4
1 Ʋ kéŋ kɔmɔ́ luki koro, ʋ gbési a nɛ́gotóko sɩ́ɩ́ mɛrɛ́, ʋ jɛ́l má nɛ́gotóko sɩ́ɩ́ mɛrɛ́; kɔ́ʋ́ isé má a nɛ́gotóko sɩ́ɩ́ fí.Kɔmɔ́ naŋtáŋzeno arɩ́ táásawa fí wɩ́ɛ́
2 Ʋ pi kɔmɔ́ a cʋɔrɛ naŋtáŋzeno. Ʋ ká gilegile, a pɔ́ʋ́ nʋɔ cɔɔ nɔ́ŋɔ mɛ́ kaá mʋ́ nɔ́ŋɔ mɛ́ ká nɛ́gotóko sɩ́ɩ́ fí, kɔ́ʋ́ isé a nɛ́gotóko sɩ́ɩ́ bɔmmʋ́ɔ́, ká ʋ gilegile wuu a nɛ́gotóko sɩ́ɩ́ mɛrɛ́ rɩ́ fí. 3 Naŋtáŋzeno ná mʋ́biló mí, ʋ kéŋ kɔmɔ́ cʋɔrɛ onni há nɩhɩ̃́ nɔɓallɛ fí kólli bɛllɛ a ɓarɛ kílú wuu. Mɛ́ɛ́tɩr é wuu pɛ́kɛ, nɔɓallɛ mɛrɛ́ nɛ́ mɩŋ ráŋ. Ɓa cʋɔrɛ́ rɩ́ natáŋŋa ná tɛ́ŋ cʋɔrɩ́ wuu ká balá. 4 Ʋ fa sákɛ́ nɔɓallɛ fí rɩ́ bɛllɛ daha nɛ́, botoro sɩ́ɛ́ caasɛ wɩɩsɛ dɩpomɩ́ nɛ́gʋɔ, botoro sɩ́ɛ́ caasɛ wɩɩsɛ dɩzʋʋlɩ́ rɩ́, botoro má sɩ́ɛ́ caasɛ wɩɩsɛ dɩpomɩ́ néduu, ká botoro má naŋá sɩ́ɛ́ caasɛ wɩɩsɛ dɩpomɩ́. Ɓa wuu mʋ́bʋʋsɛ ko céŋ náŋá sɩɛrʋ rɩ́, ʋ pi naŋtáŋzeno ná sákwɔ́ nyúú. 5 Naŋtaŋzeno ná píŋ ká néní ní, ká ʋ nʋgiiló nɛ nyíŋgbaŋa nʋgiiló, anɛ tufɩɩla. Ʋ sɩɛrʋ nyii ká lítir bʋ́ɩ́ mɛɛ́sɩbaná nɛ́ (80 000). 6 Ʋ á táásɛwa fí. A pi bɔmmʋ́ɔ́ bil néduu, ká pi bɔmmʋ́ɔ́ ná náŋa bil nɛ́gʋɔ. Rɩ́wɔ́ kaá sɛ́sɩ́wɔ́ tɩɩ, kaá mʋ́ʋ́rɛ vʋk'físe pʋsɛ. Naŋtáŋzeno sɩɛrʋ nyíí náá nɛ́, rɩ́ vʋk'ɔɔsa kaá sɛ́sɩ́wɔ́ tɩɩ.
Kɔmɔ cɩ́ksɛ wɩ́ɛ́
7 Ʋ kéŋ salmɛ cʋɔrɛ cáŋdaasɛ fí a nɛ́ ɛ́ há mákɛ́, a píwó bil wɩcʋɔlɩjɩzeno ná mɛ́. Ʋ bíl bɔmmʋ́ɔ́ néduu, a bil bɔmmʋ́ɔ́ nɛ́gʋɔ. 8 Ʋ bɩ́rmɛ́ táábɩlwa fí a bil wɩcʋɔlɩjɩzeno ná sɩɛrʋ, a bil bɔmmʋ́ɔ́ néduu, ká bil bɔmmʋ́ɔ́ má nɛ́gʋɔ. Ʋ kéŋ salmɛ cʋɔrɛ cɛ́l loŋni má zɔlɔ. 9 Ʋ sɔ́ vʋk'ɔɔsa wuolo. A sɔ wuolzeno a hé dánnʋʋsɛ, ɛ́ dánnʋʋsɛ mɛ́, ʋ mɩ́ɛ́rɛ kɔmɔ́ tɔ́wɔ́ wuu mí. 10 Ʋ pí naŋtáŋzeno ná ʋ há ɛ́ɛ́ a bil wɩcʋɔlɩjaa ná néduu, a caasɛ wɩɩsɛ dɩpomí néduu rí. 11 Hɩramɛ báá cʋɔrɛ táásawa, pɛ́lwa arɩ́ cɛ́l gbaŋsɛ.
