Neemi fa wɩlnáára búŋse
5
1 Ɛ́ cɛ́rɛ́ mɛ́, tɔ́ɔ́ ná nɩɛ rɩ́wɔ́ háála kúó gáásɛ wɩ́ɛ́ ɓa maábináŋa Zuwifiwa rɩ́. 2 Náŋa bʋ́bʋl a bʋlɛ́: Á rɩ́rá heŋbollí, arɩ́rá tolé kanɔ, áá ja bilé ní ráá dí wa. 3 Naŋá má bʋ́bʋl a bʋlɛ́: Losu tɛ́ŋ mɛ́, á pírá baksɛ, viinyi baksɛ, rɩ́rá jɩɩsɛ a bil mʋ́l ká la bilé. 4 Naŋá má bʋ́bʋl a bʋlɛ́: Raá nɩ́ɩ́ já rá túŋ kuóro loŋpówa, áá dí kɩma hérá baksɛ rɩ́rá viinyi baksɛ mʋ́l mɛ́ nɛ́. 5 Ká, á rɩ́wɔ́ wuu ká duó balá nɩɛ nɛ́! Á bɛlɛ rɩ́wɔ́ bɛlɛ ká balá nɛ́, ká á é fɩ́kɩ́rá heŋbólli rɩ́rá tolé hé yomi mí. Á tolé ɓɩkana wáárɔ́ bɩrmɛ yósi; ká á wɩ dóé kené a láwɔ́ aá tá. Á baksɛ rɩ́rá viinyi baksɛ wuu nɩ́ ká nɩɛ náŋa tɩ́llɛ. 6 Ŋ há zésíwó ŋmaame rɩ́wɔ́ wɩ́bʋlɛ́ nyáŋ wuu ko tenni, ŋ cɔ́ɛ́ wɩ́ɔ́ kɩ́ŋkáŋ. 7 Ɛ́ nɛ́ ŋ sɩɛ́ bɩ́ɩ́nɛ rɩ́ŋ gáásɛ wɩ́ɛ́ sɩ́dííre rɩ́ tɔ́ɔ́ tɩ́náwa rɩ́ a bʋlɛ́: Bee rɩ́ tɛ́! Ɩ́ pi ɓɩɛ kɩ́mɩ́wa maábináŋa ká súúri nyii pɔ́wɔ́! Ká tɩ́ŋwɔ́ wɩ́ɛ́ a yɩ́rɛ nɩɛ wuu hé náŋá mɛ́. 8 Ká bʋl pɔ́wɔ́ bʋlɛ́: Á tɩɩ nɛ́ yɔ́wɛ́ lárá maábináŋa Zuwifiwa ná há ká yósí duhʋɔra nɛ́ŋsa mɛ́ a tɩ́ŋrá nɛ́kanɔ́ mʋɔsɔ mɛ́. Ká ɩ́ tɩɩ nɛ́ baa pííwa maábináŋa a gɩr yɛ́llɛ aá pá rá náŋa!» Ʋ há bʋ́l ɛ́, ɓa há wɩ wɩ́ɩ́ kené aá bʋl ɓa síkló. 9 Ɛ́ nɛ́ ŋ sɛ́: Ɩ́ wɩ́'aalɩ́ né wɩ weri. Ɩ́ wɩ mɔhɛ̃́ rɩ́ɩ́wa fá rá Wɩɩsɛ héwíŋ, a makɛ rɩ́ duhʋɔra ná há ká rá dɩŋdɔma sɩ́ wóllí leemirá? 10 Ŋ má rɩ́rɩ́ŋ maábináŋa, arɩ́rɩ́ŋ tʋtʋnna pí meéwíé rɩ́ bilé kíŋwɔ́. Ɛ́ wɩ́ɛ́, ŋŋ́ sʋ́lɩ́wa á pi ɛ́ kɩma cɛ́wɔ́! 11 Ɛ́ wɩ́ɛ́, ŋ sʋ́lɩ́wa zaa wuu ɩ́ píwó baksɛ, ɓa viínyi baksɛ, ɓa olivi baksɛ, arɩ́wɔ́ jɩɩsɛ ɩ́ há lɛ́ɛ́ ɓa kɩma mʋ́l mɛ́ a tɛ́. Ká meéwíé rɩ́ bilé rɩ́ dɩvɛ́ŋ arɩ́ nʋnnɛ ná ɩ́ há píé kíŋwɔ́ anɛ nyii ɩ́ pii cɛ́wɔ́. 