Neemi ná ŋmɛ́nɔ rʋ́ʋ́ bɩrmʋ́ Zerizalɛmɛ
2
1 Kuóro Artasɛrsɛ kuorí díí bɩŋsɛ mɛrɛ́ nyúú mí, Nisaŋ + \fr 2.1 \fq Nisaŋ \ft Zufiwa cana nɔ́ŋɔ yɩr nɛ́. Ʋ rɩ́ lʋŋgaarɛ rɩ́ caŋyomo cana nɩ́ɩ́ cɛ́rɛ́.cana sɩɛrʋ, rɩ sɩ́ŋ fa mɩŋ kuóro laka ŋ pii pɔ́ʋ́. Ŋ sɩɛrʋ há wɩ nyɛ ná zɔkɛ ʋ sɩ́ɛ́. 2 Ɛ́ nɛ́ kuóro bʋ́lɩ́ŋ rɩ́ bʋlɛ́: «Bee rí tɛ ɩ sɩ́ɛ́ zuki nyɛ́? Kɛ́ɩ́ waá wɩɩlɛ má, nyɛ́ mɛ́ sazɔkɔ́ nɛ́ kení. Héwíŋ kénɩ́ŋ kɩ́ŋkáŋ, 3 ɛ́ nɛ́ ŋ bʋ́l kuóro rɩ́ bʋlɛ́: Rɩ́ kuóro ká mɩgbó! Beé rí tɩ́llɛ́ rɩ́ŋ sɩ́ɛ́ sɩ́ zúkú? Tɔ́ɔ́ ná mɛ́ ɓa há húŋ naabálwa há bɩ́rmɛ́ tɔ́ɓoo, níŋ dúú dánnʋʋsɛ bonni wuu? 4 Kuóro bʋ́lɩ́ŋ rɩ́ bʋlɛ́: Bee rí sɩɛ́ ɩ jɩ́ja? Ɛ́ nɛ́ ŋ sʋl bána nyúú Wɩɩsɛ, 5 ká bʋl kuóro rɩ́ bʋlɛ́: Rʋʋ nɛ́ cɛ́rɛ́ a pɛɩ́, rɩ́ɩ́ cóllíŋ ŋ há kɛ́ɩ́ tʋtʋnnɔ wɩ́ɛ́, ɩ páŋ ŋmɛ́nɔ rɩŋ bɩr mʋ́ Ziida dɩtɩ́llɛ tɔ́ɔ́ ná ɓa há húŋ ánáwa ráŋ; a bɩr sɔ́ʋ́. 6 Hákuóro sɩɛ́ ké Kuóro laka kɔ́ʋ́ bɔ́sɩ́ŋ bʋlɛ́: Ɩ ráŋ mʋ́ɩ́ dáánɛ mɔ ɛ́rɛɛ́ rɛ́? Tɛ́ŋ béé rí ɩ sɩ́ bɩrko? Kuóro sɩɛrʋ tɔrɛ, ʋ páŋ ŋmɛ́nɔ rɩ́ŋ col; ɛ́ nɛ́ ŋ mákɩŋ bɩŋkooli pɔ́ʋ́. 7 Káŋ baa bʋl kuóro rɩ́ bʋlɛ́: Kuóro rʋʋ nɛ́ cɛ́rɛ́ a pɛɩ́, a rɩ́wɔ́ pʋ́ŋsɛ kɛnnɛ páŋ, rɩ́ŋ kaá mʋ pá Ɩfɩratɛ fuo wɩɩsɛ dɩzʋʋlɩ́ rɩ́ cɔɔ guvɛnɛɛrɛwa, a mákɛ rɩ́wɔ́ páŋ ŋmɛ́nɔ rɩ́ŋ daarɛ peri Ziida. 8 A pʋ́ŋsɛ kɛnɔ rɩ́ŋ kaa mʋ́ pá Asafɛ háá bel kuóro gɩr mɛ́, rʋ́ʋ́ páŋ daasɛ rɩ́ŋ kaa mʋ́ hé tɔ́zeno dánnʋʋsɛ ná há mɩŋ Wɩɩsɛ jaa laka, ká sɔ tɔ́ɔ́ ná zeŋe arɩ́rɩ́ŋ tɩɩ dɩpɩnɛ́.» Ɛ́ nɛ́ kuóro sáŋɩ́ŋ sʋlɛ́, bee wɩ́ɛ́ ŋ Wɩɩsɛ fa mɩ́nɩ́ŋ har. 9 Ŋ ka kuóro kɛpʋ́ŋsɛ ná mʋ́ pá Ɩfɩratɛ fuo wɩɩsɛ dɩzʋʋlɩ́ rɩ́ɩ́ cɔ́ɔ́ guvɛnɛɛrɛwa ná. Kuóro fa lɩ́sɛ sóójihɩɛ̃́sɛ rɩ́ zákzɩ́nna ɓa kánɩ́ŋ mʋ́. 10 Saŋbala há lɛ́ Horoŋ, rɩ́ Tobiya há ká tʋ́tʋ́nnʋ́ a lɛ Amɔŋ duo sɩɛrʋ; ɓa há nɩ́ɛ̃́ rɩ nɛ́ŋ kúó rʋ́ʋ́ pɛ́ Ɩzɩrayɛl nɩɛ mɛ́; ɓa sɩɛrʋ wuu nɛ́ zɔ́kɛ́ ɛ́ wɩ́ɩ́ nyúú.Neemi kɩ́ɛ́lɛ Zerizalɛmɛ zeŋe nɩɩsɔ
