Dɩŋdɔma baá iso cɛ́ Neemi mí
6
1 Tɛ́ŋ ná mɛ́ Saŋbala rɩ́ Tobiya rɩ́ Arabɛ tɩ́náwa Gesɛmɛ arɩ́rá dɩŋdɔma ná náŋa, há nɩ́ɛ̃́ rɩŋ bɩ́rɔ sɔ zeŋ ná tenni, a súkú gbele wuu. Ɛ́ cɛ́rɛ́ mɛ́ rɩ́ bonni dʋŋɔ nɩ́ káánɛ ɓa wɩ hé, 2 Saŋbala rɩ́ Gesɛmɛ tʋ́ŋ nɛrɔ ŋ rɩ́ bʋlɛ́: Ko rá céŋ náŋá Kefirimi mí, Ono polo sɩɛrʋ. Ɓa faá jáŋ bɔ́ŋbɔ́ŋ ɛɛ nɛ́. 3 Ɛ́ nɛ́ ŋ tʋŋ nɩɛ ɓa mʋ́ bʋl pɔ́wɔ́ bʋlɛ́: Ŋ tʋtʋmɛ́ kánɔ́, ŋ wɩ́ɩ́wa yɩ́rɛ ná wuó ko. Bee wɩ́ɛ́ rɛ́ tɛ́ rɩ́ŋ pi tʋtʋmɛ́ tá rɩ́wɔ́ cɛ́ ká rɩ́ŋ ko cémíwa? 4 Naasɩ baná wuu ní ɓa há tʋ́mɛ́ yɩ́rɩ́ŋ, ɛ́ nɛ́ ŋ bʋl ɛ́ tɩɩ pɔ́wɔ́. 5 Naasɩ́ bɔmmʋɔ nyúú mí, Saŋbala pʋ́ŋsɛ ɛ́ wɩ́ɩ́ tɩɩ nɛ́ hé kɛnɔ mɛ́ a wɩ kéné tɔ́, ká pii pɔ́ʋ́ tʋtʋnnɔ rʋ́ʋ́ kaa ko páŋ. 6 Ɓa fa pʋ́ŋsɛ kɛnɔ ná sɩɛrʋ a bʋlɛ́: Ɓa bʋ́lɩ́wa wɩ́ɛ́ la duo wuu sɩɛrʋ, Gesɛmɛ má sʋ́ʋ́ ká táŋa, rɩ́ɩ́ rɩ́ Zuwifiwa tʋ́ŋ nʋɔ mɛ́ rɩ́ɩ́wa bɩ́ɩ́lɛ, ɛ́ nɛ́ tɛ ɩ bɩrsɔɔ zeŋ ná. Ɓa sɛ́ rɩ́ɩ́ nɛ́ sɩ́ ɔ́wɔ́ kuóro. 7 Rɩ́ɩ́ lɩ́sɛ wɩ́laabʋlla má tɩɩ rɩ́wɔ́ búólí wɩ́ɛ́ Zerizalɛmɛ mɛ́ a bʋlɛ́: Rɩ́ɩ́ nɛ́ ká Ziida dɩtɩ́llɛ kuóro! Mʋ́l neé mí zɩŋ rɩ́ rɛ́ɛ́ rɩ́ mʋɔ́ kuóro sɩ́ nɛ̃ wɩ́ɩ́ ná. Ɛ́ wɩ́ɛ́, ko ráá bʋl hé náŋá mɛ́. 8 Ɛ́ nɛ́ ŋ tʋŋ ɓa bʋl pɔ́ʋ́ bʋlɛ́: «Wɩ́ɛ́ nyáŋ ɩ háá bʋlɛ́ ɓa to taŋá, ɓa kɛ́ɩ́ tɩɩ wɩ́luké! 9 Nɩɛ nyáŋ wuu faá já rɩ́wɔ́ hé héwíŋ á mɛ́, ɓa sɛ́: Ɓa naasɛ sɩ́ yʋɔrɛ rɩ́wɔ́ pi tʋtʋmɩ́ ná ta. Ɛ́ nɛ́ ŋ sʋl Wɩɩsɛ a bʋlɛ́: Mʋ́l neé mí, páŋ baŋcɩpɩrɩ́! 10 Ŋ ísó mʋ́ Delaya bio Semaya há ká Metabel nihĩ rɩ́. Ʋ fa mɩ́nʋ́ jaa mɛ́ a ka dánnʋɔ tɔ́ ká bʋlɛ́: Ko ráá mʋ́ Wɩɩsɛ jaa, a zʋ Wɩɩsɛ dɩ́mɩnɩ́ a ká dánnʋʋsɛ tɔ́ɔ́, bee wɩ́ɛ́ ɓaa ko rɩ́wɔ́ ɓʋ́ɩ́ nɛ́, ɓaa káŋwɔ́ tɩɩ rɩ́wɔ́ ko ɓʋɩ́ tɩ́táŋ nɛ́. 