Zuwifiwa kírí duhʋɔra tolé ná tá
10
1 Tɛ́ŋ ná mɛ́ Ɛsɩdrasɛ há ɓírmi Wɩɩsɛ Wɩcʋɔlɩjaa ná sɩ́ɛ́, a wí kaá sʋl wɩ́bɔma súúrí Wɩɩsɛ rɩ́; Ɩzɩrayɛl nɩɛ ɓɩkana, báála, háála, arɩ́wɔ́ heŋbíísi wuu fa kó kíl Ɛsɩdrasɛ, ká cáásɛ aá wi. 2 Ɛ́ nɛ́ Yehɩɛl bio Sekaniya há lɛ́ Elamɛ duo sɩɛrʋ, isi bʋl Ɛsɩdrasɛ rɩ́ a bʋlɛ́: «Á cáásɔ́ tʋŋ zɔ́krʋ á Wɩɩsɛ mɛ́; á há já duhʋɔra tolé. A rɩ́ ɛ́ wuu, Ɩzɩrayɛl nɩɛ há kéŋ yɩɛla wɩ́ɩ́ né sɩɛrʋ. 3 Ɛ́ wɩ́ɛ́, mʋ́l neé mí, á bil nʋtʋmɛ arɩ́rá Wɩɩsɛ pɛ́kɛ, ká kiri háála nyáŋ rɩ́wɔ́ bɛlɛ wuu tá, a tɩŋɩ́ cólle mí, ŋ nyúútɩ́na, arɩ́ nɩɛ ná háá vaklɩ́rá Wɩɩsɛ wɩ́makɛ́ yɩr mɛ́. Á sɩ́ tɩŋ wɩ́bile ná. 4 Isi daha, ɩ nɛ́ tɛ́ wɩ́ɩ́ né zɩmɛ́. Á mɩnɩ́ har. Ɓáŋɩ́ baŋcɩla ká a wɩ́ɩ́.» 5 Ɛ́ nɛ́ Ɛsɩdrasɛ isi, a a Wɩɩsɛ vʋk'ɔɔsa sɩ́dííre, rɩ́ Levi duo nɩɛ sɩ́dííre, arɩ́ Ɩzɩrayɛl nɩɛ wuu ŋmɩ́ɛ́sɛ a bʋ́lwɔ́ sáŋ wɩ́bʋlɩ́ né. Ɛ́ nɛ́ ɓa wuu ŋmɩ́ɛ́sɛ a bʋlɛ ɓa sáŋɔ́. 6 Ká Ɛsɩdrasɛ isi Wɩɩsɛ Wɩcʋɔlɩjaa wuolo ná mɛ́, a mʋ́ Eliyasiibi bio Yohana jaa. Ʋ há mʋ́ɛ́ zʋ́ ráŋ, ʋ wɩ oŋ díé, a wɩ oŋ nyɔ́ɛ́, bee wɩ́ɛ́, ʋ sɩɛrʋ fa zɔ́kɔ́ kɩ́ŋkáŋ, nɩɛ ná há bɩrɛ lɛ́ yomí ko zɔ́krʋ ná wɩ́ɛ́. 7 Ʋ ɛ́ har mɛ́, ɓa búólo pá Zerizalɛmɛ rɩ́ Ziida lal nɩkɛ́sɛ ná wuu, rɩ́wɔ́ ko hé náŋá mɛ́ Zerizalɛmɛ mɛ́. 8 Ɛ́ nɛ́ sɩ́dííre rɩ́ nɩhɩɛ̃sɛ vʋ́ʋ́rɛ bʋlɛ́, rɩ rɛ́ɛ́ rɩ́ tápʋlɛ́ botoro kál nɛrɔ ná wuu há wɩ yɩrɛ ná kúé, ɓa sɩ́ lɔ́ʋ́ ɓɩɛ ká kírú lɩ́sɛ lal nɩkɛsɛ́ ná sɩɛrʋ. 