Hɩramɛ tʋŋ tʋtʋmɛ́ ná wuu kuóro Salomɔŋ há sɛ́ rʋ́ʋ́ tʋŋ Nyuutɩna Wɩɩsɛ wɩcʋɔlɩjɩzeno ná mɛ́ a tenni. 12 Nafarsɛ ná bɛllɛ, rɩ́ nyútɔ́llɛ ná bɛllɛ há mɩŋ nafarsɛ ná bɛllɛ nyunni mí, bɛŋzɛllɛ ná bɛllɛ ɓa há kené tɔ́ nyútɔ́llɛ ná bɛllɛ há mɩŋ nafarsɛ ná nyunni mí; 13 Gírénádíé nɔnɔ zɔwaná ná ɓa há kéŋ bɛŋzɛllɛ bɛllɛ ɓɩɛrɛ, gírénádíé nɔnɔ kólli bɛllɛ ɓa há ɓɩ́ɛ́rɛ́ rɩ́ bɛŋzɛllɛ ná, ɓa nɛ́ ɓa kaa tɔ́ nyútɔ́llɛ ná bɛllɛ há mɩŋ nafarsɛ nyunni mí. 14 Ʋ bɩ́rmɛ́ tórkowa arɩ́ táásɛwa ɓa pii sákwɔ́ nyúnni, 15 ʋ bɩ́rmɛ́ naŋtáŋzeno, arɩ́ nɔɓallɛ fí rí bɛllɛ ɓa pi naŋtáŋzeno sákwɔ́ daha; 16 ʋ bɩ́rmɛ́ tapʋmmɔ gbaŋsɛ, pɛ́lwa, arɩ́ naŋlíírídaasɛ. Cɩksɛ nyáŋ wuu Huram-Abiivi fa há ɛ́ɛ́ pá kuóro Salomɔŋ, Nyuutɩna Wɩɩsɛ wɩcʋɔlɩjaa ná yɩr mɛ́; ɓa kéŋ kɔmɔ́ cʋɔrɩ́ nɛ́ ɔ́wɔ́. 17 Zʋrdɛŋ dɩtɩ́llɛ mɩ́ nɛ́, Sʋkɔtɛ arɩ́ Sarɩtaŋ pɛ́kɛ nɛ́ kuóro a ɓa cɔ́ kɔmɔ́ bɩsɛ he cʋʋ bʋɔnnɛ mɛ́ a cʋɔrɛ́ ɛ́ onni wuu. 18 Kɔmɔ́ ná Salomɔŋ há kené a ɓɩɛ nyáŋ wuu, ɓa fa kánɔ́ kɩ́ŋkáŋ nɛ́ŋ fa wʋ́ɔ́ zíŋ wuó máŋsɛ. 19 Salomɔŋ ɔ́ɔ́ ɓa ka salmɛ nɛ́ cʋɔrɛ Wɩɩsɛ jaa onni nyáŋ wuu: Tulaale koro, táábɩlwa ná ɓa háá sakɛ Nyuutɩna Wɩɩsɛ dɩpɛ́ŋwa; 20 salmɛ cʋɔrɩ́ cáŋsɛ dɩsakɛ́ rɩ́wɔ́ cáŋsɛ ɓa ha mɔhɛ̃́ rɩ́wɔ́ nyɩ́kɛ́ a bil Wɩɩsɛ dʋŋɔ dɩmɩnɩ́ sɩ́ɛ́, 21 tufɩɩla, cáŋsɛ, arɩ́ cɛwsɛ, salmɛ cʋɔrɩ́ nɛ́ ɓa ka ɔ́wɔ́ wuu. 22 Siisi, gbaŋsɛ, loŋwiisi, táásɩwiisi; salmɛ cʋɔrɩ́ nɛ́ ɔ́wɔ́ wuu. Wɩɩsɛ jaa dánnʋɔ rɩ́rʋ́ bonni, rɩ́ Wɩɩsɛ jaa ná ɓa háá yɩ́rɛ Wɩɩsɛ dʋŋɔ dɩmɩnɩ́ bonni, arɩ́ wɩcʋɔlɩjɩzeno borzeno, salmɛ nɛ́ ɔ́wɔ́ wuu.