Ɩzɩrayɛl nɩɛ bɩrsɔ Zerizalɛmɛ zeŋe
3
1 Vʋk'ɔɔsɔ nɔhɔ̃́ Elɩasɩbɛ rɩ́rʋ́ maábináŋa ná há ká vʋk'ɔɔsa ísó bɩr sɔ pʋwɩɛla dánnʋɔ; a bárkɛ Wɩɩsɛ ká pɔ́ʋ́ dánnʋʋsɛ bonni hé. Ɓa báá há sɔ́ɛ́ peri Meya zeŋgboo rɩ́ Hananɩyɛl zeŋgboo; ɓa báá bárkɛ Wɩɩsɛ. 2 Nɩɛ ná fa háá tʋ́ŋwɔ́ laka nɛ́ ká Zeriko nɩɛ, ká Imiri bio Zakuuri má tʋ́kwɔ́ mɛ́. 3 Sena bɛlɛ nɛ́ bɩrɛ sɔ́ náŋwʋllɛ́ dánnʋɔ ná. Ɓa nɛ́ sákɛ́ dánnʋɔ daasɛ, a hé dánnʋtɔ́llɛ rɩ́ boryakɛ́ arɩ́ hɔgɛsɛ́. 4 Nɩɛ ná háá tʋ́ŋwɔ́ laka nɛ́ ká. Uriya bio Meremɔtɛ há ká Hakɔsɛ nɩhĩ, ɓa laka, Berekiya bio Mesulam há ká Mesezabɛl nɩhĩ nɩ́ɩ́ tʋ́ŋ ráŋ, ʋ laka Baana bio Sadɔkɛ nɩ́ɩ́ tʋ́ŋ ráŋ; 5 ʋ laka, Tekʋa nɩɛ má nɛ́ faá tʋŋ ráŋ, amá ɓa nɩhɩɛ̃́sɛ wɩ sáŋɛ́ rɩ́wɔ́ tʋŋ ɛ́ ná ɓa sɩdííre há mákɛ́. 6 Paseya bio Yoyada rɩ́ Besodiya bio Mesulam nɛ́ bɩ́rmɛ́ Dánnʋbɩnɛ́ ná. Ɓa nɛ́ sákʋ́ dánnʋɔ daasɛ, a hóú dánnʋtɔ́llɛ rɩ́rʋ́ boryakɛ́ arɩ́rʋ́ hɔgɛsɛ́. 7 Ɓa laka, Melatiya há lɛ́ Gabaɔŋ, rɩ́ Yadɔŋ há lɛ́ Meronɔtɛ, arɩ́ Gabaɔŋ nɩɛ náŋa rɩ́ Misipa nɩɛ ɓa nɛ́ tʋ́mɛ́ aá pá guvɛnɛɛrɛ ná há mɩŋ Ɩfɩratɛ fuo wɩɩsɛ dɩzʋʋlɩ́ rɩ́ cɔɔ. 8 Ɓa laka, Haraya bio Uzɩyɛl háá cʋɔrɛ salmɛ nɩ́ɩ́ tʋŋ ráŋ; ʋ laka Hananiya háá bɩrmɛ tulaalé nɩ́ɩ́ tʋŋ ráŋ. Ɓa nɛ́ bɩ́rmɛ́ Zerizalɛmɛ a bɩrsɔ́ʋ́ zeŋ ná mʋ́ pérú dɩjɛlɔ. 9 Ɓa laka Hur bio Refaya, há ká Zerizalɛmɛ cɔɔ nɔ́ŋɔ sɩ́díírɔ́ nɩ́ɩ́ tʋŋ ráŋ. 10 Ɓa laka, Harumafɛ bio Yedaya nɩ́ɩ́ tʋŋ ráŋ; ʋ laka Hasabineya bio Hatusɛ nɩ́ɩ́ tʋŋ ráŋ. 11 Zeŋ ná cɔɔ nɔ́ŋɔ rɩ́ dɩhɩ̃́ ná ɓa há wasɛ́ dɩpɛ́ŋwa Harim bio Malikiya, rɩ́ Pahatmʋabɛ bio Hasubɛ nɛ́ bɩ́rmɛ́ ɛ́ dɩhɛ̃́. 12 Ɓa laka, Halɔhɛsɛ bio Salum háá bel Zerizalɛmɛ dɩ́tɩ́llɛ cɔɔ ná nɔ́ŋɔ mɛ́, rɩ́rʋ́ tolé nɩ́ɩ́ tʋŋ ráŋ. 13 Hanuŋ rɩ́ Zanʋa nɩɛ nɛ́ bɩ́rmɛ́ polo rɩ́ dánnʋɔ ná. Ɓa nɛ́ bɩ́rmʋ́ a hé dánnʋtɔ́llɛ, boryakɛ́, arɩ́ hɔgɛsɛ́. Ká bɩrsɔ zeŋ ná peri nɛ́gʋtóko sɩ́ɩ́ bʋ́ɩ́ a súúri, a mʋ́ peri nɔbɩna dánnʋɔ. 