɔ́kɛ́ wɩ tápʋ́l pírmi kɛ́,
rɩ́wɔ́ yʋ́ksɛ ɓóŋ, rɩ́ nɛ́ŋ baá sɩ́wɔ́ wɩ́ɛ́ bɩ́ɩ́nʋ́ má tɩɩ.
21 ɓa táŋtɛ jɩɩsɛ ŋmɛ́ŋ cókó
ká ɓa sʋ́sɛ́, ɓa wɩ zɩ́mɛ́ néé.»