Ɛsɩdrasɛ kɛnɔ
Laadí ná
Kuóre wɩ́'állɛ bʋllɛ kɛnɔ tenné mí, ɓa máŋsɔ́ rɩ́ Pɛrsɛ kuóro Siirisi nɛ́ pá Zuwifiwa ná fa há ká yosí, a mɩŋ Babɩlɔɔnɛ mɛ́ ŋmɛ́nɔ́ rɩ́wɔ́ col, a mʋ́ wólli a bɩrsɔ Zerizalɛmɛ Wɩcʋɔlɩjɩzeno ná. Zuwifiwa ná Zerizalɛmɛ bɩrmʋ́ɩ́ naasɛ nɛ́ sɩɛ́ mɩŋ Ɛsɩdrasɛ kɛnɔ né má púle mí, a pɔ́ʋ́ sápiítri balá (1) mɛ́ a kaá mʋ́ʋ́ balgo (6). Wɩ́nɩ́llɛ fa káŋ, ká arɩ́ ɛ́ má wuu, ɓa sɔ́ ɛ́ Jaa tenni bɩŋsɛ zɔ́mmʋ́ɔ́ rɩ́ fí rí bɔ́mmʋ́ɔ́ (515) nɛ́ ká Zeezi Kirisi zɩŋ ko.
Wɩ́ɛ́ ná há tʋŋ kuóro Arɩtasɛrsɛɛsɛ kuorí díí tɛ́ŋ mɛ́, ɓa nɛ́ mɩŋ sápiítri bálpɛ (7) a kaá sapiítir fí (10) sɩɛrʋ. Ʋ yɩrɛ vʋk'ɔɔsɔ Ɛsɩdrasɛ, a bʋ́lʋ́ rɩ́ a bʋlɛ́: “Á pɛ́ɩ́ nʋɔ, rɩ́ bɩrmʋ́ a kɩ́ɛ́lɛ Zerizalɛmɛ, arɩ́ Ziida dɩtɩ́llɛ mɛ́, a ná ɛ́ ná ɓa haá tɩ́ŋɩ́ Wɩɩsɛ ná wɩ́bilé kɛnɔ há mɩ́nɩ́ rɩ́. ” (Sapiítir balpɛ 7 verse 14). Ɛ́ nɛ́ Ɛsɩdrasɛ ɓɩɛ́na ká vʋk'ɔɔɔa ɓɩkaná náŋá a tɩŋʋ́ tɩɩ mɛ́ a mʋ́ Zerizalɛmɛ. Ʋ gáásɛ wɩ́ɛ́ Wɩɩsɛ nɩɛ ná nʋɔ mɛ́, ɓa há wɩ Wɩɩsɛ wɩ́bilé ná tɩŋ wɩ́ɛ́. Ɛ́ nɛ́ ɓa bɩ́rsɩ́wɔ́ sabɩŋsɛ ká Ɛsɩdrasɛ sʋl Wɩɩsɛ a pɔ́wɔ́. Ɛ́ nɛ́ sɩɛ́ ɛ́ɛ́ Wɩɩsɛ jamáŋ ná baá cɛ́ nafɛlɛ́ náŋa mɛ́.
Ɛsɩdrasɛ kɛnɔ né wɩ́ɛ́ tʋkɛ́ mɩŋ Neemi kɛnɔ sɩɛrʋ nɛ́.
Kɛnɔ né sɩɛrʋ wɩ́nyunni: Zuwififa lɛ́ yomí sɩɛrʋ a bɩrcol sapiítir 1 rɩ́ 2. Ɓa bɩrsɔ Wɩcʋɔlɩjɩzeno ná sapiítir 3 a kaá mʋ́ sapiítir 6. Ɛsɩdrasɛ kéŋ Zuwifiwa tɩ́ŋʋ́ tɩɩ mɛ́ a mʋ́ Zerizalɛmɛ sapiítir 7a kaá mʋ́ sapiítir 8 Ɛsɩdrasɛ tá nʋɔ rɩ́wɔ́ kiri duhʋɔra tolé ná ɓa há jɛ́ɛ́ a tá sapiítir 9 a kaá mʋ́ sapiítir 10