Zuwifiwa ɓɩkana já dunhʋɔra tolé
9
1 Wɩ́ɛ́ nyáŋ har mɛ́, Ɩzɩrayɛl sɩ́dííre náŋa ko bʋl páŋ, a bʋlɛ́: rɩ́ Ɩzɩrayɛl nɩɛ, vʋk'ɔɔsa, arɩ́ Levitiwa, wɩ́wɔ́ tɩɩ lɩ́sɛ duowa ná mɛ́ arɩ́ wɩ́lɔrɛ ná mɛ́. Ɓa píwó tɩɩ hé Kana nɩɛ, Hɛtɛ dunɩɛ, Pereezi dunɩɛ, Zebuuzi nɩɛ, Amɔŋ dunɩɛ, Mʋwabɛ nɩɛ, Ezipiti nɩɛ, arɩ́ Amɔɔrɛ dunɩɛ kúsúŋ wɩ́ɛ́. 2 Bee wɩ́ɛ́, ɓa rɩ́wɔ́ bɛlɛ já ɛ́ duhʋɔra tolé; ʋ ɛ́ ɔ́ɔ́ Wɩɩsɛ nɩɛ, rɩ́ tɔ́ɔ́ ná nɩɛ kuosi náŋá mɛ́. Ɓa sɩ́dííre rɩ́wɔ́ nɩhɩɛ̃́sɛ nɛ́ lá sɩ́ɛ́ zɔkɛ ɛ́ zɔ́krʋ.» 3 Ɓa há bʋl wɩ́ɛ́ nyáŋ wuu páŋ, ŋ sɩɛrʋ zɔ́kɔ́ kɩ́ŋkáŋ, ŋ kánɩ́ŋ gɛnnɛ cɔ́nnɛ; a cunníŋ nyúpʋsɛ rɩ́rɩ́ŋ tɔmɔ, ká ké sazɔ́kɔ́ sɩɛrʋ. 4 Ŋ ké sazɔkɔ́ ná sɩɛrʋ, a kaá ja gbaanɛ vʋk'ɔsɔ́ tɛ́ŋ. Nɩɛ ná wuu háá fá Ɩzɩrayɛl Wɩɩsɛ wɩ́bʋlɛ́ héwíŋ, há nɩ́ɛ́ rɩ Zuwifiwa ná há bɩ́rɛ́ lɛ Babɩlɔɔnɛ ko, tʋ́ŋ zɔ́krʋ né, ɓa wuu kúó púŋ laka.Ɛsɩdrasɛ sʋ́l Wɩɩsɛ, nɩɛ wɩ́bɔma wɩ́ɛ́
5 Ɛ́ nɛ́ gbaanɛ vʋk'ɔsɔ́ tɛ́ŋ mɛ́, ŋ táŋ sazɔkɔ́ ná, ká isi arɩ́rɩ́ŋ gɛcɔ́nnɛ ná, a mʋ́ ɓírmí tíé, a ɓɔ́ŋ nɛ́ŋsa cáásɛ Nyuutɩna Wɩɩsɛ, ŋ Wɩɩsɛ rɩ́; 6 a cʋ́ɔ́lʋ́ bʋlɛ́: «Ŋ Wɩɩsɛ, hɩɩ̃sɛ kéníŋ kɩ́ŋkáŋ, ŋ sabɩɩna vúkmi, ŋ wɩŋ sɩ́ɛ́ wo ɓɔ́ aá cáásɩ́, ŋ Wɩɩsɛ. Bee wɩ́ɛ́, á wɩ́bɔma kánɔ́ a tɔ́ rá mɛ́, á dɩ́nyɔ́rkɛ́ zɩ́nɔ́ aá yakɛ bána mɛ́. 7 A pɔ́rá naabálwa tɛ́ŋ mɛ́, a kaá ko aá lɛ́ zaa, á á wɩ́ɛ́ nyɔ́rkɩ́ mɛ́ kɩ́ŋkáŋ. Á wɩ́bɔma nɛ́ tɛ́, ɩ a duhʋɔra kuóre ko yó dírá, árɩ́rá kuóre, rɩ́rá vʋk'ɔɔsa, a ɓʋ́ʋ́sɩ́rá náŋa, a kɛsɛ náŋa kaa mʋ́ yomí, a párá ɓɩɛ wuu, ká á há mɩ́ŋ hɩɩ̃sɛ mɛ́, arɩ́ zaa wuu. 8 Amá Nyuutɩna Wɩɩsɛ, á Wɩɩsɛ, cɛ́rɛ oro mí, ɩ mákɩ́ sawér párá; ɩ lóú á sɩɛrʋ náŋá káánɛ a bɩrko ké tɔ́ɔ́ ná há kɛɩ́ tɔ́ɔ́ mɛ́. Ɛ́ wɩ́ɛ́, á Wɩɩsɛ, ɩ nɛ́ wúrá sɩ́ɛ́ á yomí ná mɛ́, á ná wáána. 