Ziida kuóre wɩ́ɛ́
Nɩɛ hé naŋá Sɩsɛmɛ mɛ́
Bel 1Kuóre 12.1-15
10
1 Robohamɛ isó mʋ́ Sɩsɛmɛ, bee wɩ́ɛ́ róŋ ní Ɩzɩrayɛl nɩɛ wuu fa mʋ́ rɩ́wɔ́ bílú rʋ́ʋ́ dí kuorí. 2 Tɛ́ŋ ná mɛ́, Nɛbatɛ bio Zerobowamɛ há nɛ̃ ɛ́ wɩ́ɩ́, rʋʋ fa mɩŋ Ezipiti mí. Ʋ fa lɩ́ɔ́ fá mʋ́ ráŋ rʋ́ʋ́ fóri kuóro Salomɔŋ nɛ́sɛ mɛ́. Ráŋ nɛ́ ʋ lɛ a bɩrko. 3 Ɓa tʋŋ nɩɛ ɓa mʋ́ yɩ́rʋ́. Ɛ́ nɛ́ Zerobowamɛ rɩ́ Ɩzɩrayɛl nɩɛ wuu ko a bʋl Robohaŋ rɩ́ a bʋlɛ́: 4 «Ɩ áná fa fɩ́krá mɛ́ á tʋŋ tʋtʋ́ŋduoru wérí, mʋ́l néé mí a rɩ́ɩ́ yomí ná arɩ́ tʋtʋ́ŋ duori ná ɩ áná há píé nyáŋɩ́rá dɔ́llɛ, ɛ́ é, á sɩ́ tʋŋ pɩ́pɛ́ɩ́.» 5 «Ɛ nɛ́ Robohaŋ bʋ́lwɔ́ rɩ́ bʋlɛ́. «Ɩ́ mʋ́ ká bɩrko tápʋlɛ́ botoro pɛ́kɛ, ɛ́ nɛ́ nɩɛ ná bɩrcol. 6 Kuóro Robohaŋ sɩɛ́ bɔsɛ nɩhɩɛ̄́sɛ ná fa há tʋ́mɛ́ pɩ́pɔ́ʋ́ áná Salomɔŋ ʋ mɩnɛ́ mɛ́ a bʋlɛ́: «Ɩ́ é rɩ́, bee wɩ́ɩ́ rɛ́ mɔhɛ̃́ rɩ́ŋ bʋl pá nɩɛ nyáŋ>>» 7 Ɛ́ nɛ́ ɓa bʋ́lʋ́ rɩ́ bʋlɛ́: «Rɩɩ nɩ́ á wérí a pá nɩɛ nyáŋ, rɩ nɛ́ ɛ́ɛ́ rɩ́wɔ́ sɩɛrʋ tɔrɛ, a bʋl wɩ́were páwɔ́, ɓa sɩ́ ɛ́ɩ́ tʋtʋnná a tʋŋ pɩ́pɛ́ɩ́ a kaá mʋ́ wuu.» 8 Amá Robohaŋ vɛ nɩhɩɛ̄́sɛ cáánɛ ná, ká tɩ́ŋ cáánɛ ná bápʋɔsɛ́ ná há kɔ́ʋ́ woo náŋa a mɩnʋ́ dɩhɩ̃́ tʋ́ŋ pɩ́pɔ́ʋ́ nɛ́. 9 Ʋ bʋ́lʋ́ woo náŋa ná rɩ́ a bʋlɛ́: «Ká ɩ́ má, ɩ́ sɩ́ beé rɩ́>> Á mɔhɔ̃́ rá bʋl beé rí pá nɩɛ nyáŋ há sɛ́: Coki tʋtʋŋduoru ná ɩ áná há ɛ́ɛ́ á tʋ́tʋ́ŋ a múúri.» 10 Ɛ́ nɛ́ bápʋɔsɛ́ ná há kɔ́ʋ́ woo náŋa sɛ́: “Nóú ná ɩ há sɩ́ bʋl pá nɩɛ ná há bʋ́lɩ́ rɩ́ bʋlɛ́: Ɩ áná ɔ́ɔ́ á tʋŋ tʋtʋ́ŋduoru: Amá ɩ é, a rɩ́ tʋtʋmɛ́ ná dɔ́llɛ párá! Nóú ná ɩ há sɩ́ bʋl pɔ́wɔ́: Ŋ néní má tɩɩ zénó kɩ́llɩ́ŋ áná tɩŋa rɛ́. 11 Ŋ áná ɔ́ɔ́ ɩ́ tʋŋ tʋtʋ́ŋduoru rí,amá ŋ e sɩ́ a rɩ́ɩ́wa tʋŋ tʋtʋ́ŋduoru a kɩ́llɛ ɛ́
