Neemi kɛnɔ
Laadí ná
Neemi kɛnɔ né tʋkɛ Ɛsɩdɩra kɛnɔ mɛ́ nɛ́, Wɩɩsɛ kɛnɔ sɩɛrʋ. Neemi ká Zuwifi rí, a a yomó a mɩŋ Pɛrsɛ kuóro Artazɛrzɛɛsɛ laka a tʋ́ŋ aá pɔ́ʋ́. Neemi há kúé a nɛ́ rɩ́ Zerizalɛmɛ zeŋe ɓallɔ́, ʋ sʋ́l ŋmɛ́nɔ́ kuóro rí, a bɩrmʋ́ Zerizalɛmɛ. Ʋ nɛ́ bɩrmɛ ráŋ dɩtɩ́llɛ sɩ́dííro, a dí sɩ́ɛ́ rɩ́ Zerizalɛmɛ tɔ́ɔ́ zeŋe ná bɩrsɔ.
Dʋŋdʋ́ʋ̃́ dɩhɩ̃́, Neemi há bɩrɛ mʋ́ Zerizalɛmɛ wɩ́ɛ́ nɛ́ ráŋ.
Bʋllɛ dɩhɩ̃́ máŋsɛ ɛ́ ná ɓa há caasɛ isi a cɛ́ tʋtʋmɛ́ ná mɛ́, amá arɩ́ ɛ́ wuu, Zerizalɛmɛ zeŋe ná bɩrɔ́ cuoli.
Kɛnɔ né Botoro nyúú mí dɩhɩ̃́, nɩɛ ciko ká zesi Wɩɩsɛ kíŋse ná vʋk'ɔɔsɔ Ɛsɩdɩra haá karmɛ́. Ɓa nyʋ́ʋ́mɛ nɩɛ ná tɛŋ, ɛ́ nɛ́ ɓa bɩrsɩ́wɔ́ sabɩŋsɛ, aá cʋɔlɛ Wɩɩsɛ. Ɓa bɛllɔ́ a lɩ́sɛ rɩ́wɔ́ tɩtɩ́ŋ Wɩɩsɛ kíŋse.
Dɩgirsi, Neemi bɩrsɛ wɩ́ɛ́ náŋá, ká ká wɩ́ɛ́ náŋá má a héwó gbele mí tɔ́ɔ́ ná sɩɛrʋ arɩ́ Wɩɩsɛ jaa sɩɛrʋ.
Kɛnɔ né sɩɛrʋ, Neemi mákʋ́ yarda. Ʋ sɩɛ́ ká bátʋtʋnnɔ tɩɩ má rɛ́. Dɩŋdɔnnɛ́ rɩ́rʋ́ duó wuu ní ɓa dúú rí, ká arɩ́ ɛ́ má wuu, ʋ cɛ́ pɩ́ɩ̃́, a tʋŋ tʋtʋmɛ́ ɓɩkaná Wɩɩsɛ nɩɛ sɩɛrʋ.
Kɛnɔ né sɩɛrʋ wɩ́nyúnni:
Neemi bɩrɔ́ a mʋ́ Zerizalɛmɛ 1-2
Ɓa bɩrɔ́ a sɔ́ Zerizalɛmɛ zeŋe 3-7
Ɛsɩdɩra karmɛ Wɩɩsɛ kíŋse 8
Nɩɛ césíwó wɩ́bɔma 9.1-37
Nɩɛ líísíwó rɩ́ Wɩɩsɛ pɛ́kɛ nʋtʋmɛ wɩ́ɛ́ 9. 38-10.40
Neemi kenú tɩɩ rʋ́ʋ́ bɩrsɛ́ wɩ́ɛ́ ɓɩkaná 11-13