11 Ŋ há pérí Zerizalɛmɛ, ŋ ké róŋ tápʋlɛ́ botoro. 12 Tɩ́taŋ ŋ rɩ́ báála náŋa sɩɛ́ isi, ŋ taŋa wɩ wɩ́ɩ́ ná ŋ Wɩɩsɛ há héŋ sabɩɩna mɛ́ rɩ́ŋ tʋŋ Zerizalɛmɛ mɛ́ bʋ́lɛ́ pá nɛ́ŋ wuu. Pʋná wuu fa tóŋ rɩ́, rʋʋ nɛ́ toó ná ŋ há zɩ́nɛ́ aá va. 13 Ɛ́ tɩ́taŋ ŋ ísó tɩŋ polo rɩ́ dánnʋɔ lɛ́ a caasɛ Dɩragɔŋ nyibúlbʋɔ rɩ́, arɩ́ pupul rɩ́ dánnʋɔ rɩ́ɩ́ cɔɔ, a lɩɩ mʋ́ kɩ́ɛ́lɛ Zerizalɛmɛ zeŋe ná. Zeŋe ná wuu cɔ́nnɔ́, ká níŋ dúú dánnʋʋsɛ bonni. 14 Ŋ baa lɩɩ mʋ́ tɩ́ŋ nyibúlbʋɔ rɩ́ dánnʋɔ, rɩ́ kuóro vil rɩ́, amá dɩhɩ̃́ fa to ráŋ rɩ́ŋ oŋzɩ́nɛ fa tɩŋ lɛ. 15 Tɩ́taŋ ŋ ísó tɩŋ polcʋ́ɔ́rɛ rɩ́ cɔ́ɔ́, a gʋɔrɛ bel zeŋe ná. Ká bɩr tɩŋ polo rɩ́ dánnʋɔ ná a col. 16 Tɔ́ɔ́ sɩ́dííre fa wɩ́ŋ há mʋ́ ráŋ ná ɛ̃, a wɩ́ŋ há ɔ́ɔ́ ná ɛ̃. Arɩ́ zaa wuu ŋ fa há wɩ wɩ́ɩ́ bʋ́lɛ́ pá Zuwifiwa rɩ́ vʋk'ɔɔsa rɩ́ tɔ́tɩ́náwa rɩ́ sarɩ́yadííre, arɩ́ nɩɛ ná wuu há kéŋ tʋtʋmɛ́. 17 Ɛ́ nɛ́ ŋ bʋl pɔ́wɔ́ bʋlɛ́: Ɩ́ ná rá há mɩŋ wɩɩla ná duo sɩɛrʋ rɛ́: Zerizalɛmɛ bɩ́rmɛ́ tɔ́ɓoo, níŋ dúú dánnʋʋsɛ zɔkɛ. Ɩ́ ko, raá bɩrsɔ Zerizalɛmɛ zeŋe ná; a makɛ rá báá sɩ́ hɩɩ̃sɛ́ né dí. 18 Ká sɩɛ́ máŋsɛ pɔ́wɔ́, ɛ́ ná ŋ Wɩɩsɛ fa há mɩ́nɩ́ŋ har, rɩ́ wɩ́ɛ́ ná kuóro fa há bʋ́lɛ́ páŋ. Ɛ́ nɛ́ ɓa sɛ́: Á isi sɔɔ! Ká ɓa sɩɛ́ hé baŋcɩpɩrɩ́ rɩ́wɔ́ tʋŋ ɛ́ tʋtʋ́ŋwero. 19 Tɛ́ŋ ná mɛ́, Saŋbala há lɛ́ Horoŋ, rɩ́ Tobiya há ká tʋtʋnnɔ a lɛ Amɔŋ duo sɩɛrʋ, arɩ́ Gesɛŋ há ká Arabɛ. Ɓa há nɩ́ɛ̃́ ɓa bʋ́l wɩ́ɛ́ aá lɔ́rɩ́rá aá múúrírá. Ɓa sɛ́: Beé rí ɩ́ ɩ́'a rɛ́? Kuóro mí ní ɩ́ isi cɛ́? 20 Ɛ́ nɛ́ ŋ bʋ́l pɔ́wɔ́ bʋlɛ́: «Bána nyúú Wɩɩsɛ sɩ́ a rá dí dóé. Á é há kɔ́ʋ́ tʋtʋnna, á sɩ́ sɔ́. Amá ɩ́ é, ɩ́ wɩ kér kené, a wɩ nʋɔ́ kené, a wɩ yɩ́r kené Zerizalɛmɛ mɛ́.