Zuwifiwa ná há bɩrɛ ko a pul sú Zerizalɛmɛ
11
1 Sɩ́dííre ná ké Zerizalɛmɛ mɛ́ nɛ́. Ká nɩkáánɛ ná yo bíé, a lɩ́sɛ nɩɛ fí sɩɛrʋ nɛ́ŋ balá rʋ́ʋ́ ké Zerizalɛmɛ ná há ka Wɩɩsɛ tɩ́llɛ mɛ́ a súúríwó mí. Nɩkáánɛ nɛ́mɛ́ ná é ké tɔ́wɩɛlla ná sɩɛrʋ nɛ́. 2 Ɛ́ nɛ́, nɩɛ wuu tʋŋ nʋɔ mɛ́ a sʋl bárka pá nɩɛ ná wuu há sáŋɛ́ rɩ́wɔ́ ké Zerizalɛmɛ mɛ́. 3 Ná Ziida dɩtɩ́llɛ sɩ́dííre ná há ké Zerizalɛmɛ mɛ́. Ɩzɩrayɛl nɩɛ ná náŋa rɩ́ vʋk'ɔɔsa rɩ́ Levi dunɩɛ rɩ́ Wɩɩsɛ jaa tʋtʋnna, arɩ́ Salomɔŋ wuolo nɩɛ bɛlɛ má ké Ziida tɔ́nɛ ná náŋa mɛ́, nɛ́ŋ wuu kénú tɔ́ɔ́ mɛ́, ʋ tíé mí. 4 Ziida rɩ́ Bɛŋzamɛ bɛlɛ náŋa fa ké Zerizalɛmɛ mɛ́. Ná Ziida bɛlɛ ná há ké Zerizalɛmɛ mɛ́: Ataya áná nɛ́ ká Oziyasɛ, Oziyasɛ áná nɛ́ ká Zakari, Zakari áná nɛ́ ká Amariya, Amariya áná nɛ́ ká Sefatia, Sefatia áná nɛ́ ká Mahalalɛl, Mahalalɛl áná nɛ́ ká Pere, 5 Maseya áná nɛ́ ká Barusɛ, Barusɛ áná nɛ́ ká Kɔlhoozi, Kɔlhoozi áná nɛ́ ká Hazaya, Hazaya áná nɛ́ ká Adaya, Adaya áná nɛ́ ká Yoyarib, Yoyarib áná nɛ́ ká Zakari, Zakari áná nɛ́ ká Siloni. 6 Pere bɛlɛ ná wuu há ké Zerizalɛmɛ mɛ́ nɛ́ báála zɔwana mɛɛ́sɩbotoro rɩ́ córí (468). Ɓa fa ká bibára rɛ́. 7 Ná Bɛŋzamɛ bɛlɛ sɩɛrʋ ɓa ná fa há ké Zerizalɛmɛ mɛ́: Salu áná nɛ́ ká Mesulam, Mesulam áná nɛ́ ká Yoyed, Yoyed áná nɛ́ ká Pedaya, Pedaya áná nɛ́ ká Kolaya, Kolaya áná nɛ́ ká Maseya, Maseya áná nɛ́ ká Itɩɛl, Itɩɛl áná nɛ́ ká Ezayi, 8 rɩ́ Gabibayi, arɩ́ Salayi ɓa wuu zɔlɔ nɛ́mɛ́ mɛrɛ́ rɩ́ córí (928). 9 Zikiri bio Zowɛl nɛ́ fa ká púl ná sɩ́dííro, ká Senuya bio Ziida má a bʋllɛ nyúú mí nɛrɔ tɔ́ɔ́ ná sɩɛrʋ. 10 Vʋk'ɔɔsa ná yɩra nɛ́ nyɛ: Yoyaribɛ bio Yedaya, rɩ́ Yakɛŋ, 11 Seraya áná nɛ́ ká Hilkiya, Hilkiya áná nɛ́ ká Mesulamɛ, Mesulamɛ áná nɛ́ ká Sadɔkɛ, Sadɔkɛ áná nɛ́ ká Merayɔtɛ, Merayɔtɛ áná nɛ́ ká Ahituub há ká Wɩɩsɛ jaa sɩ́dííro, 12 rɩ́wɔ́ maábináŋa zɔlɔ córí mɛrɛ́ rɩ́ bɛllɛ (822) háá tʋŋ Wɩɩsɛ jaa tʋtʋmɛ: Adaya áná nɛ́ ká Yerohamɛ, Yerohamɛ áná nɛ́ ká Pelaliya, Pelaliya áná nɛ́ ká Amisi, Amisi áná nɛ́ ká Zakari, Zakari áná nɛ́ ká Pasuur, Pasuur áná nɛ́ ká Malkiya, 13 rɩ́rʋ́ maábináŋa há ká jɩtɩ́náwa zɔwɛllɛ mɛɛ́sɛllɛ rɩ́ bɛllɛ (242). Amasayi áná nɛ́ ká Azariyɛl, Azariyɛl áná nɛ́ ká Azayi, Azayi áná nɛ́ ká Mesilemɔtɛ, Mesilemɔtɛ áná nɛ́ ká Imɛɛrɛ; 14 arɩ́wɔ́ maábináŋá há ká sóójibibará zɔlɔ mɛrɛ́ rɩ́ córí (128). Gedolimi bio Zabɩdɩɛl nɛ́ fa kɔ́wɔ́ bíbello. 