9 Ziida nɩɛ rɩ́ Bɛŋzamɛ nɩɛ ko hé náŋá mɛ́ Zerizalɛmɛ Wɩcʋɔlɩjaa ná dɩhɩ̃́, tápʋlɛ́ botoro ná pɛ́kɛ, cáŋsɛ nɛ́mɛ́ nyúú mí, tápʋlɛ́ mɛrɛ́ kal. Nɩɛ ná wuu sɩɛ́ ko ké aá cél ɛ́ wɩ́ɩ́ wɩ́ɛ́; ká duóŋ má kúkó. 10 Ɛ́ nɛ́ vʋk'ɔɔsɔ Ɛsɩdrasɛ isi bʋ́lwɔ́ rɩ́ bʋlɛ́: «Ɩzɩrayɛl nɩɛ, ɩ́ tʋŋ zɔ́krʋ a súúríwa wɩ́nyɔ́rkɛ ná mɛ́, ɩ́ há já duhʋɔra tolé nyáŋ. 11 Ɛ́ wɩ́ɛ́, mʋ́l neé mí, ɩ́ césíwa wɩ́zɔkɛ́ a pá Nyuutɩna Wɩɩsɛ, ɩ́ naábalwa Wɩɩsɛ; a sáŋ tɩŋʋ́ cólle. Ɩ́ lɩ́sɩ́wa tɩɩ duhʋɔra ná rɩ́wɔ́ tolé mí.» 12 Ɛ́ nɛ́ nɩɛ ná wuu sáŋ ɓɔ́wɔ́ liŋó a bʋlɛ́: «Ɛsɩdrasɛ, ɩ wɩ́bʋlɩ́ ká taŋá! A sáŋɔ́ rá tʋŋ ɛ́ ná ɩ há bʋlɛ́. 13 Amá á kánɔ́, ká duóŋ má kuko, á wɩ pʋmmɔ wuó cɛ́. Wɩ́ɩ́ né to kal balá, ɛ́ ráá má tápʋlɛ́ bɛllɛ wɩ́'ɔsɩ́; beé wɩ́ɛ́, á nɩɛ kánɔ́ a mɩŋ zɔ́krʋ́ sɩɛrʋ. 14 Ɛ́ wɩ́ɛ́, á sʋlʋ ráá sɩ́dííre ké rɛ́ɛ́ nɩɛ ná wuu yɩr mɛ́; a lɩ́sɛ tapʋ́l, rɩ nɩɛ ná wuu há mɩŋrá tɔ́nɛ mɛ́, a já duhʋɔra tolé, rɩ́ tɔ́ɔ́ wuu nɩhɩɛ̃sɛ arɩ́wɔ́ sarɩ́yadííre kɛ́sɩ́wɔ́ kówó sɩ́ɛ́, a ɔsɛ ɛ́ wɩ́ɩ́, a makɛ́ rá Wɩɩsɛ cɔwɩɩlɩzeno sɩ́rá nyúú túwú wɩ́ɩ́ né mí.» 15 Amá, Asayɛl bio Zonataŋ, rɩ́ Tikva bio Yaziya, a suúri Mesulamɛ, rɩ́ Sabetayi há lɛ́ Levi duo sɩɛrʋ; ɓa é dʋŋɔ́ nɛ́ vɛ́ ɛ́ sabɩɩna. 16 Amá lal nɩkɛ́sɛ́ ná ɓɩkana sáŋ ɛ́ ná ɓa há vʋ́ʋ́rɛ. Ɓa lɩ́sɛ vʋk'ɔɔsɔ Ɛsɩdrasɛ, arɩ́ jaa wuu sɩɛrʋ jɩtɩ́náwa a bil. Caŋsɛ fí nyúú mí dʋ́ŋdʋʋ̃́ tápʋl mɛ́ nɛ́ ɓa ké zɩ́ŋ ɛ́ wɩ́ɩ́. 17 Dʋ́ŋdʋʋ̃́ cana, ʋ dʋ́ŋdʋʋ̃́ tápʋl mɛ́ nɛ́ ɓa dí báála ná wuu há já duhʋɔra ná tolé sarɩ́ya tenni.Báála ná há já duhʋɔra tolé yɩra nɛ́ nyɛ́
18 Vʋk'ɔɔsa sɩɛrʋ, ɓa ná há já duhʋɔra tolé yɩra nɛ́ nyɛ́: Yosadakɛ bio Zozie rɩ́rʋ́ maábinaŋá dunɩɛ sɩɛrʋ: Masɛya, Eliezɛɛrɛ, Yarɩbɛ, rɩ́ Gedaliya nɛ́; 19 ɓa sáŋɔ́ rɩ́wɔ́ kírwó háhʋɔra ná tá. Ká ka peɓala a ɔsɛ vʋ́k pá Wɩɩsɛ; ɓa wɩ́zɔkɩ́ ná yɩr mɛ́. 