12 Ɛ́ nɛ́ ɓa sɛ́: Á sɩ́ ɔ́ɔ́ ná ɩ há bʋ́lɛ́: Á sɩ́ pí ɓɩɛ ná wuu á há lɛ́ɩ́ ɓa rɩ́ a pɔ́wɔ́, ká sɩ́ óŋ wuu lá. Ɛ́ nɛ́, ŋ yɩ́rɛ vʋk'ɔɔsa, nɩɛ ná wuu ŋmɩ́ɛ́sɩ́sɩ́wɔ́ sɩ́ɛ́ mɛ́, a bʋlɛ́ ɓa sáŋɔ́. 13 Ɛ́ nɛ́ ŋ ɓósíŋ gɛzʋma tá ká bʋlɛ́: Nɛ́ŋ ná wuu há sɩ́ bɩ́ɩ́lɛ rʋ́ʋ́ tɩŋ wɩ́ɩ́ ná ʋ há ŋmɩ́ɛ́sɛ nʋɔ; Wɩɩsɛ á rʋ́ʋ́ ɓósú tá nyɛ nɛ́, a lɩ́sʋ́ ʋ jaa mɛ́, a ɓɩ́lʋ́! Ɛ́ nɛ́ nɩɛ wuu sɛ́: Rɩ́ ɛ́ nɛ́ tʋŋ! Ká dɛnnɛ Nyuutɩna Wɩɩsɛ a wuu tʋŋ ɛ́ ɓa há ŋmɩ́ɛ́sɛ. 14 A pɔ́ kal ná kuóro há lɩ́sɩ́ŋ rɩ́ŋ a Ziida dɩtɩ́llɛ Zuwifiwa guvɛnɛɛrɛ; a pɔ́ kuóro Artasɛrsɛ kuorí dí bɩŋsɛ mɛɛrɛ́ nyúú mí, ká ko pérú bɩŋsɛ mɛrɛ́ rɩ́ fí rí bɛllɛ nyúú mí, ʋ bɩŋsɛ fí rɩ́ bɛllɛ nɛ́ nyɛ́. Ŋ é tɩɩ rɩ́rɩ́ŋ maábinaŋá há wɩ Ziida dɩtɩ́llɛ gʋvɛnɛɛrɛ há mɔhɛ̃́ rʋ́ʋ́ dí óŋ lɛ́ɛ́ dí. 15 Guvɛnɛɛrɛwa ná náŋa é há láŋ sɩ́ɛ́ tʋŋ, fa fɩ́kɛ́ nɩɛ aá la ɓɩdííle, dɩ́vɛ́ŋ, arɩ́ meéwícááka . Ɓa tʋtʋnna má faá wálmɛ nɩɛ wérí. Amá ŋ é háá fá Wɩɩsɛ héwíŋ wɩ́ɛ́, ŋ wɩ nyɛ wɩ́ɩ́ duo ɛ́ɛ́. 16 Amá, ŋ tɩɩ tʋ́mɔ́ wérí zeŋ né bɩrsɔɛ mɛ́. Á wɩ ɛ́ mɛ́ tɩ́ɛ́kɛ́ a yɔwɛ baka balá ma tɩɩ; ŋ tʋtʋnna má wuu fa de cúŋ tʋtʋmɩ́ ná mɛ́ nɛ́. 17 Zuwifiwa rɩ́ sɩ́dííre ná fa háá díŋ jaa mɛ́, nɛ́ báála zɔlɔ mɛɛ́sɛllɛ rɩ́ fí. Ká duowa náŋa nɩɛ há gʋ́ɔ́rɛ́ kó rá rɩ́ wɩ́ɛ́ to róŋ. 18 Kál wuu, nɔɔ rɩ́ piẽŋse balgo há vʋ́ɛ́ wérí, arɩ́ zíme ní ɓa lɩ́sɛ́ ɓʋ́ʋ́sɛ aá a ɓɩdííle ŋ nɛ́vaamɔ mɛ́. Ká tápʋlɛ́ fí wuu kal, ɓa kéŋ dɩvɛ́ŋ ɓɩkana kaa ko aá páŋ. Amá, kál balá má tɩɩ, ŋ wɩ bɔ́sɛ́ la guvɛnɛɛrɛ túme, bee wɩ́ɛ́, tʋtʋmɛ ná fa zímó a cɩ́ɩ́nɛ nɩɛ ná. 19 Ká ŋ sʋ́l Wɩɩsɛ a bʋlɛ́: Ŋ Wɩɩsɛ bɩ́ɩ́nɩ́ŋ wɩ́ɛ́ a tɩŋ wérí ná wuu ŋ há ɛ́ɛ́ pá nɩɛ ná.