9 Óo, á Wɩɩsɛ, á ká yósí rí, ká ɩ́ wɩ́rá vɛ́ɛ́ tá ɛ́ yomí sɩɛrʋ. Ɩ tʋ́ŋ sawér párá; Pɛrsɛ kuóre ló á ká mɩɩsɛ, a makɛ ráá wólli bɩrko sɔ́ɩ́ Wɩcʋɔlɩjaa ná, a cúólu zekulewa ná, á sɩɛ́ ká zeŋe Ziida rɩ́ Zerizalɛmɛ mɛ́. 10 Ɛ́ wɩ́ɛ́, mʋ́l neé mí, á Wɩɩsɛ, ráá sɩɛ́ baa bʋlɛ́ béé? Beé wɩ́ɛ́ á nɛ́ zɔ́kɩ́ wɩ́makɛ ná; 11 ɩ há tɩ́ŋɩ́ tʋtʋnna, ɩ wɩ́laabʋlla mɛ́ a bʋl párá bʋlɛ́: rɩ tɔ́ɔ́ ná ɩ há píé párá ráá tɩ́llʋ́ kéŋ busunnu. Duowa ná nɩɛ kéŋ busunnu, a tʋ́ŋ wɩ́lɔrɛ́, busunnu sú tɔ́ɔ́ ná wuu. 12 Ɩ́ pɔ́ rɩ́ɩ́wa sɩ́ɩ́wa tolé píí pɔ́wɔ́ bɛlɛ rɩ́wɔ́ já, ká má sɩ́wɔ́ tolé jáá pɛ́ɩ́wa bɛlɛ. Ɩ́ sɩ́wɔ́ tɛŋfɩ́ɛ́l já, a sɩ́wɔ́ nɛrɩ́ má já. Ɛ́ é, ɩ́ sɩ́ ná dóé, a dí tɔ́ɔ́ ná oŋwéré wuu, ká tɔ́ʋ́ pɛ́ɩ́wa bɛlɛ, rɩ́wɔ́ tɩ́llʋ́ a káá mʋ́ wuu. 13 Á Wɩɩsɛ, á tɩɩ wɩ́tɩɛnnɛ, rɩ́rá dɩnyɔ́rkɛ́ nɛ́ tɛ́ wɩ́halawa nyáŋ wuu pérírá. Ɩ wɩ́rá bɛ́ŋsɛ cɛ́rɩ́rá wɩ́bɔma káŋ mʋɔsɔ, ká lo á nɩkáánɛ nyáŋ há ka mɩɩsɛ. 14 Ɛ́ wɩ́ɛ́, á baa sɩ́ sáŋ vɛ́ɩ́ wɩ́makɛ́ ná, ká tɩ́ŋ hájáásɛ mɛ́ ráá rɩ́ duowa nyáŋ há mɩ́ŋ wɩ́lɔrɛ́ sɩɛrʋ tʋ́ŋ nʋɔ mɛ́? Ɩ cɔ́ɛ́ wɩ́rá nyúú isí, rɩ́ɩ́ ɓʋ́ʋ́sɩ́rá wuu tenni, rɩ́ nɛ́ŋ sɩ́ lúú lɛ́, rɩ́ɩ́ káánɛ? 15 Nyuutɩna Wɩɩsɛ, Ɩzɩrayɛl Wɩɩsɛ, ɩ kéŋ taŋá. Ɩ lóó á nɩkáánɛ ká mɩɩsɛ a ko aá lɛ́ zaa. Ná ráá nɩ́ɩ́ sɩ́ɛ́ a rɩ́rá wɩ́bɔma, ká nɛ́ŋ oro wuu fa wɩ mɔhɛ̃́ rʋ́ʋ́ cɩ́nɩ́ sɩ́ɛ́.