14 Rekabɛ bio Malikiya há ká Bɛtkerɛmɛ dɩ́tɩ́llɛ bíbello nɛ́ bɩrmɛ́ púpúlí rɩ́ dánnʋɔ ná. Ʋ bɩrmʋ́ a hóú dánnʋtɔ́llɛ boryakɛ, rɩ́rʋ́ hɔgɛsɛ. 15 Kolhoozi bio Salum háá bel Misipa dɩtɩ́llɛ mɛ́, nɛ́ bɩ́rmɛ́ nyibúlbʋɔ rɩ́ dánnʋɔ ná. Ʋ bɩ́rmʋ́, a yóú, a hé dánnʋtɔ́llɛ, boryakɛ́ arɩ́rʋ́ hɔgɛsɛ́. Ká bɩrsɔ zenaa ná há mɩŋ Silowe fuo rɩ́ há mɩŋ kuóro zardɛ laka, a kaa mʋ́ peri neŋcolo ná háá tuwi Davidi zʋ́ɔ́. 16 Ʋ har rɩ́, Azibuki bio Neemi háá bel Bɛtsur dɩtɩ́llɛ cɔɔ nɔ́ŋɔ mɛ́, nɛ́ bɩrɛ sɔ́ zeŋ ná, a mʋ́ peri Davidi lɛlbulli dɩhɩ̃́. A kaa mʋ́ peri nyipalnaa ná ɓa há húré dɩhɩ̃́, a mʋ́ lɩɩ kéri sóójibibara zʋ́ɔ́. 17 Ʋ har rɩ́, Levi duo nɩɛ nɩ́ɩ́ tʋŋ ráŋ: Bani bio Rehum ʋ laka Hasabiya háá bel Keyila dɩtɩ́llɛ cɔɔ nɔ́ŋɔ mɛ́ nɩ́ɩ́ tʋŋ ráŋ. 18 Ʋ har rɩ́, ɓa maábináŋa nɩ́ɩ́ tʋŋ ráŋ: Henadadɛ bio Biniwi háá bel Keyila dɩtɩ́llɛ cɔɔ nɔ́ŋɔ mɛ́; 19 Ʋ laka, Zozie bio Ezɛrɛ há ká Misipa sɩ́dííro, nɛ́ bɩrɛ sɔ́ zeŋ ná cɔɔ ná há cáásɛ sóójiwa laala jaa nagbáŋjɛ́ rɩ́ cɔɔ. 20 Ʋ laka, Zabibayi bio Baruki má nɛ́ bɩrɛ sɔ́ zeŋ ná cɔɔ nɔ́ŋɔ arɩ́ kajáŋa a pɔ́ nagbáŋjɛ́ ná mɛ́, ká kaa mʋ́ peri vʋk'ɔɔsɔ nɔhɔ̃́ Elɩasɩbɛ jaa dánnʋɔ. 21 Ʋ laka, Uuri bio Meremɔtɛ há ká Hakɔsɛ nihĩ nɛ́ bɩrɛ sɔ́ zeŋ ná cɔɔ ná nɔ́ŋɔ, a pɔ́ Elɩasɩbɛ jaa dánnʋɔ mɛ́, a kaa mʋ́ pérú jaa tokó. 22 Ʋ har rɩ́, vʋk'ɔɔsa ná há mɩŋ Zerizalɛmɛ dɩtɩ́llɛ ná mɛ́ nɩ́ɩ́ tʋŋ ráŋ. 23 Ɓa har rɩ́, Bɛŋzamɛ rɩ́ Hasubɛ nɛ́ bɩrɛ aá sɔ́ zeŋ ná cɔɔ ná há caasɩ́wɔ́ jaa. Ɓa har rɩ́, Maseya bio Azariya há ká Ananiya nihĩ nɩ́ɩ́ tʋŋ ráŋ, ʋ jaa laka. 24 Ʋ har rɩ́, Henadadɛ bio Binuwi nɛ́ bɩrɛ aá sɔ zeŋ ná cɔɔ nɔ́ŋɔ, a pɔ́ Azariya jaa mɛ́, ká kaa mʋ́ peri zeŋ ná nagbáŋjɛ́ arɩ́ dɩgʋ́rɩ́ ná mɛ́. 25 Uzayi bio Palal nɛ́ pɔ́ zeŋ ná nagbáŋjɛ́ mɛ́, ká bɩr sɔ mʋ́ lɛ́ nyúú rɩ́ túko jaa ná ɩ háá daarɛ ká peri bɩnajaa pʋpɔ́ɔ́ra wuolo laka. Ʋ har rɩ́, Parɔsɛ bio Pedaya nɩ́ɩ́ tʋŋ ráŋ. 26 Wɩɩsɛ jaa tʋtʋnna ná há mɩŋ Ɔfɛl dɩ́ŋdúóŋ mí; nɛ́ bɩrɛ sɔ́ zeŋ ná a pɔ́ túko nagbáŋjɛ́ ná mɛ́, ká kaa mʋ́ peri nyii dánnʋɔ, wɩɩsɛ dɩpomí rɩ́ caasɛ́ arɩ́ nyúú rɩ́ túko rɩ́ɩ́ caasɛ́. 