Ŋ áná tʋ́rɩ́wa arɩ́ nɔpɛnɛ nɛ́; amá ŋ é sɩ́ ja hɔrʋ a hé nɔpɛnɛ ná nʋʋsɛ mɛ́, a kaa tʋ́rɩ́wa.”» 12 Tápʋlɛ botoro ná kal, Zerobowamɛ rɩ́ nɩɛ ná wuu bɩ́rɔ́ ko Robohaŋ dɩhɩ̃́ anɛ ɛ́ kuóro fa há bʋ́lwɔ́ rɩ́ bʋlɛ́: Tápʋlɛ botoro kal ɩ́ bɩrkóŋ rɩ́. 13 Kuóro Robohaŋ vɛ́ nɩhɩɛ̄́sɛ cáánɛ, ká bʋl nʋhɔwɩ́ɛ́ a pá nɩɛ ná, 14 ká bʋl bapʋɔsɛ ná wɩ́bʋlɩ́ ná nɛ́ pɔ́wɔ́, a bʋlɛ́:
«Ŋ áná ɔ́ɔ́ ɩ́ tʋŋ tʋtʋ́ŋduoru rɩ́,
ŋ é sɩ́ a rɩ́ɩ́wa tʋŋ tʋtʋ́ŋduoru a kɩ́llɛ ɛ́.
Ŋ áná tʋ́rɩ́wa arɩ́ nɔpɛnɛ nɛ́;
amá ŋ é sɩ́ ja hɔrʋ a hé nɔpɛnɛ ná nʋʋsɛ mɛ́, a tʋ́rɩ́wa.» 15 Nyuutɩna Wɩɩsɛ faá já rɩ́ wɩ́ɩ́ ná ʋ há tɩ́ŋ Wɩɩsɛ wɩ́laabʋllɔ Ahiya há lɛ́ Siilo, a bʋl pá Nɛbatɛ bio Zerobowamɛ nɛ́ cɛ́. Ɛ́ nɛ́ tɛ kuóro wɩ nɩɛ ná nʋɔ zésé.
Ɩzɩrayɛl dɩtɩ́llɛ caksɛ́ wɩ́ɛ́
16 Ɩzɩrayɛl nɩɛ ná wuu há néé rɩ kuóro wʋ́ɔ́ rɩ́ɩ́ zesi, ɓa bʋ́l kuóro rɩ́ bʋlɛ́:
«Á rɩ́ Davidi wɩ ker kené.
Á rɩ́ Zeese bio má wɩ wɩ́ɩ́ mɛ́ tʋ́mɛ́!
Ɩzɩrayɛl nɩɛ, ɩ́ nɛ́ŋ wuu bɩrmʋ́ jaa!
Mʋ́l né mí Davidi bíbelí jaa mɛ́!
Ɛ́ nɛ́ Ɩzɩrayɛl nɩɛ wuu bɩrmʋ́ jɩɩsɛ.»
17 Amá Ɩzɩrayɛl nɩɛ ná é wuu fa há ké tɔ́nɛ ná há mɩŋ Ziida tíé mí, Robohaŋ nɛ́ fa haá bélwó mí. 18 Ɛ́ nɛ́ kuóro Robohaŋ tʋŋ Adoraŋ, nɛrɔ ná fa háá bel nɩɛ ná há tʋŋ tʋtʋ́ŋduoru mí, amá Ɩzɩrayɛl nɩɛ yósú a ɓʋ́. Ká kuóro Robohaŋ é wólli fá a mʋ́ zʋ lal tórko, a fá mʋ́ Zerizalɛmɛ. 19 A pɔ́ ɛ́ tɛ́ŋ mɛ́ nɛ́, Ɩzɩrayɛl nɩɛ cɛ́ Davidi jaa mɛ́, a ko aá lɛ zaa.