11 Ɛ́ nɛ́ ŋ bʋl pɔ́ʋ́ bʋlɛ́: Bál há nɩhɩ́ŋ nyɛ sɩ́ saŋ fá! Bál orí rí a nɩ́ŋ nyɛ sɩ́ wólli zʋ Wɩɩsɛ jaa ká ka mɩɩsɛ? Ŋ wɩ ráŋ zʋʋ. 12 Ŋ sɩɛ́ nóú rʋʋ fa to Wɩɩsɛ nɩtʋmɩ́. Amá Tobiya rɩ́ Saŋbala nɛ́ fa yɔ́wʋ́ ká rʋ́ bʋl nyɛ kánɩ́ŋ héwó nɛ́sɛ mɛ́. 13 Ɓa fa yɔ́wʋ́ ɛ́, rʋ́ʋ́ hé héwíŋ ní páŋ, rɩ́ŋ tɩ́ŋʋ́ cáánɛ ná mɛ́, a a wɩ́bɔmɔ; ɛ́ é ɓa fa sɩ́ ná gbel a zɔ́kɩ́ŋ yɩ́r, rɩ́ŋ dí hɩɩ̃sɛ. 14 Ɛ́ nɛ́ ŋ sʋ́lɩ́ŋ Wɩɩsɛ a bʋlɛ́: Ŋ Wɩɩsɛ, bɩɩnɛ Tobiya, Saŋbala arɩ́wɔ́ wɩ́'állɛ wɩ́ɛ́, arɩ́ háwɩ́laabʋllɔ Nʋadiya wɩ́ɛ́, rɩ́ wɩ́laabʋlla ná náŋá háá ja rɩ́ héŋwíŋ zʋ́ŋ. 15 Tápʋlɛ́ mɛɛ́sɛllɛ rɩ́ fi rí bɛllɛ, rɩ́ ɓa sɔ́ zeŋe ná tenni, Elulɛ + \fr 6.15 \fq Elulɛ \ft Zuwifiwa cana yɩr nɛ́, ʋ rɩ́ Sɛbtaŋbɩrɛ tenne a kaá mʋ́ Ɔktɔɔbɛ púle nɩ́ɩ́ cɛ́rɛ náŋa. cana tápʋlɛ mɛrɛ́ rɩ́ bɔmmʋ́ɔ́ kal. 16 Á dɩŋdɔma wuu há nɩ́ɛ̃́, rɩ́ duowa ná wuu há mɩ́ŋrá kílo; há néé rɩ́ zeŋ ná sɔɛ ténnó; héŋwíŋ rɩ́ hɩɩ̃sɛ kéŋwó. Bee wɩ́ɛ́, ɓa wuu ɩ́ɔ̃́ rá Wɩɩsɛ yɩr mɩ́ nɛ́ á kaa tʋŋ tʋtʋmɩ́ ná tenni. 17 Ɛ́ tɛ́ŋ mɛ́ nɛ́, Ziida nɩhɩɛ̃sɛ pʋ́ŋsɛ kɛnnɛ ɓɩkáná, naasɩ́ ɓɩkana a tʋŋ ɓa kaa mʋ́ pá Tobiya, ká Tobiya má baa pʋ́ŋsɛ tʋŋ ɓa kaa mʋ́ pɔ́wɔ́. 18 Bee wɩ́ɛ́ Ziida nɩɛ ɓɩkana fa tɩ́ŋ ŋmɔ́ɔ́ mɛ́ a mɩŋ Tobiya har, beé wɩ́ɛ́, ʋ fa ká Zuwifi oro ɓa háá yɩ́rɛ Ara bio Sekaniya hɩ́ɩ́la nɛ́; kɔ́ʋ́ tɩɩ bilʋlɩ́ Yohanaŋ má fa já Berekiya bio Mesulam toló. 19 Ɓa faá píŋsú ŋ sɩ́ɛ́ mɛ́, ká kánɩ́ŋ wɩ́bʋlɛ́ mʋ́ cesi aá pɔ́ʋ́. Tobiya fa pʋ́ŋsɛ kɛnnɛ a bʋl wɩ́ɛ́ rʋ́ʋ́ hé héŋwíŋ páŋ.