20 Imɛrɛ dunɩɛ sɩɛrʋ: Hanani, rɩ́ Zebadiya; 21 Harim dunɩɛ sɩɛrʋ: Maaseya, Eli, Semaya, Yehɩɛl, arɩ́ Uziya; 22 Pasehur dunɩɛ sɩɛrʋ: Eliohenayim, Maaseya, Ɩsɩmayɛl, Netanɛl, Yozabadɛ, arɩ́ Elasa. 23 Levi dunɩɛ sɩɛrʋ, nɩɛ nyáŋ nɛ́ fa: Yozabadɛ, Simeyi, Kelaya, ɛ́ Kelaya nɛ́ ɓa fa yɩrɛ Kelita, rɩ́ Petahiya, rɩ́ Yehuda, arɩ́ Eliezɛɛrɛ. 24 Yɩyɩɩra sɩɛrʋ, Eliyasiibi ní. Dánnʋpɔ́ɔ́ra má sɩɛrʋ: Salum, Telɛmɛ, rɩ́ Uuri. 25 Ɩzɩrayɛl nɩɛ sɩɛrʋ, Parɔsɛ dunɩɛ nɛ́ ká: Ramɩya, Iziya, Malkɩya, Miyami, Elazarɛ, rɩ́ Malkiya, arɩ́ Benaya; 26 Elamɛ dunɩɛ sɩɛrʋ: Mataniya, Zakari, Yehɩɛl, Abdi, Yeremɔtɛ arɩ́ Eli; 27 Zatu dunɩɛ sɩɛrʋ: Eliohenayi, Elɩasɩbɛ, Matanɩya, Yeremɔtɛ, rɩ́ Zabadɛ, arɩ́ Aziza; 28 Bebayi dunɩɛ sɩɛrʋ: Yohanaŋ, Hananiya, rɩ́ Zabayi, arɩ́ Atilayi; 29 Bani dunɩɛ sɩɛrʋ: Mesulam, Maluki, Adaya, Yasuubi, Seyal, arɩ́ Yeremɔtɛ; 30 Pahatɛ'Mɔhabɛ dunɩɛ sɩɛrʋ: Adina, Kelal, Benaya, Maaseya, Mataniya, Betsalɛlɛ, rɩ́ Binuwi, arɩ́ Manase; 31 Harim dunɩɛ sɩɛrʋ: Eliezɛrɛ, Isiya, Malkiya, Semeya, Sɩmeyɔŋ, 32 rɩ́ Bɛŋzamɛ, Maluki, arɩ́ Semariya; 33 Hasum dunɩɛ sɩɛrʋ: Matenayi, Matata, Zabadɛ, Elifɛlɛtɛ, Yeremayi, Manase, arɩ́ Simeyi; 34 Bani dunɩɛ sɩɛrʋ: Madayi, Amɩramɛ, Uwɛl, 35 rɩ́ Benaya, Bediya, Keluhu, 36 rɩ́ Vaniya, Meremɔtɛ, Eliyasiibi, 37 rɩ́ Mataniya, Matenayi, Yasayi, 38 rɩ́ Bani, Binuyi, Simeyi, 39 rɩ́ Selemiya, Nataŋ, Adaya, 40 rɩ́ Maknadebayi, Sasayi, Sarayi, 41 rɩ́ Azarɛl, Selemiya, Semariya, 42 Salum, Amariya, arɩ́ Zozɛfɛ. 43 Nebo dunɩɛ sɩɛrʋ: Yehɩɛl, Matitiya, Zabadɛ, Zebina, Yadayi, Zowɛl, arɩ́ Benaya. 44 Ɓa nɩɛ nyáŋ wuu ní fa já duhʋɔra tolé; ɓa ɓɩkana lʋl bɛlɛ. Vérifier le 28 au 30 Novembre 2017 à 17h 57mn