27 Tekʋa tɔ́ɔ́ nɩɛ má nɛ́ bɩrɛ sɔ́ cɔɔ ná há cáásɛ́ túko jɩzeno nagbáŋjɛ́, a kaa mʋ́ peri Ɔfɛl zeŋ. 28 Záksɛ dánnʋɔ ná nyúúrí, vʋk'ɔɔsa nɩ́ɩ́ tʋŋ róŋ. Nɛ́ŋ wuu tʋŋ cɔɔ ná há cáásʋ́ jaa nɛ́. 29 Ɓa har rɩ́, Imɛrɛ bio Sadɔkɛ nɩ́ɩ́ tʋŋ ráŋ, ʋ jaa sɩ́ɛ́. Ʋ har rɩ́, Sekaniya bio Semaya há ká wɩɩsɛ dɩpomí dánnʋɔ pʋ́pɔ́ɔ́rɔ nɩ́ɩ́ tʋŋ ráŋ. 30 Ɓa har rɩ́, Selemiya bio Hananiya, rɩ́ Salafɛ balgo nyúú mí bio Hanʋnɛ nɛ́ bɩrɛ aá sɔ zeŋ ná cɔɔ nɔ́ŋɔ. Ɓa har rɩ́, Berekiya bio Mesulamɛ nɩ́ɩ́ tʋŋ ráŋ ʋ jaa sɩ́ɛ́. 31 Ʋ har rɩ́, nɩɛ ná háá cʋ́ɔ́rɛ salmɛ, ɓa sɩɛrʋ nɔ́ŋɔ Malkiya nɛ́ bɩrɛ sɔ́ zeŋ ná mʋ́ peri Wɩɩsɛ jaa tʋtʋnna rɩ́ yɛlɛ́ jaa ná, há mɩŋ Mifikadɛ dánnʋɔ sɩ́ɛ́, a kaa mʋ́ peri túko ná há mɩŋ zeŋ ná nagbáŋjɛ́ caasɛ́. 32 Nɩɛ ná háá cʋ́ɔ́rɛ salmɛ arɩ́ yɛlɛ́ nɛ́ bɩrɛ aá sɔ zeŋ ná cɔɔ ná há mɩŋ jɩtúko ná há mɩŋ náŋgbáŋjɛ́ rɩ́ pʋwɩɛla dánnʋɔ pɛ́kɛ.Dɩŋdɔmá ja rɩ́wɔ́ zɔ́kɛ tʋtʋmɛ́
33 Saŋbala há nɩɛ̃́, rɩ́ ráá bɩ́rɔ́ aá sɔ zeŋe ná, ʋ dí cɔ́ɛ́; a isi cɩ́ŋrá mɛ́ kɩ́ŋkáŋ. Ʋ lɔ́rɛ Zuwifiwa. 34 Ʋ cɩ́nʋ́ maábináŋa rɩ́ Samari sóójiwa sɩ́ɛ́ a bʋlɛ́: «Beé rí Zuwifiwa nɛ́mmúrtɩɩna nyáŋ jɩ́ja rɩ́wɔ́ a nyɛ? Ɓa sɩ́ wólli bɩr sɔ́wɔ́ tɔ́ɔ́ né? Ɓa sɩ́ wólli ɔsɛ vʋka ráŋ? Ɓa bɩ́ɩ́nɔ́ ɓa sɩ́ wóllú sɔɔ tenní kál oro? Ɓa sɩ́ wólli a rɩ́ dɔwʋɔ́ ná níŋ há díwó ɓa mɩŋ kuŋkulo sɩɛrʋ rɩ́wɔ́ bɩr a dɔ́wɩ́wómmé?» 35 Amɔnɩti báálɔ Tobiya fa há mɩ́nʋ́ laka, ʋ sɛ́: «Ɓa é sɩ́sɔɔ! Rɩ́ zɔɔ má tɩɩ kúó yákwɔ́ dɔ́wʋ́ɔ́ zeŋ né, ʋ sɩ́ cɔ́rɛ́ ɓal. 36 Ɛ́ nɛ́ ŋ sʋl Wɩɩsɛ a bʋlɛ́: Á Wɩɩsɛ, zesi, bee wɩ́ɛ́ ɓa lɔ́rɩ́rá! A rɩ́wɔ́ tɩɩ bɩr dí hɩɩ̃sɛ, a a rɩ́ nɩɛ fórwó ɓɩɛ ká kɛ́sɩ́wɔ́ kaa mʋ́ yomí. 37 Sɩ́wɔ́ dɩnyɔ́rkɛ́ píí cɛ́wɔ́, sɩ́wɔ́ wɩ́bɔma súúri hé, bee wɩ́ɛ́ ɓa bʋ́l wɩ́ɛ́ cɛ́ nɩɛ ná há bɩ́rɛ́ aá sɔ zeŋe ná mɛ́. 38 Amá, á wólló bɩrsɔɔ zeŋ ná a zɩ́ pérú ɓarma. Bee wɩ́ɛ́, nɛ́ŋ wuu fa có tʋtʋmɩ́ ná rɩ́rʋ́ sɩɛrʋ wuu.