15 Levi duo nɩɛ sɩɛrʋ: Semaya áná nɛ́ ká Hasuub, Hasuub áná nɛ́ ká Azirikamɛ, Azirikamɛ áná nɛ́ ká Hasabiya, Hasabiya áná nɛ́ ká Buuni, 16 Sabitayi rɩ́ Yozabadɛ fa mɩŋ Levi dunɩɛ sɩ́dííre ná sɩɛrʋ nɛ́, ɓa nɩ́ɩ́ faá bel Wɩɩsɛ jaa ná pʋmmɔ rɩ́ tʋtʋmɛ́ wɩ́ɛ́, 17 Mataniya áná nɛ́ ká Miise, Miise áná nɛ́ ká Zabidi, Zabidi áná nɛ́ ká Asafɛ, ʋ nɛ́ ká gɔ́khɔ̃́ ná háá ɓá yɩɩla wɩsʋlɔ́ tɛ́ŋ mɛ́. Bakbukɩa nɛ́ tʋ́kʋ́ mɛ́ ʋ maábináŋa sɩɛrʋ. Abida áná nɛ́ ká Samuya, Samuya áná nɛ́ ká Gala, Gala áná nɛ́ ká Yedutumi. 18 Levi dunɩɛ ná wuu há mɩŋ Wɩɩsɛ tɔ́ɔ́ ná sɩɛrʋ nʋɔ nɛ́ ká zɔwɛllɛ mɛɛ́sɩbaná rɩ́ baná (284). 19 Dánnʋpɔ́ɔ́rá nɛ́ ká: Akuubɛ rɩ́ Talmɔŋ rɩ́wɔ́ maábináŋa ná há ká dánnʋpɔ́ɔ́ra, ɓa nʋɔ ká zɔlɔ mɛɛsɩbotoro rɩ́ fí rɩ́ɩ́ bɛllɛ (172). 20 Ɩzɩrayɛl nɩkáánɛ rɩ́ vʋk'ɔɔsa arɩ́ Levi dunɩɛ fa mɩŋ Ziida tɔ́nɛ ná wuu mí oro wuu ʋ tíé liwe mí. 21 Wɩɩsɛ jaa tʋtʋnna fa ké Ɔfɛl mɛ́ nɛ́. Siha rɩ́ Gisepa nɛ́ fa kɔ́wɔ́ sɩ́dííre. 22 Zerizalɛmɛ mɛ́, Levi dunɩɛ bíbello nɛ́ ká Uuzi. Uuzi áná nɛ́ ká Bani, Bani áná nɛ́ ká Hasabiya, Hasabiya áná nɛ́ ká Mataniya, Mataniya áná nɛ́ ká Miise; ɓa wuu ká Asafɛ dunɩɛ nɛ́, a mɩŋ Wɩɩsɛ jaa ná mɛ́ gɔkɩ́ ná wɩ́ɛ́; 23 bee wɩ́ɛ́, gɔkɛ́ ná fa mɔhɔ̃́ rɩ́wɔ́ tɩŋ ɛ́ ná kuóro há mákɛ́ pɔ́wɔ́ nɛ́ kál wuu, aá tʋŋ tʋtʋmɛ́ ná. 24 Mesezabel bio Petahia há lɛ́ Ziida bio Zera duo sɩɛrʋ; fa ká kuóro nɩtʋmɩ́ rɛ́, a mɩŋ nɩɛ wɩ́ɛ́ sɩ́ɛ́.Zuwifiwa ná há to Zerizalɛmɛ mɛ́
25 Ziida nɩɛ mʋ́ɔ́ ké tɔ́nɛ náŋa rɩ́wɔ́ tɔ́wɩɛla mɛ́, Kiriyatarba rɩ́rʋ́ tɔ́wɩɛla mɛ́; Diboŋ rɩ́rʋ́ tɔ́wɩɛla mɛ́; Yekaseyɛl rɩ́rʋ́ tɔ́wɩɛla mɛ́, 26 Yesuya tɔ́ɔ́ mɛ́, Molada tɔ́ɔ́ mɛ́, Bɛtpelɛtɛ tɔ́ɔ́ mɛ́; 27 Hasarsuya tɔ́ɔ́ mɛ́, Bɛrseba rɩ́rʋ́ tɔ́wɩɛla; 28 Siklagɛ tɔ́ɔ́ mɛ́, Mekona tɔ́nɛ rɩ́wɔ́ tɔ́wɩɛla mɛ́, 29 Eyirimɔŋ mɛ́, Soreya mɛ́, Yarmuti mí, 30 Zanʋya mɛ́, Adulam mɛ́ rɩ́wɔ́ laka tɔ́nɛ mɛ́; Lakisi rɩ́rʋ́ laka tɔ́nɛ mɛ́, Azeka rɩ́rʋ́ laka tɔ́nɛ mɛ́. Ɓa fa cíkwó púl, a pɔ́ Bɛrseba mɛ́ ká kaa mʋ́ lɛ Hinɔŋ polo mí. 31 Bɛŋzamɛ bɛlɛ ké: Geba, Mikmasɛ, Aya, rɩ́ Betɛl; rɩ́wɔ́ laka tɔ́nɛ mɛ́, 32 arɩ́ Anatɔtɛ mɛ́, Nɔdɛ mɛ́, Ananiya mɛ́, 33 Hasɔrɛ mɛ́, Rama mɛ́, Gitayim mí, 34 Hadidɛ mɛ́, Seboyimi mí, Nebalatɛ mɛ́, 35 Lodi mí, Ono mí, arɩ́ nɛ́sɛ tʋtʋnna polo mí. 36 Levi dunɩɛ náŋá lɛ́ Ziida duo mí, a zʋ Bɛŋzamɛ duo sɩɛrʋ.